Ársrit Ræktunarfélags Norðurlands - 01.01.1959, Qupperneq 62

64
N. Þ., var hér engan mann að fá, er fullnægði að öllu þeim
kröfum, er stjórnarnefnd Sambandsins taldi sér skylt að
gera til þess manns, er leiðbeina ætti bændum á Sambands-
svæðinu í búnaðarmálum. En þar sem að þá stóð til, að
1946 yrði sett á stofn áðurnefnd deild fyrir búfræðinga til
framhaldsmentunar í búfræði og vissa þótti fyrir því, að
ungur maður hér í héraði, Grímur fónsson, búfræðingur í
Ærlækjarseli, myndi sækja það námskeið og von var um, að
hann að námi loknu, yrði fastur starfsmaður hjá B. S. N. Þ.,
afréð stjórnarnefndin að ráða ekki fastan starfsmann til
sambandsins að svo stöddu, heldur bíða með það, þar til
Grimur hefði lokið námi. Það varð svo að ráði, að formaður
Sambandsins, Guðni Ingimundarson, búfræðingur, Hvoli,
tæki að sér mælinga- og leiðbeininga-starfsemi á Sambands-
svæðinu til bráðabirgða. Er Guðni búfræðingur frá Hvann-
eyri með ágætu prófi og staðgóðri þekkingu á búnaðarmál-
um héraðsins, athugull í starfi og manna grandvarastur, svo
tæplega varð á betra mann kosið til að gegna starfinu til
bráðabirgða.
Vorið 1948 lauk Grímur Jónsson framhaldsnámi við
bændaskólann á Hvanneyri. Um sumarið fór hann um Sam-
bandssvæðið og framkvæmdi jarðabótamælingar, en 1949
réðist hann fastur starfsmaður hjá B. S. N. Þ. og starfar nú
mestan hluta ársins á vegum þess. Eru miklar vonir tengdar
við starf Gríms í þágu Sambandsins, því hann er ótrauður
í starfi og fjölmenntaður að því, er snertir jarðrækt og bú-
fjárrækt.
Árið 1931 var Baldur Öxdal, þáverandi bóndi að Aust-
ara-Landi, ráðinn til að rannsaka fitumagn mjólkur á Sam-
bandssvæðinu, og voru í því tilefni keypt fitumælingaáhöld,
en vegna fjárskorts fór rannsókn fram aðeins á nokkrum
hluta Sambandssvæðisins, enda áhugi fyrir málinu takmark-
aður lijá bændum, og féll sú starfsemi því niður.
Frá því B. S. N. Þ. var stofnað, hafa allir stjórnarnefndar-
menn þess verið úr Öxarfjarðar- og Presthólahreppum. En