Ársrit Ræktunarfélags Norðurlands - 01.01.1959, Síða 44

46
þykkt að senda 20 pund af æðardún til Englands, til að sjá
hvort ekki fengist þar hærra verð. Eigi er vitað, hvort þessi
tilraun var gerð, eða hver árangur varð, enda voru ekki
reglulegir fundir haldnir í félaginu nema í nokkur ár. Þótti
sumum varpeigendum eftirlitið óþarflega strangt og reyndu
að fara kringum sum ákvæði laganna. En þrátt fyrir það, þó
þetta félag yrði eigi langlíft, ber þessi félagsstofnun for-
göngumönnunum fagurt vitni um áhuga og skilning á að
bæta og auka þessa búgrein, er á þeim árum átti mikinn
þátt í góðri lífsafkomu fólksins þar í sveit.
Hinn 6. marz 1892, var á Raufarhöfn haldinn stofnfund-
ur Búnaðarfélags Presthólahrepps, samkvæmt fundarboði
Jakobs Gunnlaugssonar, verzlunarstjóra þar. Var stofnun
þessa búnaðarfélags óvenju vel undirbúin, því frumvarp að
lögum fyrir félagið, hafði áður verið birt í sveitarblaði
Sléttunga, svo bændur gætu kynnt sér það.
Þótt þetta búnaðarfélag væri nefnt Búnaðarfélag Prest-
hólahrepps, voru það aðeins bændur á Sléttu, sem stofnuðu
það og starfræktu. Með stofnun þessa búnaðarfélags sýna
bændur á Sléttu mikinn áhuga og félagsvilja. Því þarna eru
að verki sömu menn, er fáum árum áður stofnuðu Æðar-
ræktarfélag Sléttunga, sem enn var í fullu fjöri.
Tilgangur þessa félags er að efla landbúnaðinn í öllum
greinum, en einkum og sér í lagi að bæta og auka túnrækt,
hlaða túngarða og bæta geymslu og liirðingu áburðar. Ber
þessi tilgangur búnaðarfélagsins vott um góðan skilning
stofnenda á búnaðarumbótum, enda var á næstu árum unn-
ið jöfnum höndum að túnasléttun, byggingu safnþróa og
hleðslu túngarða.
Arið 1882 var settur á stofn búnaðarskóli á Hólum í
Hjaltadal og ári síðar búnaðarskó 1 inn á Eiðum. Átti á þess-
um skólabúum að vera fyrirmyndar búskapur, og átti þar
að kenna bændaefnum nýja og bætta búnaðarhætti, bæði á
sviði jarðræktar og búfjárræktar.
F.inn af þeim mönnum úr þessari sýslu, er fyrstir tóku