Ársrit Hins íslenska fræðafjelags í Kaupmannahöfn - 01.01.1920, Page 43

Kaflar úr fornsögu Austurlanda
43
Júdaættum, og áttu sífeldum ófriði við þá í heila öld
og höíðu ýmsir betur. Filistear voru hraustir og grimmir
hermenn, þeir hötðu flókahjálma, brynjur og stóra kringl-
ótta skildi, sverð, spjót og stríðsvagna. Útbúningur Fili-
stea öendir á, að þeir hafi verið ættaðir að vestan frá
ströndum Litlu-Asíu og Grikklandseyjum. Pað litla sem
hefur fundist af fornleifum eftir Filistea bendir í sömu
átt og sýnir mikla verklega menningu og töluverð versl-
unarviðskiíti við aðrar þjóðir. Grafir þeirra voru bygðar
úr hellum og sneru nákvæmlega frá austri til vesturs; í
þeim hafa menn fundið ýmsa gripi, ílát úr gleri og ala-
basti, innsigli úr agat og onyx, silfurskálar og skeiðar,
hringi og skrautgripi úr bronse, silfri og gulli, alt prýði-
lega smíðað með forngrísku listasniði. Par hafa líka fund-
ist járnhnífar og vopn og þykir fræðimönnum það víst,
eins og fyrr var ávikið, að Filistear hafi fyrstir flutt járn
til Palestínu og kent Gyðingum járnsmíði, og ef til vill
ýmsan annan iðnað.
VI. Hettítar.
Hjer og hvar í Gamla Testamentinu er getið um
þjóð, sem er kölluð Hettítar; Kananítar og Gyðingar
virðast hafa haft nokkur viðskifti við þá, en þeirra er
ekki nánar getið í Biblíunni, það sjest aðeins, að þjóð
þessi hefur búið á Sýrlandi og að strjálingur af þeim
hefur líka verið norðan til í Palestínu, en frekari fræðsla
faest þar ekki. Pað mætti því ætla, að þetta væri ein af
hinum mörgu smáþjóðum og þjóðabrotum, sem þá voru
svo víða á slangri í Austurlöndum. En af fleygletri Baby-
lónarmanna og egypskum áletrunum sjest, að þjóð þessi
hefur um langan aldur verið voldug og látið mikið til sín
taka. Hettítar, sem eiginlega voru hópur af mörgum ná-
skyldum þjóðum, höfðu bústaði um alla Litlu-Asíu, Ar-
meníu og Sýrland og rjeðu oftast fyrir þessum löndum,