Frjáls verslun - 01.07.1995, Blaðsíða 10

FRETTIR
BENEDIKT JÓHANNESSON
KAUPIR FRIÁLSA VERSLUN
Hann tekur við útgáfunni um áramótin. Þar með gefur fyrirtæki hans,
Talnakönnun hf, útFrjálsa verslun, Vísbendingu og Islenskt atvinnulíf
Talnakönnun M., sem
er í eigu Benedikts Jó-
hannessonar stærðfræð-
ings, hefur keypt tímarit-
ið Frjálsa verslun af
Fróða og mun taka við út-
gáfunni um áramótin.
Frá og með áramótum
mun Talnakönnun því
gefa út þrjú rit rit um við-
skipti og efnahagsmál;
Frjálsa verslun, Vísbend-
ingu og íslenskt atvinnu-
líf. Öll eru þessi rit afar
ólík. Jón G. Hauksson,
sem verið hefur ritstjóri
Frjálsrar verslunar und-
anfarin ár, mun ritstýra
blaðinu áfram.
Frjáls verslun er eitt af
elstu tímaritum landsins.
Það hóf göngu sína í jan-
úar 1939 og hefur því
verið gefið út í bráðum
fimmtíu og sjö ár. Frjálst
framtakhf. keypti Frjálsa
verslun árið 1967 og var
það jafnframt fyrsta tíma-
rit þess fyrirtækis. Fróði
hefur gefið út tímaritið
frá árinu 1990 eða frá því
fyrirtækið var stofnað
upp úr útgáfudeild Frjáls
framtaks.
Á fundi með starfs-
mönnum Fróða sagði
Magnús Hreggviðsson,
aðaleigandi Fróða, að það
hefði verið sér erfið
ákvörðun að selja Frjálsa
verslun. Kauptilboð í
blaðið hefði hins vegar
borist frá Benedikt Jó-
hannessyni, eiganda
Talnakönnunar, og hann
hefði ákveðið að taka því
eftir mikla umhugsun.
Hann sagði eftirsjá að
blaðinu hjá Fróða en það
hefði létt sér ákvörðun-
ina að kaupandinn væri
mjög hæfur og virtur ein-
staklingur. Blaðið færi í
góðar hendur.
Magnús sagði að með
sölunni á Frjálsri verslun
væri hann að styrkja
stoðir Fróða, afla fjár-
magns og draga úr
greiðslubyrði skulda. All-
ir vissu að tímaritaútgáfa
hefði átt á brattann að
sækja á árunum 1990 til
1993. Það ár hefði jafn-
vægi verið að komast á en
þá hefðu stjómvöld lagt
hinn illvíga virðisauka-
skatt á sem valdið hefði
áframhaldandi tap-
rekstri.
Hann minnti á að þrátt
fyrir erfitt rekstraram-
hverfi væra stoðir Fróða
sterkar; eigið féð, eignir
umfram skuldir, næmi á
annað hundrað milljón-
um.
Kaupandi Frjálsrar
verslunar, Benedikt Jó-
hannesson, er doktor í
stærðfræði. Hann er 40
ára að aldri og hefur rekið
Talnakönnun M. í nokkur
ár.
Benedikt Jóhannesson, aðaleigandi Talnakönnunar, er nýr
eigandi Frjálsrar verslunar. Hann tekur við útgáfunni um
áramótin.
Með tilkomu Frjálsrar verslunar mun Talnakönnun gefa út
þrjú rit; Frjálsa verslun, Vísbendingu og fslenskt atvinnulíf.
10