Morgunblaðið - 10.02.2001, Síða 8

FRÉTTIR
8 LAUGARDAGUR 10. FEBRÚAR 2001 MORGUNBLAÐIÐ
HÆSTIRÉTTUR hefur dæmt
Hafnarfjarðarbæ til að greiða
Sameinaða lífeyrissjóðnum tæpar
5 milljónir króna, ásamt dráttar-
vöxtum frá apríl 1996, á grundvelli
skuldabréfa sem fjármálastjóri
bæjarins undirritaði. Bærinn hélt
því fram að fjármálastjórinn hefði
ekki haft heimild til að skuldbinda
bæinn með þeim hætti, en Hæsti-
réttur sagði alla framgöngu fjár-
málastjórans hafa verið í þágu
bæjarins og með hagsmuni hans í
huga.
Hafnarfjarðarbær keypti fast-
eignina Strandgötu 30 á árinu 1988
ásamt lóðarleiguréttindum og seldi
hana aftur sama ár til Kvikmynda-
húss Hafnarfjarðar hf. Lóðin sem
fylgdi eigninni við söluna átti sam-
kvæmt kaupsamningi að vera að-
eins brot af stærð lóðarinnar sam-
kvæmt lóðarleigusamningi. Það
láðist hins vegar að þinglýsa kaup-
samningnum og ekki varð af gerð
nýs lóðarleigusamnings.
Í kjölfarið reis ágreiningur um
hvort veðréttindi í fasteigninni
væru bundin við lýsingu á sölu-
andlaginu samkvæmt kaupsamingi
eða hvort þau næðu jafnframt til
lóðarspildunnar, sem fylgdi eign-
inni við sölu til Hafnarfjarðarbæj-
ar fyrr á árinu.
Hafnarfjarðarbær hafði þegar
úthlutað hluta af umræddri lóð-
arspildu undir nýbyggingar og í
því skyni að forða eigninni frá
nauðungarsölu vegna greiðsluörð-
ugleika Kvikmyndahúss Hafnar-
fjarðar var fjármálastjóra bæjar-
sins falið að vinna að lausn
málsins. Samningar náðust við
Miðbæ Hafnarfjarðar hf., sem
keypti eignina og nýr lóðarleigu-
samingur var gefinn út og und-
irritaður haustið 1995.
Byggt á kröfu um einfalda
ábyrgð bæjarins
Einn liður í fjármögnun Miðbæj-
ar Hafnarfjarðar hf. á fasteigninni
var útgáfa fjögurra skuldabréfa
með 2. veðrétti í eigninni. Þessi
skuldabréf áritaði fjármálastjórinn
um einfalda ábyrgð Hafnarfjarð-
arbæjar. Sameinaði lífeyrissjóður-
inn keypti tvö af þessum skulda-
bréfum og þegar þau fengust ekki
greidd var lögmanni falið að inn-
heimta þau hjá Hafnarfjarðarbæ
eftir að fasteignin hafði verið seld
á nauðungarsölu og ekkert fengist
greitt upp í bréfin. Byggði Samein-
aði lífeyrissjóðurinn kröfu sína á
undirritun fjármálastjórans um
einfalda ábyrgð Hafnarfjarðarbæj-
ar.
Hafnarfjarðarbær taldi að ekki
hefði verið gætt ákvæða þágildandi
sveitarstjórnarlaga um ábyrgðar-
veitingar sveitarstjórna þegar fjár-
málastjórinn áritaði skuldabréfin.
Hæstiréttur vísaði hins vegar til
forsendna héraðsdóms, sem taldi
að meta yrði áritun fjármálastjór-
ans í ljósi aðdraganda hennar.
Áritunin hefði verið forsenda þess
að greiðsla fékkst fyrir bréfin og
að því virtu gæti gildi skuldbind-
ingar af hálfu Hafnarfjarðarbæjar
ekki verið bundið við það að gætt
hafi verið ákvæða þágildandi sveit-
arstjórnarlaga.
Hafnarfjörður greiði skuldabréf vegna Strandgötu 30
Bærinn bundinn af
áritun fjármálastjórans
Uppbyggingarstefna í Miðgarði
Sjálfstjórn
og ábyrgð
MIÐGARÐUR íGrafarvogi er umþessar mundir að
fara af stað með umfangs-
mikið samfélagsverkefni
sem Sigþrúður Arnardóttir
hefur umsjón með. Hún
var spurð hvað það fæli í
sér. „Þetta er liður í endur-
menntunarstarfi Miðgarðs,
en að undanförnu hefur
Miðgarður unnið að endur-
menntun sérfræðinga
sinna og annars starfsfólks
í aðferðafræði og uppbygg-
ingarstefnu. Undanfarna
viku hefur allt starfsfólkið
setið námskeið í þessu
skyni hjá Kanadamannin-
um Bruce Innes. Hann
starfar sem ráðgjafi í sam-
félagsþróun og er stjórnar-
maður í alþjóðlegum sam-
tökum um sjálfstjórnarkenningu.“
– Hvað er það?
„Sjálfstjórnarkenningin kemur
frá kenningu Vilhjálms Glassers
geðlæknis og er byggð á raunsæis-
kenningu. Þessar kenningar
byggjast á þeirri nálgun á skjól-
stæðingnum að hann sé ábyrgur á
eigin hegðun en ekki samfélagið,
umhverfi, erfðir eða fortíð. Ein-
staklingurinn er sem sagt ábyrgur
fyrir hegðun sinni en umhverfið
kemur svo til stuðnings með því að
leiðbeina honum og hjálpa honum
að aðlagast samfélaginu. Við hjá
Miðgarði byggjum uppbyggingar-
stefnu okkar á þessum kenning-
um.“
– Að hvaða leyti er uppbygging-
arstefnan frábrugðin sjálfstjórn-
arkenningunni?
„Uppbyggingarstefnan er kenn-
ing sem Díana Gossen frá Kanada
hefur lagt fram sem aðferðafræði
til þess að kenna ungu fólki sjálf-
saga. Uppbyggingarstefnan sam-
anstendur af nánari aðferðafræði
um hvernig kenna megi ungu fólki
sjálfsaga, hvernig það geti horft á
sjálft sig sem manneskju og hegð-
un sína í samanburði við umhverf-
ið. Þetta byggist mjög mikið á því
að einstaklingurinn noti ákveðna
tækni til sjálfsskoðunar og meti
sig í samanburði við fólkið í kring-
um sig – skoði hvernig hegðun
hvers og eins hefur áhrif á hegðun
fólks í umhverfinu. Aðalinntakið
er að kenna innri stjórnun.“
– Er þetta gagnleg aðferð í
skólastarfi?
„Já, í raun beinist aðferðin að
öllu uppeldisstarfi og við hjá Mið-
garði viljum koma henni á fram-
færi við alla sem sinna uppeldi,
skólafólki í leikskóla og grunn-
skóla, foreldrum, leiðbeinendum í
tómstundastarfi o.s.frv.“
– Hvers vegna var farið í þessa
endurmenntun núna?
„Þetta er langtímaverkefni og
við búumst við að eftir fjögur ár
gætum við verið búin að koma
þessari fræðslu á framfæri við þá
sem hafa áhuga á að kynna sér
þetta efni, en líklega tekur um tíu
ár að koma þessu áleiðis að því
marki að aðferðafræðin verði al-
mennt í notkun. Við byrjum þetta
verkefni á að kynna
uppbyggingarstefnuna
vandlega fyrir öllu
starfsfólki hér í Mið-
garði, síðan færum við
kynninguna út og það
fyrsta sem við ætlum að
gera í þeim efnum er að
koma að samstarfs-
verkefni með lögreglunni í
Reykjavík um nýjar leiðir til þess
að taka á afbrotum barna í Graf-
arvogi, þ.e. fólki 18 ára og yngra.“
– Er uppbyggingarstefnan
nokkurs staðar komin til fram-
kvæmda í raun?
„Við hefjum þetta starf eftir fyr-
irmynd frá Bandaríkjunum og
Kanada. Þess má geta að Folda-
skóli hefur verið að innleiða þessar
kenningar undanfarin tvö ár með
fræðslu fyrir allt starfsfólk skól-
ans. Kennarar hafa líka sótt nám-
skeið erlendis.“
– Hvaða reynslu hafa menn er-
lendis af þessari uppbyggingar-
stefnu?
„Það hefur sýnt sig í þeim skól-
um og hverfum sem hafa tekið upp
þessa sameiginlegu aðferðafræði
að agabrotum hefur fækkað og að
nemendur hafa náð mun betri
tækni á samskiptum almennt og
eiga auðveldara með að finna
lausnir þegar upp koma erfiðleik-
ar.“
– Hvernig hefur þetta reynst í
Foldaskóla?
„Þar er ekki komin langtíma-
reynsla á þetta en eigi að síður má
sjá að þjálfun sú sem starfsfólk
skólans hefur fengið er að skila því
að starfsfólkið hefur nú sameigin-
leg markmið varðandi nálgun þeg-
ar upp koma samskiptaerfiðleikar
hjá nemendum.“
– Hvert er næsta stigið í kynn-
ingu á uppbyggingarstefnunni?
„Við ætlum að halda áfram að
aðlaga þessa stefnu að íslenskum
aðstæðum. Það þarf að
þýða efnið yfir á ís-
lensku og staðfæra það.
Síðan er næsta skref
umrætt samstarf við
lögregluna í Reykja-
vík.“
– Hefur þetta starf
forvarnargildi gagnvart
afbrotum og vímuefnaneyslu ung-
linga?
„Það er ekki spurning, þetta
hefur heilmikil áhrif. Því betur
sem barni tekst að ráða við sam-
skipti og stjórna sér, því betur er
það í stakk búið að takast á við
heiminn þegar það eldist.
Sigþrúður Erla Arnardóttir

Sigþrúður Erla Arnardóttir
fæddist í Reykjavík 16. maí 1965.
Hún lauk stúdentsprófi frá
Menntaskólanum við Hamrahlíð
vorið 1985 og prófi í sálfræði frá
Háskóla Íslands í febrúar 1992.
Hún fór þá til Bandaríkjanna og
tók þar masterspróf í klínískri
sálfræði og lærði þá einnig fjöl-
skylduráðgjöf. Náminu lauk hún
í júlí 1995. Með námi starfaði
Sigþrúður sem fjölskylduráð-
gjafi við lögreglustöðina í Ana-
heim í Kaliforníu, eftir heim-
komu varð hún forstöðumaður
yfir Dalshúsi hjá félags-
málastofnun Kópavogs en nú
sinnir hún sálfræðiþjónustu við
leik- og grunnskóla í Foldahverfi
á vegum Miðgarðs. Hún er gift
Tómasi Gíslasyni rafmagnsverk-
fræðingi og starfsmanni hjá OZ
og eiga þau þrjú börn.
Agabrotum
fækkar og
börn og
unglingar ná
betri tækni í
samskiptum
ÞESSI Grænlandsfálki,
sem nú er í gæslu í
Náttúrugripasafni Vest-
mannaeyja, settist á neta-
bátinn Brynjólf ÁR þar
sem hann var á netaveið-
um 10 mílum út af Vík í
Mýrdal. Fálkinn unir sér
vel á safninu og dafnar en
hann var nokkuð dasaður
þegar hann kom þangað
fyrst. Stefnt er að því að
sleppa honum fljótlega.
Græn-
landsfálki
í góðu
yfirlæti
Morgunblaðið/Sigurgeir Jónasson
Senda Össur inn, ráðherrann er reddí í viðtalið.