Ársrit Hins íslenska fræðafjelags í Kaupmannahöfn - 01.01.1920, Page 1
Kaflar úr fornsögu Austurlanda.
■Þorvaldur Thoroddsen
slcrásetti.
Á seinasta áratugi 19. aldar og á 20. öld, fram að
ólánsárinu 1914, var meira fengist við rannsókn forn-
menja á Austurlöndum en nokkurntíma áður. Stórþjóð-
irnar unnu allar að þessum rannsóknum í mesta bróðerni
og lögðu til þeirra mikið fje. En síðan hinn voðalegi og
heimskulegi ófriður hófst, hefur mannkynið alt orðið trylt
og hamstola og hefur haft um annað að hugsa en vís-
indi og þróun menningarinnar; rannsóknir þessar hafa því
eðlilega lagst niður um tíma, en vonandi verður þeim
einhverntíma haldið áfram, þegar þjóðirnar fara að vitkast
aftur. Árangur þessara margbrotnu rannsókna hefur þó
þegar orðið miklu meiri en nokkurn tíma var búist við.
Uppgötvanirnar voru svo miklar og óvæntar, að þeim
hefur verið líkt við fund Ameríku og landafundina á 15.
og 16. öld; því hjer opnuðust nýir heimar og skaut
jarðarinnar opinberaði einstaka viðburði og lífsferil þjóða,
sem höfðu verið gleymdar um mörg þúsund ár. Hin svo-
kallaða veraldarsaga nær aðeins yfir rúm 2000 ár, en nú
fengust allnákvæmar fregnir um viðburði, sem ná helm-
ingi lengra fram í tímann, menn fundu menjar mikillar
verklegrar og andlegrar menningar, sem stóð á svo háu
sfig* 3—4000 árum fyrir Krists burð, að vjer í sumum
greinum erum ekki komnir mikið lengra á vorum dögum.