Eimreiðin - 01.09.1915, Qupperneq 15

um endurgjaldslaust. Með þessari húsbyggingu stóð Reglan fyrst
verulega föstum fótum í Reykjavík; og þeir, er fyrir því máli
bundust, Jón Olafsson, Borgþór Jósefsson, Porvarður Porvarðs-
son o. fl., unnu Reglunni ómetanlegt gagn með því starfi sínu.
í Hafnarfirði störfuðu templarar eins og hetjur. og þar höfðu
þeir og reist sér stórt og voldugt fundarhús. Munu þeir Sigur-
geir verkstjóri Gíslason, Jón verzlunarmaður Mathiesen og Sveinn
Aubunsson sjómaður aðallega hafa barist fyrir því. Beir hafa allir
í mörg ár verið framarla í templarasveit Hafnfirðinga, og sum
árin hefir starfið alveg hvílt á þeirra herðum. Begar minst er
templara utan Rvíkur, eru nöfn þeirra ofarlega á blaði, og allir
hafa þeir starfað mikið að Stórstúkumálum. Árið 1891 áttu 4/s
af stúkunum fundarhús, og víða út um land voru hús Reglunnar
líka notuð sem samkomuhús fyrir sveitina og barnaskólahús.
Reglan hefir -því í þessu efni unnið landinu mjög mikið gagn.
Pessar húsabyggingar Reglunnar munu ekki hvað minst hafa
stutt að því, að álitið á henni breyttist. Menn viðurkendu, að
hér væri um duglegt félag að ræða, félag, sem væri bæði nyt-
samt og göfugt, og sem þrátt fyrir »sérkreddur« sínar um áfeng-
ið ynni landinu mikið gagn. I stað hæðninnar, er áður var beitt
við félagið, og lítilsvirðingar, naut það nú virðingar og trausts
þjóðarinnar. Og 1893, eða 7 árum eftir að Stórstúkan var stofn-
uð, fékk hún sér af alþingi veittar 500 krónur á ári til starfa
sinna. Má af því draga þá ályktun, að hún þá hafi verið komin
í meirihluta hjá þjóðinni.