Ársrit Ræktunarfélags Norðurlands - 01.01.1959, Blaðsíða 59

61
Á aðalfundi Sambandsins 1928, gengu Búnaðarfélag Keld-
hverfinga og Búnaðarfélag Langnesinga í Sambandið og
sömuleiðis Búnaðarfélag Fjallahrepps, er stofnað hafði ver-
ið á árinu.
Árið 1931 gekk hið nýstofnaða Búnaðarfélag Austur-
Sléttu í Sambandið og ári síðar Búnaðarfélagið „Arður“, en
meðlimir þess höfðu áður verið í Búnaðarfélagi Þistil-
f jarðar.
Þegar Sauðaneshreppi var skipt, og Þórshöfn varð sér-
stakt hreppsfélag, var stofnað þar búnaðarfélag, er gekk í
Sambandið árið 1949. Hafa því frá 1928 öll búnaðarfélög
sýslunnar verið í Sambandinu og átt fulltrúa á fundum þess.
III. kafli. — Stjórn og starfsmenn.
Eins og áður er frá sagt, var á stofnfundi B. S. N. Þ. kos-
in stjórn Sambandsins, fornraður og tveir meðstjórnendur.
Formaður var kosinn Jón Sigfússon, bóndi á Ærlæk, og
gegndi hann því starfi í 8 ár, eða til 30. apríl 1935. En þá
tók við Guðni Ingimundarson, bóndi á Hvoli og hefur
hann gegnt formannsstarfinu síðan. Meðstjórnendur voru
kosnir þeir Benedikt Kristjánsson, bóndi Þverá, og Helgi
Kristjánsson, bóndi í Leirhöfn, og hafa þeir verið í stjórn
Sambandsins til þessa dags. Fyrstu þrjú árin fékk formaður
enga þóknun fyrir störf sín, en 1930 voru honum greiddar
kr. 50.00 og nokkrum árum síðar var sú upphæð hækkuð í
kr. 150.00 og mun nú komin í kr. 300.00 á ári. F.n þar að
auki hefur formaður fengið greiddan útlagðan ferðakostn-
að í þarfir Sambandsins. Meðstjórnendur hafa aldrei tekið
neina þóknun fyrir störf sín, en frá 1933 hefur þeim verið
endurgreiddur útlagður ferðakostnaður, bæði á stjórnar-
fundi og aðalfundi Sambandsins.
Störf stjórnarnefndar hafa verið í því falin að vaka yfir
velferð Sambandsins og fylgjast með öllum nýjungum á