Ársrit Hins íslenska fræðafjelags í Kaupmannahöfn - 01.01.1920, Page 148

144
Mannkynssaga með myndum
henni má læra, hvernig góður kennari og góð kona á að
vera. Bókin er sem hinn besti leiðarvísir fyrir kennara.
Mannkynssaga með myndum. »Illustrcn-t verdens-
historie for hjemmet«, heitir hin norska mannkynssaga, sem
nú er byrjuð að koma út eftir Alexander Bugge. Hann hefur
áður ritað margt og hefur verið prófessor í sögu, en gefur sig
nú eingöngu að sagnaritun. Hann ætlar einn að rita sögu
þessa, og er það kostur að því leyti að þá má vænta að
sams konar skoðun komi í ljós í allri sögunni, en hins vegar
má varla vænta, að einn maður geti kynt sjer alt eins ræki-
lega eins og fleiri menn, er leggja saman í eitt rit. Saga
þessi á að verða 8 bindi og koma út í hjer um bil 80 heft-
um, hvert 48 bls. og kosta I kr.; er það mjög ódýrt Saga
þessi byrjar útkomu sína á 4. bindinu um endurfæðingar- og
siðbótaröldina, og á síðan 5. 6. 7. og 8. bindi að koma, en
I.—3. bindi síðast. Út eru komin 9 hefti, mestöll um end-
urfæðingartímann á Ítalíu og landafundina miklu; á síðustu
örkinni hefst saga siðbótarinnar, og er því líklegt, að 4. bindið
verði töluvert meira en 10 hefti. Má því gjöra ráð fyrir að
saga þessi verði eitthvað lengri en áætiað er, og töluvert
stærri en mannkynssaga Gyldendals, og að eigi fá ár líði áður
en hún öll er komin út.
f sögu þessari er fjöldi af góðum myndum og sumar á
sjerstökum blöðum. Þau hefti, sem út cru komin, eru mjög
skemtilega rituð. Bókasöfn og lestrarfjelög á íslandi, sem vilja
eiga mannkynssögu, ættu að kaupa bæði þessa bók og sögu
Gyldendals.
Nýjasta saga Dana, 1864—1920. Fred. Nörgaard,
Danmark fra 1864 til Genforeningen med Sönderjylland, 11 5
bls., er nýútkomin. Það er fróðleg og handhæg bók, kostar
3 kr. 50 a. í kápubandi (Aschehoug).
Norrænn nútíðarskáldskapur. Hovedtrœk af nordisk
digtning i ?iytiden, udgivet af Einar Skovrup, (Aschehoug).
Rit þetta er saga norræns skáldskapar á síðustu 50 árum
(1870 —1920). Það á að verða tvö bindi, fyrra bindið er
komið út, og er um skáldskap Dana og íslendinga á þessum
tíma. Hitt bindið á að vera um skáldskap Norðmanna, Svía
og Finnlendinga. Bók þessa rita margir menn, og er efninu
skift á milli þeirra af útgefanda eftir samráði við þá sjálfa.
Rit þetta er hin eina saga, sem til er af hinum nýjasta skáld-
skap allra hinna norrænu þjóða, og er gott að eiga á einum
stað yfirlit yfir hann.
Af því að margir rita bók þessa, er frásögnin nokkuð