Ársrit Ræktunarfélags Norðurlands - 01.01.1959, Blaðsíða 71
7::
héraðssamkomu að Laugaskóla, og bauð Búnaðarsamband
S.iÞing. fulltrúum B. S. N. Þ. á samkomuna. Var samkoma
þessi geysi fjölmenn og mörg skemmtiatriði, svo sem ræðu-
höld, söngur, íþróttir o. fl. Fór samkoma þessi mjög vel fram
og var hin ánægjulegasta.
VI. kafli. — Starfsemi B. S. N. Þ.
Samkv. lögum B. S. N. Þ. er aðaltilgangur þess að efla
framfarir í sem flestum greinum landbúnaðarins á Sam-
bandssvæðinu, einkum í öllu, er að jarðrækt lýtur. En þótt
Sambandið hafi trúlega fylgt þessari stefnuskrá frá upphafi
til þessa dags, hefur það þó ávallt viljað greiða götu allra
þeirra mála, er til umbóta horfðu í héraðinu á þesu tíma-
bili og rétta liverju framfaramáli örvandi hönd. En vegna
fjárskorts, einkum á fyrstu árum þess, meðan það hafði
sára litlar tekjur frá því opinbera, en varð því nær einvörð-
ungu að styðjast við fjárframlög innanhéraðs stofnana til
allra framkvæmda, varð fjárhagslegur stuðningur til manna
og málefna oftast minni en æskilegt var. Enda kemur það
víða fram í fundargerðum aðalfundanna, að vegna fjár-
skorts væri ekki hægt að veita hinu eða þessu máli þann
fjárhagsstuðning, sem æskilegt væri og þörf krefði. Þó
reyndi Sambandið af fremsta megni að veita alls konar nýj-
ungum, er til framfara horfðu í héraðinu, einhverja fjár-
hagsaðstoð. Má í því sambandi nefna, að það veitti nokkurt
fé til saumanámskeiða, vefnaðarnámskeiða og matreiðslu-
námskeiða, er kvenfélög í héraðinu gengust fyrir. Það kom
á fót skóviðgerðanámskeiði, sem það og studdi fjárhagslega.
Það keypti áhöld til að rannsaka fitumagn mjólkur, en að
þeirri rannsókn var lítið unnið, mest vegna fjárskorts. Þá
hefur Sambandið og veitt styrki til fiskiræktar, hæsnarækt-
ar, svínaræktar og til kynbóta, bæði nautgripa og sauðfjár,
en vegna fjárskorts hafa þessir styrkir í flestum tilfellum
verið svo litlir, að þeir hafa frekar verið til að örfa fram-