Ársrit Ræktunarfélags Norðurlands - 01.01.1932, Side 22

24
b. Fyrirlestrar.
Á þessu ári hafa fáir fyrirlestrar verið fluttir að til-
hlutun Ræktunarfélagsins, þó flutti eg einn fyrirlestur
á Menntaskólanum á Akureyri, í sambandi við íslensku
vikuna síðastliðinn vetur, einn fyrirlestur flutti eg á
aðalfundi félagsins og skömmu fyrir áramótin fór eg
austur í Þingeyjarsýslu og flutti 3 fyrirlestra á Húsa-
vík og 2 við Laugaskóla.
Mörgum fyrirspurnum hefir verið svarað á árinu,
bæði í síma, á skrifstofu félagsins og bréflega.
c. Ársritiö.
28. árgangur félagsins kom út á þessu ári og gekk
allmikill tími af fyrsta mánuði ársins í það að koma
því út, þó mestöll undirbúningsvinna kæmi á árið 1931.
Að undanförnu hefi eg unnið að samningi þessa ár-
gangs ritsins, sem verður sá 29. í röðinni. Sú breyting
verður nú á Ársritinu, að skýrslur búnaðarsamband-
anna í Norðlendingafjórðungi byrja að birtast í því.
Er það í samræmi við tillögu þá, sem samþykkt var á
síðasta aðalfundi félagsins (sjá fundargerðina). Vegna
þess, að mál þetta er ekki fram komið fyr en eftir að-
alfund sambandanna, hafa þó eigi öll samböndin getað
sent skýrslu að þessu sinni, en stjórnir allra samband-
anna hafa lýst sig hlyntar þessu fyrirkomulagi og má
því vænta þess, að þetta verði að fastri reglu í framtíð-
inni og ætti þð að miða að því að halda við samstarfi
og viðkynningu milli Ræktunarfélagsins og samband-
anna og sambandanna innbyrðis.