Ársrit Hins íslenska fræðafjelags í Kaupmannahöfn - 01.01.1920, Side 24

24
l-’orv. Thoroddsen
aldarfólk á hellaveggjum: kýr, böfflar, hirtir o. fl. alt
meö svipaðri gerð eins og hinar alkunnu steinaldar-
myndir í hellum í Frakklandi. Steinaldarþjóðir þessar
hafa búið í landinu frá öndverðu, alt þangað til Kananítar
lögðu landið undir sig, en hvað oft hefur skipst um
þjóðerni og hverjar byltingar þar hafa orðið, frá því
getur enginn greint. Eflaust hafa frumbúarnir verið búnir
að læra margt og mannast vel verklega, þegar Kananítar
brutust inn í landið nálægt 2500 árum f. Kr. og að öll-
um líkindum hafa þjóðirnar blandast hvor við aðra.
IV. Kananítar og Ísraelítar.
Frá fyrstu tímum sögunnar hafa nýir og nýir þjóða-
hópar af Semítakyni streymt út frá hinum miklu eyði-
mörkum Arabíu, sem eru eins stórar og þriðjungur Eu-
rópu. 3?ar hefur verið óþrjótandi uppspretta herskárra og
þróttmikilla kynkvísla, þær hafa alist upp við hjarðmanna-
líf á eyðimörkum, en hafa síðan í smáum og stórum öld-
um flætt yfir hin ræktuðu lönd í nágrenninu, breytt þar
háttum og orðið að bændalýð, sem svo síðar aftur og
aftur hefur orðið að lúta í lægra haldi fyrir nýjum her-
sveitum af hinum sama ættstofni. Eyðimerkurþjóðirnar í
Arabíu lifa einföldu en hollu lífi í heilnæmu loftslagi,
þeim fjölgar fljótt, en löndin eru svo hrjóstrug, að þau
geta ekki veitt miklum mannfjölda nægilegt viðurværi,
íbúunum er því nauðugur einn kostur að leita bjarg-
ræðis með því að ráðast á lönd nábúanna, enda líta þeir
girndaraugum til hins frjósama akurlendis. Fyrsti Semíta-
straumurinn frá Arabíu, sem menn hafa sögur af flæddi
yfir menningarlöndin við Eufrat og Tigris rúmum 4 þús-
und árum fyrir Kristsburð. Par bjuggu þá Sumerar, ein
hin gáfaðasta mentaþjóð sem nokkurntíma hefur verið til,
frumhöfundar hinnar miklu menningar í Babylón; Sumerar
báru lægra hlut, en Semítar lærðu af þeim, tóku upp