Árbók Hins íslenzka fornleifafélags - 01.01.1983, Blaðsíða 3

KUMLATEIGUR í HRÍFUNESI í SKAFTÁRTUNGU I
7
í. mynd. Gamla túnið og bœjarstœðið í Hrífunesi, séð úr austri, úr svonefndu Litlanesi. Bœjar-
hóllinn er vinstra megin við steinhúsið, sem reist var 1904, en núverandi íbúðarhús eru uppi í
brekkunum og á hæðinni hœgra megin við myndina. - Kumlateigurinn er í brotbakka Hólmsár,
Túnhalinn með hestskumlinu frá 1982 nœst, en hestskumlið frá 1958 var þar sem áin sleikir bakk-
ann á móts við miðja mynd. Kumlið frá 1982 er í bakkanum rétt vinstra megin við Ijósa flekkinn
og á svipuðum slóðum mun barnskumlið, sem fannst 1978, hafa verið. Kumlið frá 1981 var enn
vestar, nærri þar sem neftð skagar fram til vinstri. Ljósm.: Þór Magnússon, 6. okt. 1982.
„Meðfylgjandi beinaleifar fann ég í Túnhalanum í Hrífunesi, 40 m
vestar en áðurfundin dys af hesti, sem okkur er kunn. Þetta mun vera
svipað djúpt í jörð. Ég sá þarna fyrst koma í ljós stein, og undir, þegar
að var gáð, beinaleifar. Ég hætti að grafa þegar ég var búinn að fá nægi-
legt sýnishorn til að senda í rannsókn. Ekki get ég áttað mig á af hvaða
lífveru þetta er, en líkist helst skel úr hauskúpu. Þó sáust engar tennur.
Þetta er mjög smátt allt saman. En undir þessum steini er þetta. Kann
að vera að þarna sé ekki meira að finna, en eflaust er þetta nokkurra alda
gamalt. - Ég geri mér vonir um að hægt sé að skilja þetta frá sandinum
sem er saman við.“
Leifar þessar munu fljótlega hafa hrunið niður úr stálinu svo að ekki
varð af frekari rannsókn. Þegar ég spurði Árna nánar um fund þennan
16.10. 1981, sagði hann frá eins og í bréfinu, nema hvað hann taldi
leifarnar hafa verið um 30 m vestur frá hrosskumlinu og ekki eins djúpt
niðri. Er það síðara reyndar sennilegt, því að hrossgröfin var djúpt
niðurgrafin.