Ársrit Ræktunarfélags Norðurlands - 01.01.1959, Page 70

72
fulltrúum B. S. N. Þ. boðið í skemmtife,rðalag inn í Að-
aldal.
Vorið 1936 var í annað sinn sameiginleg kosning á bún-
aðarþingsfulltrúa fyrir Búnaðarsambönd Þingeyjarsýslna.
Var sá fundur haldinn að Lindarbrekku 27. júní. Mættu á
þeim fundi allir fulltrúar B. S. N. Þ. og meiri hluti fulltrúa
Suður-Þingeyinga. Á þeim fundi var Sigurður Jónsson,
bóndi og skáld að Arnarvatni, kosinn Búnaðarþingsfulltrúi,
en varamaður Helgi Kristjánsson, Leirhöfn. Að fundi lokn-
um var fulltrúum Búnaðarsambands S.-Þing. boðið í bíl-
ferð til að skoða Ásbyrgi, því margir þeirra höfðu ekki séð
þann fagra stað áður. Var fagurt veður um kvöldið, Ásbyrg-
ið í sínum fegursta skrúða, og var ferðin hin ánægj ulegasta.
Á auka-Búnaðarþingi 1938 var ákvæðum um tölu Bún-
aðarþingsfulltrúa breytt á þá leið, að fulltrúum, er setu
áttu á Búnaðarþingi, var fjölgað þannig, að Búnaðarsam-
böndin í Þingeyjarsýslum, sem áður áttu þar einn fulltrúa,
fengu nú tvo, en kosning skyldi eftir sem áður vera sam-
eiginleg í þessum Búnaðarsamböndum og skyldi kosning
eftir hinum nýju fyrirmælum fara fram sumarið 1938. Var
samkvæmt þv-í haldinn sameiginlegur kjörfundur fyrir bæði
Samböndin í Húsavík, laugardaginn 16. júní 1938. Voru á
þeim fundi mættir allir fulltrúar beggja sambandanna,
ásamt stjórnarnefndum. Á þeirn fundi voru kjörnir þeir
Sigurður Jónsson, Arnarvatni, og Helgi Kristjánsson, Leir-
höfn, en varamenn þeir Jón H. Þorbergsson, Laxamýri, og
Sæmundur Friðriksson, Efri-Hólum. Var þetta síðasti sant-
eiginlegi kjörfundurinn, sem haldinn var í þessum Búnað-
arsamböndum, því 1942 gátu þeir Sigurður Jónsson og
Helgi Kristjánsson, fengið þau ákvæði sett inn í lögin, að
kjósa mætti sinn fulltrúann í hvoru Sambandinu fyrir sig,
ef fyrir lægi samþykkt allra búnaðarfélaga á Sambandssvæð-
inu fyrir sérkosningu.
Daginn eftir Húsavíkurfundinn, sem var sunnudagurinn
17. júní, héldu Framsóknarfélögin í Suður-Þingeyjarsýslu