Ársrit Ræktunarfélags Norðurlands - 01.01.1959, Blaðsíða 47

49
brátt allir bændur sveitarinnar og hefur það starfað óslitið
til þessa dags og verið mjög athafnasamt.
Vorið 1913, var stofnað Búnaðarfélag Presthólalirepps, og
var Björn Sigurðsson, bóndi á Grjótnesi, er verið hafði for-
maður Búnaðarfélags Öxarfjarðar- og Presthólahreppa, kos-
inn formaður. Petta búnaðarfélag er enn starfandi og hefur
unnið geysimikið að þúfnasléttun og þó sérstaklega að ný-
rækt. Enda mun rnega telja það eitt athafnamesta og öflug-
asta búnaðarfélag héraðsins.
Einhverjar fyrstu jarðabætur, sem sögur fara af hér í
sýslu, munu hafa verið gerðar í Þistilfirði, hjá hinum miklu
athafnabændum, Arna Davíðssyni, bónda á Gunnarsstöð-
um, og Jóni Björnssyni, bónda í Laxárdal. Um 1870 lét
Árni Davíðsson hlaða flóðgarða og grafa skurði til áveitu
á engjar jarðarinnar og lét einnig veita vatni á túnið, er var
harðlent og vildi brenna í þurrkasumrum. Á sama tíma
lét Jón Björnsson í Laxárdal, byrja á þúfnasléttun þar í
túninu. Var rist ofan af þúfunum með torfljá, þúfurnar
svo stungnar upp, flagið sléttað og síðan þakið með hinu
ofan af rista torfi. Þá voru engir búnaðarskólar til í land-
inu og litlar leiðbeiningar hægt að fá viðvíkjandi jarðabót-
um, svo bændur urðu að byggja á eigin brjóstviti, enda
áhöld svo frumstæð, sem verða mátti.
Fyrsti undirristuspaðinn, er sást þar í sveit, kom með Ás-
mundi Jóhannessyni frá Gunnarsstöðum, er mun hafa út-
skrifazt frá búnaðarskólanum á Eiðum um 1890, og mun
hann hafa verið fyrsti búfræðingurinn, sem vann að jarða-
bótum hér í sýslu.
Árið 1898 var stofnað Búnaðarfélag Þórshafnar. Aðal
hvatamenn að þeirri félagsstofnun, voru þeir Snæbjörn
Arnljótsson, verzlunarstjóri í Þórshöfn, og Friðrik Guð-
mundsson, bóndi að Syðra-Lóni. Fyrsti formaður þess var
Snæbjörn Arnljótsson. Þar sem ekkert búnaðarfélag var þá
í Þistilfirði, gengu bændurnir á þremur austustu bæjunum
í búnaðarfélag Þórshafnar.
4