Ársrit Ræktunarfélags Norðurlands - 01.01.1959, Blaðsíða 68

70
V. kafli. — FuncLahöld B. S. N. Þ.
Aðalfundi hefur Sambandið haldið árlega og aukafundi,
þegar stjórnarnefndinni hefur þótt nauðsyn á að bera mikils-
varðandi mál undir fulltrúafund milli aðalfunda. Einnig
hefur stjórnarnefnd nokkrum sinnum þurft að boða full-
trúafundi til að kjósa fulltrúa á fundi Stéttarsambands
bænda. Stjórnarnefndarfundir hafa og verið haldnir að
minnsta kosti einn á ári, en þó oftast tveir eða fleiri. Á þá
fundi var ráðunautur Sambandsins ávallt boðaður.
Á aðalfundum B. S. N. Þ. eiga sæti fulltrúar kosnir af
hreppabúnaðarfélögum innan Norður-Þingeyjarsýslu, einn
fyrir hverja 24 félagsmenn og tveir fyrir þau búnaðarfélög,
sem hafa 25 eða fleiri meðlimi, svo og stjórnarnefndarmenn
og fastir starfsmenn Sambandsins. Hafa fulltrúar einir at-
kvæðisrétt, en allir aðrir þeir, er fundina sækja, málfrelsi og
tillögurétt. Á fundum ræður afl atkvæða, nema öðruvísi sé
ákveðið í lögum Sambandsins um einstök mál. Formaður
Sambandsins ræður fundarstað, hafi aðalfundur ekki ákveð-
ið hvar hann skyldi haldinn. En stjórnarnefnd undirbýr
málefni fundarins.
Til þess að auðvelda fulltrúum fundarsókn, hafa fund-
irnir verið haldnir á ýmsum stöðum í héraðinu og í öllum
hreppum á Sambandssvæðinu að Ejallahreppi einum und-
anskildum.
í Presthólahreppi .............. 9 sinnurn
- Öxarfjarðarhreppi ............ 8 sinnum
- Svalbarðshreppi .............. 4 sinnum
- Sauðaneshreppi ............... 2 sinnum
- Kelduneshreppi ............... 1 sinni
- Raufarhafnarhreppi ........... i sinni
Formaður Sambandsins setur fundina, skipar fundarstjóra
og leggur fyrir fundina þau málefni, er stjórnarnefnd hefur