Ársrit Ræktunarfélags Norðurlands - 01.01.1959, Blaðsíða 12

12
Mosi. Mm. Doppa 6. Lýsing: Sægráhupp. leist. með stjörnu;
hnífl.; fíngerður haus; ágæt húð; góð yfirlína; ágætar útlög-
ur og boldýpt; malir lítið eitt afturdregnar; gleið fótstaða;
slappur um kjúkur; stórir spenar, þétt og aftarlega settir,
gott júgurstæði; þykkvaxinn; lágfættur. II. verðl.
N 63 Ægir, f. 5. júní 1953 hjá Sigurgeir, Eyrarlandi, Öng-
ulsstaðahreppi. Eig.: S. N. E. F. Kolur N 1. M. Sæhyrna 29.
Mf. Hjörtur. Mm. Búbót 27. Lýsing: Sægrár; stórhníflótt-
ur; langur, sviplítill haus; húð í meðallagi; yfirlína nokkuð
ójöfn; litlar útlögur; boldýpt í meðallagi; malir jafnar, lít-
ið eitt þaklaga; þröng fótstaða; stuttir, sverir, fremur þétt
settir spenar; fr. lítið júgurstæði. II. verðlaun.
Af umsögnum þessum virðis mega draga þá ályktun, að
Völlur liafi þótt öllu álitlegra naut en Ægir. Varla verður
gert upp á milli foreldra. Grána móðir Vallar var ung kýr,
hafði aðeins átt þrjá kálfa, en gefið yfir 20 þúsund fe. tvö
síðustu árin og fitan yfir 4%. Seinna gaf Grána aldrei svona
miklar afurðir, en reyndist þó jafnan rnjög vel. Faðirinn,
Gráni, hlaut II. verðlaun 1952, þá þriggja ára. Hann hefur
að sjálfsögðu verið talinn vel ættaður. Móðir hans virðist
liafa verið góð kýr, mjólkaði að þriðja kálfi 4850 kg með
4.35% fitu eða 21097 fe. Gráni mun ekki hafa orðið lang-
lífur.
Sæhyrna, móðir Ægis, var fædd 1941. Hún hafði aldrei
mjólkað mjög mikið, en var tiltölulega jafnmjólka og fitan
ágæt og hafði því í sjö ár gefið um 15020 fe. að meðaltali á
ári. Kolur, faðir Ægis, var fullreynt naut og hafði þegar
1948 hlotið I. verðlaun. Dætur hans höfðu margar reynzt
góðar mjólkurkýr, en nokkuð mátti finna að byggingu Kols
og margra dætra hans.
Haustið 1955 komu 19 kvígukálfar undan hvoru þessu
nauti að Grísabóli við Akureyri. Kálfarnir voru teknir fárra
daga gamlir. Mæður þessara kálfa voru næsta misjafnar og
fáar, er höfðu getið sér mikinn orðstír. Sumar voru lítt
reyndar jafnvel nokkrar kvígur að fyrsta kálfi, og um fá-