Ársrit Hins íslenska fræðafjelags í Kaupmannahöfn - 01.01.1920, Síða 104
io4
Kristian Kálund
þeim er, en hin bindin bæði gaf Kálund út einn. í þeim
er leiðarvísir um landaskipun og landalýsingar og margs
konar annar forn fróðleikur.
í smáritasafni því, sem útgáfufjelag þetta gaf út á
árunum 1884—1891 og heitir »Smástykker«, gaf Kálund
út fimm smá rit. Merkast þeirra er íslenskt málshátta-
safn frá 15. öld, bls. 131 —184 í ritsafni þessu.
Laxdæla sögu gaf Kálund út handa t’jóðverjum með
þýskum inngangi og skýringum. Sú útgáfa kom út í
»Altnordische saga-bibliothek« og er prentuð í Halle 1896.
í>á er enn ótalin hin mesta og merkasta útgáfa
Kálunds af íslenskum söguritum. Pað er útgáfa hans af
Sturlunga sögu, hinni mestu sögu, eða sögusafni ís-
lendinga á miðöldunum. Hann gaf hana út fyrir Hið
konunglega norræna fornfræðafjelag. Eftir fráfall Konráðs
Gíslasonar 1891 varð Kálund ritari í fornritadeild þess
fjelags, og hjelt því starfi til dauðadags og vann mikið'
yrir fjelagið. Hann var einnig formaður þeirrar deildar,
og því í raun rjettri annar aðalstjórnandi hins norræna
fornfræðafjelags. Fyrra bindið af útgáfu hans af Sturlungu
kom út 1906, en hið síðara 1911. Petta er 3. útgáfa af
Sturlunga sögu, en hin fyrsta útgáfa af henni, sem er
vísindaleg eða nægilega áreiðanleg. Útgáfa þessi er
eyst at hendi með vísindalegri nákvæmni og skarpskygni.
Henni fylgir og óvenjulega nákvæm skrá yfir öll manna-
nöfn og staðanöfn, sem eru í sögunni. í hinum fyrri út-
gáfum eru skrár þessar mjög óvandaðar, en það er vanda-
verk að semja eins nákvæma skrá yfir öll eiginnöfn,
sem koma fyrir í Sturlungu, eins og Kálund hefur gert.
í henni eru nefndir á fjórða þúsutid manna og nálega
1100 staðir. Sjerstaklega þarf mikla vandvirkni að búa
til eins áreiðanlega skrá yfir mannanöfnin eins og skrá
Kálunds er. Hann tilfærir bæði síðu og línu, þar sem
menn og staðir eru nefndir, og er það mjög sjaldan skakt