Árbók Hins íslenzka fornleifafélags - 01.01.1914, Side 43

43
að þverm, 43 cm. Þessar myndir eru úr Tobíasarbók-
inni: Efri myndiu vinstra megin sýnir brúðkaup
Tobíasar og er letrað umhverfis: »DEN VNGE TOBIAS
GOD HOLDER BR0LOP MED SIN BRVD«; umhverfis
efri mynd hægra megin stendur: »HIB (svo! fyrir
HIR, þ. e. HER) TAGER TOBIAS GALLEN AFF
FESKEN (þ. e. FISKEN) EFTER EENGELENS BE-
FALING«,og sýnir myndin það; á neðri myndinni vinstra
megin er sýnd lækning föður Tobiasar, sbr. nr. 5900,
en neðri myndin hægra megin hefir verið á þeim fjórð-
ungnum, sem vantar. Umhverfis allar þessar myndir
og milli þeirra er blómskraut, englar og fuglar, fagur-
lega dregið og saumað með rauðbrúnu silki eins og
allur útsaumur á tjaldinu í endurlifnunarstíl, svo sem
tekið er fram við nr. 5900. Umhverfis þessar myndir
allar og blómskrautið kringum þær eru tveir bekkir
útsaumaðir; hinn ytri er samfeldur blaðabekkur og
snúa blöðin oddunum út; hann er að breidd um 11 cm.
hinn innri skiftist með mjóum bekkjum í marga smá-
kafla, er mynda heild hver fyrir sig, þannig að í hverju
horni hefir verið i h s samandregið, á miðjum bekk við
hverja brún skrautmynd í endurlifnunarstíl og sín
hvoru megin utar í hverjum bekk, næst reitunum með i h
s, sömuleiðis í endurlifnunarstíl, en á milli þessara þriggja
mynda á hverjum bekk fyrir sig hafa verið saumaðar
postula myndir og nöfn þeirra hjá; á bekknum að ofan
eru myndir þeirra guðspjallamannanna Mattheusar og
Jóhannesar, á vinstra helmingi bekkjarins að neðan er
mynd Andrésar postula, sbr. nr. 5900; — hægra helm-
inginn vantar; á efri helmingi bekkjarins við við vinstri
brún er »S. BARTOLAMEUS«, neðri helminginn af
þeim bekk vantar einmitt, svo sem áður er tekið fram;
á efri helming bekkjarins við hægri brún er »S. PETRVS«,
en neðri helmingin vantar svo sem allan þann fjórð-
ung tjaldsins. — í efra horni vinstra megin eru leifar
af upphafsstöfum konu þeirrar er saumað hefir tjaldið
— ef til vill; virðast vera C H, dregnir saman. — Af
myndunum og gerð tjaldsins virðist líklegast að það
hafi í fyrstu verið rúmtjald eða ábreiða; kann þó að
hafa verið borðdúkur; en til kirkjulegrar notkunar mun
það ekki hafa verið ætlað í fyrstu. Það lítur út fyrir að
vera frá 16. öld og að líkindum saumað í Danmörku.
6*