Ársrit Ræktunarfélags Norðurlands - 01.01.1959, Blaðsíða 46

48
Þann 16. janúar 1902, boðaði Björn Sigurðsson, bóndi í
Ærlækjarseli, bændur úr Öxarfjarðar- og Presthólahreppum
til fundar í Ærlækjarseli, og mættu 8 bændur úr báðum
hreppunum. Aðal tilefni fundarins var að ræða um, hvert
ekki væri hagkvæmt að endurvekja búnaðarfélög þessara
hreppa, er bæði voru orðin mjög framkvæmdalítil, með því
að sameina þau í eitt sterkt búnaðarfélag. Var Björn Sig-
urðsson í Ærlækjarseli upphafsmaður að hugmyndinni og
aðalhvatamaður að sameiningu félaganna. Var málinu mjög
vel tekið á fundinum og sameiningin samþykkt samhljóða,
samþykkt lög fyrir hið nýja félag, er nefndist Búnaðarfélag
Öxarfjarðar- og Presthólahreppa. Var Björn Sigurðsson,
bóndi í Ærlækjarseli og síðar um langt tímabil á Grjótnesi,
kosinn formaður félagsins og var hann það öll þau ár, er
sameiningin var við líði, enda var hann lífið og sálin í fé-
laginu, sem frá byrjun var mjög athafnamikið. Aðal verk-
efni félagsins var þúfnasléttun og útgræðsla túna.
Nokkru eftir að félagið var stofnað, réði það Jóhannes
Þórarinsson, búfræðing frá Skógum, til að standa fyrir jarða-
bótavinnu á félagssvæðinu. Lagði Jóhannes til plóg, herfi
og aktygi, en bændur lögðu til hesta. Var fyrst rist ofan af
þúfunum og við það voru nú notaðir fyrirristuJhnífar og
undirristuspaðar. Síðan voru flögin plægð og lierfuð. Var
það stór framför frá því að stinga þúfurnar upp með reku.
Þótti jarðabótaaðferð Jóhannesar gefast svo vel, að búnaðar-
félagið keypti af honum jarðabótaáhöldin, og voru þau
lengi notuð í félaginu. Þetta búnaðarfélag starfaði í 10 ár
og var á því tímabili unnið mjiig mikið að jarðabótum,
einknm í Presthólahreppi.
Eftir 10 ára heillaríkt starf, var samvinnu Búnaðarfélags
Öxarfjarðar- og Presthólahreppa slitið og aftur stofnuð sjálf-
stæð búnaðarfélög í báðum hreppunum.
Þann 28. des. 1912 var slofnað Btinaðarfélag Öxfirðinga.
Aðal hvatamaður var Benedikt Kristjánsson, bóndi Þverá,
og var hann kosinn formaður félagsins. í félagið gengu