Ársrit Ræktunarfélags Norðurlands - 01.01.1959, Qupperneq 61
63
að búnaðarumbótum laut, og varð vel ágegnt í starf sínu,
enda er hann lipurmenni og óvenju samvinnuþýður.
Árið 1932 fluttist Guðmundur burt úr héraðinu og lét þá
af störfum fyrir Sambandið, en við starfinu tók Sæmundur
Friðriksson, búfræðingur frá Efri-Hólum. Hafði Sæmund-
ur dvalizt utanlands um skeið, að afloknu bændaskólanámi
hér og hafði meðal annars kynnt sér leiðbeiningastarfsemi
meðal bænda þar. Var hann því einkar vel undir starf sitt
hjá Sambandinu búinn.
Sæmundur Friðriksson gegndi leiðbeinga- og mælinga-
starfi hjá B. S. N. Þ. til 1945, er hann varð framkvæmda-
stjóri hjá sauðfjársjúkdómanefnd og fluttist burt úr hérað-
inu. Var B. S. N. Þ. mikil eftirsjá að Sæmundi, því vegna
staðgóðrar búfræðimenntunar og áhuga á starfinu, ásamt
sérþekkingu á staðháttum héraðsins, stóðu miklar vonir um,
að liann myndi marka djúp spor í landbúnaðarmálum hér-
aðsins.
Eftir því sem búnaðarframkvæmdir jukust og meiri fram-
farir urðu á sviði landbúnaðarins, hlaut stjórnarnefnd Sam-
bandsins að krefjast meiri og meiri búfræðimenntunar og
staðbetri þekkinar af þeim starfsmönnum Sambandsins, er
ráðnir voru til að leiðbeina bændum á Sambandssvæðinu í
jarðrækt og búfjárrækt. Á þeim árum voru uppi háværar
raddir um, að nauðsynlegt væri að auka leiðbeiningastarf-
semi meðal bændastéttarinnar fram úr því, er verið hefði.
Og að koma þyrfti upp kennslustofnun, er útskrifað gæti
svo fjölmenntaða menn í búfræði, að þeir gætu verið leið-
beinendur í öllum búgreinum. Var í tilefni af þessu sett á
stofn við bændaskólann á Hvanneyri deild til framhalds-
menntunar búfræðinga og skyldi námstíminn vera tvö ár.
Var gert ráð fyrir, að þeir búfræðingar, er útskrifuðust úr
deildinni að framhaldsnámi loknu, mundu ekki standa að
baki þeim mönnum, er útskrifuðust frá búnaðarháskólum
nágrannalanda okkar, að lærdómi í liagnýtri búfræði.
Þegar Sæmundur Friðriksson lét af störfum hjá B. S.