Morgunblaðið - 03.03.2001, Síða 20

HÖFUÐBORGARSVÆÐIÐ
20 LAUGARDAGUR 3. MARS 2001 MORGUNBLAÐIÐ
HVERFISNEFND Grafar-
vogs hefur einróma lýst
ánægju með þá ákvörðun
embættis borgarverkfræð-
ings að breyta fyrirhuguðum
áformum um fyrsta áfanga
framkvæmda við mislæg
gatnamót á mótum Vestur-
landsvegar, Víkurvegar og
Reynisvatnsvegar og gera þá
rampa til að draga úr umferð-
arálagi.
„Það verður tekinn stærri
áfangi strax en ráð var fyrir
gert,“ sagði Ólafur Bjarna-
son, framkvæmdastjóri áætl-
anasviðs borgarverkfræðings
í samtali við Morgunblaðið.
Hann sagði að breytingin í
fyrsta áfanga fælist í því að
tiltekið hringtorg, sem manna
á milli var kallað Dropinn,
verði lagt niður og þess í stað
verði strax lagður rampur
fyrir umferð á leið úr Graf-
arholti inn á Vesturlandsveg.
Hann sagði að ástæða
breytinganna væri sú að
borgin hefði viljað koma til
móts við athugasemdir íbúa,
en þeir höfðu lýst áhyggjum
af því að framkvæmdirnar
leiddu til umferðaröngþveitis
á annatímum þegar umferð úr
Grafarvogi mætti umferð úr
Grafarholti við hringtorgið.
Íbúasamtök Grafarvogs
sendu Skipulagsstofnun at-
hugasemdir þess efnis þegar
framkvæmdirnar voru í mats-
ferli vegna umhverfisáhrifa.
Ólafur sagði að í framhaldi
af athugasemdunum hefðu
sérfræðingar borgarinnar
rýnt betur í málið og fundist
fyrrgreind leið ágætis mála-
miðlun. Hann sagði að afleið-
ing breytinganna yrði sú að
30–40 milljóna króna kostn-
aður við framkvæmdirnar
félli til fyrr en orðið hefði mið-
að við upphaflegar áætlanir.
Hverfisnefnd Grafarvogs,
sem skipuð er þremur póli-
tískum fulltrúum og tveimur
fulltrúum íbúasamtaka, gerði
einróma bókun á fundi sínum
sl. þriðjudag þar sem hún lýs-
ir ánægju með þær breyting-
ar sem gerðar hafa verið á
fyrirhuguðum framkvæmd-
um. „Hverfisnefndin ítrekar
þá ósk sína að bæði nefndin og
íbúasamtökin fái að fylgjast
með framvindu mála,“ segir í
bókuninni.
Borgaryfirvöld taka tillit til athugasemda íbúa við mislæg gatnamót á Vesturlandsvegi
 








  
   









  
 

 

  
 

  








  
   









 
 







 
  


,-
. $ ,-% 
. $
       
Rampar
leysa hring-
torg af hólmi
Grafarholt
BÆJARRÁÐ Hafnarfjarðar
felldi á fimmtudag tillögu
Samfylkingarinnar um að sér-
fróðir aðilar verði fengnir til
að vinna mat á umhverfisleg-
um áhrifum nábýlis fyrirhug-
aðra skóla- og íþróttamann-
virkja á Hörðuvallarsvæðinu
við elli- og hjúkrunarheimilið
Sólvang. Tillagan gerði ráð
fyrir að sérstaklega yrði hug-
að að hávaða- og hljóðmengun.
Morgunblaðið sagði frá til-
lögunni í síðustu viku og
greindi jafnframt frá því að
forsvarsmenn Sólvangs,
heilsugæslustöðvar bæjarins
og Hafnar, félags sem rekur
fjölbýlishús fyrir aldraða á
Sólvangssvæðinu, væru and-
víg byggingaráformum bæjar-
yfirvalda á svæðinu og óttuð-
ust að uppbyggingin leiddi til
aukins ónæðis og umferðar-
vandræða.
„… hugur meirihlutans
til aldraðra og sjúkra“
Á bæjarráðsfundinum var
tillagan afgreidd á fimmtudag
og felld með þremur atkvæð-
um meirihlutans gegn tveimur
atkvæðum Samfylkingar-
manna.
Bókað er í fundargerð að
meirihluti Sjálfstæðisflokks
og Framsóknarflokks geti
ekki fallist á tillögu og grein-
argerð bæjarráðsmanna Sam-
fylkingarinnar henni til stuðn-
ings en bendi á að bæjar-
yfirvöld hafi þá skyldu að
uppfylla svo sem kostur er all-
ar reglugerðir er lúta að stað-
setningu bygginga á svæðinu.
„Á kynningarferli deiliskipu-
lags gefst bæjarbúum tæki-
færi til að gera athugasemdir
við fyrirhuguð byggingar-
áform og framlagt deiliskipu-
lag,“ segir í bókuninni en hið
umdeilda deiliskipulag fer í
lögformlegan kynningarferil á
næstunni.
Bæjarráðsmenn Samfylk-
ingarinnar bókuðu á móti að
afstaða meirihluta bæjarráðs í
garð þeirra eldri íbúa sem
hafa búsetu á Sólvangssvæð-
inu og hagsmuna þeirra varð-
andi heilbrigði og umhverfi sé
dæmalaus. Meirihlutinn ætli
að láta ítrekaðar athugasemd-
ir og mótmæli allra hagsmuna-
aðila heilsugæslu og öldrunar-
þjónustu á svæðinu við
skipulagshugmyndunum og
afleiðingum þeirra sem vind
um eyru þjóta. „Slíkur er hug-
ur meirihlutans til aldraðra og
sjúkra,“ segir minnihlutinn.
Sannfærðir um
ágætt sambýli
Meirihlutamenn svöruðu
með bókun þar sem segir:
„Það er sannfæring meirihluta
Sjálfstæðisflokks og Fram-
sóknarflokks að sambýli
grunnskólanema og þeirra
sem starfa og búa á Sólvangs-
svæðinu verði með ágætum.
Það eru því alrangar fullyrð-
ingar að tillögur meirihluta
Sjálfstæðisflokks og Fram-
sóknarflokks gangi út á það
eitt að valda íbúum og starfs-
fólki ónæði með starfsemi
skólabygginga á svæðinu. Það
hlýtur að vera kappsmál bæj-
aryfirvalda að skapa góð skil-
yrði fyrir allar stofnanir á
svæðinu. Ummælum bæjar-
ráðsmanna Samfylkingarinn-
ar hvað varðar hug meirihluta
til íbúa á svæðinu er því vísað á
bug.“
Tillaga um mat á nábýli
skóla og Sólvangs felld
Hafnarfjörður
SKÍÐASVÆÐIÐ í Bláfjöll-
um er nú opið þótt snjór sé
með minnsta móti. Aðeins er
opið í stólalyftunni í Kóngs-
gili og þangað hafa áhuga-
samir skíðamenn sótt og
greitt fullt verð fyrir daginn
þótt brekkurnar séu færri en
menn eiga að venjast á þess-
um árstíma því norðurleiðin
er lokuð og engar diskalyftur
opnar.
Starfsfólk skíðasvæðanna
hefur unnið við það síðustu
daga að ýta snjó og þekja
snjólaus svæði í Kóngsgili.
Einnig eru gönguskíða-
menn farnir að leggja leið
sína í Bláfjöllin þar sem lögð
hefur verið 3 km göngubraut.
Byrjendur geta hins vegar
rennt sér í Sleggjubeins-
skarði á Hengilssvæðinu þar
sem byrjendalyftan hefur
verið opnuð.
Morgunblaðið/Golli
Loksins skíðafæri
Bláfjöll
ÚTVARPSSTÖÐIN Einar er
það allra heitasta í Mos-
fellsbæ þessa dagana, að
sögn umsjónarmanna hennar
og feðra, Halldórs Halldórs-
sonar og Kristjáns Sturlu
Bjarnasonar, sem eru nem-
endur í 10. bekk Varmárs-
kóla. En síðastliðinn mánu-
dag, 26. febrúar, hófu
nemendur eldri bekkja skól-
ans rekstur útvarpsstöðv-
arinnar í samvinnu við
Félagsmiðstöðina Bólið. Út-
varpað hefur verið alla daga
síðan frá kl. 14–22 en ævin-
týrinu lýkur annað kvöld, 4.
mars, kl. 22, enda var ekki að
öðru stefnt í upphafi en hafa
útvarpsstöðina starfandi
nema í viku. Er sent út á FM
105,5. Hafa unglingarnir
keppst við að safna auglýs-
endum alla vikuna, en þann-
ig er leiga tækjabúnaðarins
sem þarf í útvarpsreksturinn
fjármögnuð. Nemendur gera
auglýsingarnar sjálfir, og er
þar á stundum leikið með til-
þrifum.
„Þetta byrjaði með því að
við tveir ásamt vini okkar,
Steinþóri Hróari Steinþórs-
syni, heyrðum í fyrra upp-
töku úr útvarpsþætti frá Sel-
tjarnarnesi og þá kviknaði sú
hugmynd að setja eitthvað
svipað á laggirnar hér,“
sögðu þeir Halldór og Krist-
ján.
„Þegar við svo könnuðum
jarðveginn hérna var okkur
sagt, að þetta væri sjálfsagt
mál; ef við myndum sjálfir
útvega auglýsingar myndu
umsjónarmenn félags-
miðstöðvarinnar sjá um að
útvega nauðsynleg tæki til
útsendingar. Auglýsinga-
söfnunin gekk vel og svo
fengum við líka styrk frá
Mosfellsbæ og hvaðeina, svo
að dæmið gekk upp. Þá send-
um við út í eina viku, meðan
á þemadögum stóð. Nafnið
sjálft er bara grín; okkur
langaði að persónugera stöð-
ina og þetta varð úr.
Við höfðum áhuga á að
endurtaka þetta í ár og leit-
uðum eftir því, og það var
jafn auðsótt mál og síðast.
En núna er allt mun betur
skipulagt, enda renndum við
þá dálítið blint í sjóinn með
þetta. En þetta er bara í eina
viku, eins og í fyrra.“
Enginn hörgull á dag-
skrárgerðarfólki
Að sögn þeirra félaga hef-
ur gengið vel að fá nem-
endur til að vera með þætti,
en öllum er skylt að koma
með handrit, eða a.m.k. drög
að því sem á að fjalla um. Í
fyrra vantaði slíkt aðhald og
því varð dálítið um hlátur og
vitleysu í beinni útsendingu.
Aðallega eru þáttastjórn-
endur í 7.–10. bekk.
„Það er nokkuð jöfn skipt-
ing á milli kynja, en þó eru
kannski ívið fleiri strákar;
enginn verður samt útundan,
allir komast að sem vilja.
Þetta eru mjög mismunandi
þættir – óskalög, spjall,
spurningaþættir o.s.frv. Yf-
irleitt er hver þáttur 1–2
tíma langur, en við erum dá-
lítið frekir með það að
heimta 2 klukkutíma af nem-
endum í senn.“
„Þetta er búið að vera
mjög gaman og allir hlusta á
stöðina, a.m.k. hér í Mos-
fellsbæ.
Nemendur Varmárskóla komnir í útvarpsrekstur
Það allra heitasta í dag
Mosfellsbær
Morgunblaðið/Golli
Þegar Morgunblaðið leit í heimsókn í útvarpsstöðina Einar
var þátturinn „Kemur í ljós“ í loftinu. Hér eru útvarps-
stjórarnir Halldór og Kristján að baki umsjónarmönnum
þáttarins, Aðalsteini Benediktssyni og Gísla Jónssyni.