Ársrit Ræktunarfélags Norðurlands - 01.01.1927, Qupperneq 39

41
8. Á r s r i ti ð.
Hjá fámennum og fátækum þjóðum er bókaátgáfa
ávalt erfið og ekki gildir þetta síst um bækur búnaðar-
legs efnis. Það er því óhætt að fullyrða, að útgáfa Árs-
ritsins er ein markverðasta starfsemin, sem Ræktunar-
félagið hefur haft með höndum. Ársritið hafa allir æfi-
félagar Ræktunarfélagsins fengið endurgjaldslaust,
hafi þeir einusinni greitt æfigjald, sem til skamms
tíma var aðeins kr. 10.00, nú kr. 20.00.
Beinar tekjur af Ársritinu hefur félagið ekki haft
svo teljandi sé, og hefur það þó varið til útgáfu þess
allmiklu fé. En það, sem gerir Ársritið markverðast
meðal íslenskra búnaðarrita er, að ritið hefur flutt
margar ágætar ritgerðir og ýmiskonar nýungar, bygð-
ar á tilraunum félagsins. Séð frá því stigi, sem vér nú
stöndum á, mun óhætt að fullyrða, að ritið innihaldi
ýms mjög merkileg drög til íslenskrar jarð- og garð-
yrkjufræði. Stærð Ársritsins samtals, að meðtöldu því,
er hér birtist, mun nema alt að 116 örkum í fremur
stóru 8 blaða broti, eða sem næst 1860 bls. Nokkur
hluti þessa lesmáls er vitanlega fundargerðir, reikning-
ar og skýrslur um starfsemi félagsins, en meiri hlut-
inn þó ritgerðir ýmislegs efnis og tilraunaskýrslur.
Auk þessa, sem hér hefur verið talið, hefur félagið á
ýmsan hátt reynt að leiðbeina bændum í jarðrækt o. fl.
Hefur framkvæmdastjóri félagsins gefið árlega fjölda
leiðbeininga bæði munnlega og skriflega, og hefur fé-
lagið að nokkru leyti haldið uppi skrifstofu í þessum
tilgangi. Þannig mun láta nærri, að árlega hafi verið
skrifuð 400—500 bréf frá skrifstofu félagsins og mörg
þeirra svör við ýmisum fyrirspurnum frá bændum á fé-
lagssvæðinu.