Ársrit Hins íslenska fræðafjelags í Kaupmannahöfn - 01.01.1920, Side 16

i6
t’orv. Thoroddsen
manna dýrmætar gjafir, en hann áleit Assyríukonung
undirtyllu sína. Til þess að koma í veg fyrir frekari
sendiferðir milli Egyptalands og Assyríu keypti Babylón-
arkonungur af eyðimerkurræningjum að sitja fyrir Egypt-
um, er sendir væri, og drepa þá.
Mitani-ríki, sem Egyptar kölluðu Naharina, hafði
verið voldugt ríki, en því var nú farið að hnigna, enda
leið það skömmu síðar undir lok, varð sumpart nábúun-
um að bráð og datt sumpart sundur í smáríki. Konungur
sá, sem á þessu tímabili rjeði fyrir ríki þessu, hjet
Tuschratta, hann ritar Amenophis III. og minnist mægða
við konungsætt Egyptalands, fyrirrennarar hans tveir
höfðu sent dætur sínar í kvennabúr Faraós, hann mælist
til vináttu og getur þess, að hann hafi frá æsku átt í
vök að verjast gegn ýmsum óvinum, segist hann nýlega
hafa sigrað Hettíta og sendir P'araó gjafir af herfanginu,
stríðsvagna, hesta og ambáttir, en biður hann að senda
sjer aftur gull, mjög mikið gull og ítrekar það í mörgum
brjefum, segist hann hafa heyrt að gull væri til í Egypta-
landi sem duft jarðar, en hann kvaðst vera í fjárþröng,
en þurfa bæði að búa út her sinn og gjalda heiman-
mund með dætrum sínum. Amenophis III. virðist hafa
orðið við bænum hans, og gekk á gamalsaldri að eiga
eina af dætrum hans. Síðar átti Tuschratta mikil brjefa-
viðskifti við Amenophis IV. og vildi líka láta hann gefa
sjer gull, en þessi Faraó var fastari fyrir; segir Mitani
konungur að tengdasonur sinn Amenophis III. hafi á
dánardægri lofað sjer tveim myndastyttum úr gulli og
biður að senda sjer þær, en hinn nýi Faraó sendi hon-
um aðeins eftirmyndir úr trje, og varð mikið þras út úr
því og loks fullur fjandskapur með hótunum af beggja
hálfu. Brjef frá konunginum á eynni Cyprus, sem Egyptar
kalla Alaschja, greina mest frá verslunarviðskiptum. Cy-
prus var þá auðug ey með miklum koparnámum, verslun