Ársrit Ræktunarfélags Norðurlands - 01.01.1959, Síða 57

59
leita samþykkis þess og fjárstuðnings. En Sigurpáli Jónssyni
var falið að skrifa öllum búnaðarfélagsformönnum í sýsl-
unni, en oddvitum þeirra hreppa, þar sem ekki væru bún-
aðarfélög og leita álits þeirra og stuðnings.
Síðla vetrar 1927 var búnaðarnámskeið haldið að Skinna-
stað. Einn af aðalfyrirlesurum á námskeiði þessu var Ólafur
Jónsson, þáverandi framkvæmdastjóri Ræktunarfélags Norð-
urlands. Fyrirkomulagi námskeiðsins var þannig hagað, að
á hverjum degi voru fluttir 3—4 fyrirlestrar, en síðan voru
umræðufundir. Á einum þeim fundi var Jón Sigfússon,
bóndi á Ærlæk, fenginn til að skýra fundarmönnum frá
hugmyndinni um stofnun Búnaðarsambands fyrir Norður-
Þingeyjarsýslu, sem hann gerði í einkar greinargóðri ræðu.
Var gerður góður rómur að máli Jóns og hugmyndinni vel
tekið, nema af framkvæmdastjóra Rækturnarfélags Norður-
lands. Var hann Sambandsstofnuninni fremur andvígur og
taldi málið vindbólur einar, er brátt myndu hjaðna. En
kvað framfaramálum Norður-Þingeyinga mundi bezt borg-
ið með því að vera áfram í Ræktunarfélagi Norðurlands og
hlýta forsjá þess.
Undirtektir hreppabúnaðarfélaga sýslunnar undir stofn-
un Sambandsins, reyndust svo góðar, að ákveðið var að boða
til stofnfundar og var hann boðaður og haldinn í fundahúsi
Öxarfjarðarhrepps að Skinnastað 18. maí 1927.
Á þessum stofnfundi mættu:
Guðni Ingimundarson, Snartarstöðum, vegna Búnaðar-
félags Presthólahrepps.
Jóhannes Árnason, Gunnarsstöðum, vegna Búnaðarfélags
Þistilfjarðar.
Björn Sigvaldason, Víðihóli, vegna Fjallahrepps.
Sigurpáll Jónsson, Klifshaga, og Jón Sigfússon, Ærlæk,
vegna Búnaðarfélags Öxfirðinga.
Auk þess mætti á fundinum Benedikt Kristjánsson, bóndi
Þverá, er var annar fundarboðandinn og aðalhvatamaður
að stofnun Sambandsins. Og var hann kosinn fundarstjóri.