Ársrit Hins íslenska fræðafjelags í Kaupmannahöfn - 01.01.1920, Page 19

Kaflar úr fornsögu Austurlanda
9
alþýðu. Almúgamönnum skilst sjaldan að nokkur maður
vinni vegna þekkingar og vísinda, þeir halda altaf að
vísindamennirnir ætli sjer peningahagnað af vinnu sinni
eða sjeu að grafa eftir fólgnu fje og leita því lags að
tefja fyrir störfum þeirra af engri annari ástæðu en öfund
og heimsku. Oft er harðsótt að fá leyfi yfirvalda og
jarðeigenda og eru báðir dýrseldir, þá er oft hörgull á
vinnufólki, það er stelvíst og óáreiðanlegt, og hleypur stund-
um burtu frá hálfnuðu verki, þegar því mislíkar eitthvað,
þá verður oft að taka tillit til helgisiða og hjátrúar o.
s. frv.
Fyrst var farið að grafa í Jerúsalem og hefur þar
margt merkilegt fundist, en helgar byggingar og grafreitir
Múhamedsmanna hafa oft verið til fyrirstöðu, en síðan
1890 og fram yfir aldamót, hefur ötullega verið unnið að
því að grafa upp ýmsar borgir hjer og hvar út um land,
hefur það borið mikinn árangur, þó þær rannsóknir sjeu
enn aðeins í byrjun. Hjer og hvar í Palestínu eru hólar
og hæðir sem Arabar kalla »Tell«, þeir eru ávalir og
kollóttir, en oft með þrepum og hjöllum í kring. Pað
hefur sýnt sig að hólar þessir eru oftast rústir af fornum
borgum; byggingarnar hafa flestar verið gerðar úr mjúkum,
loftþurkuðum tígulsteini, hafa þær molnað smátt og smátt af
áhrifum loftsins, og efni þeirra hefur blandast saman við
ösku, mold og allskonar rusl, sem menn enn á Austur-
löndum snara út á göturnar úr húsunum; sjaldan.er gert
við gömul hús, verðmæti þeirra er ekki mikið, þá er
annað bygt ofan á rústunum og ekki verið að hafa fyrir
að grafa djúpt fyrir undirstöðunum. Hafa af þessu í
hverjum bæjarhól þegar tímar liðu myndast lög hvert
ofan á öðru og geyma þau margskonar menjar, sem
benda á lifnaðarhætti íbúanna. Nokkrir slíkir hólar hafa
þegar verið rannsakaðir og hafa Englendingar mest grafið
sunnan til í landareign Júdaríkis, en Pjóðverjar norðan til,