Morgunblaðið - 03.03.2001, Qupperneq 72

72 LAUGARDAGUR 3. MARS 2001 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100  Símbréf 569 1329
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
VIÐ ERUM tveir hópar sem sóttu
umferðarskóla Sjóvár-Almennra fyr-
ir unga ökumenn á Reykjavík í jan-
úar. Við veltum fyrir okkur mikilvæg-
um þætti sem dregið geti úr öryggi
okkar í umferðinni, hvort við séum
áhættuökumenn. Því viljum við
benda ykkur, kæru jafnaldrar, á
nokkur atriði sem skipt geta sköpum í
þessu efni.
Getum við eitthvað gert til
að draga úr áhættutöku?
Ekurðu yfir stöðvunarskyldu án
þess að stöðva ef enginn er nærri? Er
kvartað yfir akstursmáta þínum? Ek-
urðu hraðar en aðrir í kringum þig?
Notarðu farsíma í akstri án þess að
hafa handfrjálsan búnað? Ertu með
hugann við annað þegar þú keyrir?
Eða ertu stressuð (stressaður) undir
stýri?
Með hraðakstri telja sumir sig
vinna nokkrar sekúndur eða mínútur
í umferðinni, sem sjaldnast gengur
eftir. Aðrir telja sig fá útrás með því
eða eru með mikla þörf fyrir að sýna
sig. Kannske eru sum okkar orðin
áhættufíklar í umferðinni eða erum
það kannske bara að eðlisfari og um-
ferðin einn vettvangurinn.
Ef eitthvað af þessu einkennir þig,
þá ert þú að taka áhættu í umferðinni.
Það eru meiri líkur á að þú lendir í
umferðaróhappi og meiri líkur á að þú
leyfir þér fleiri ósiði í umferðinni og
jafnvel að aka undir áhrifum áfengis.
Flýttu þér hægt
Hvað hraða varðar þá teljum við að
best sé að flýta sér hægt, hafa hugann
ætíð við aksturinn því óhöppin verða
yfirleitt þegar saman fer að eitthvað
glepur hugann og eitthvað skyndilegt
gerist framan við bílinn.
Við viljum sjá að öflugur áróður sé
rekinn gegn háskaakstri og viljum
efla löggæslu til að koma í veg fyrir
hættulegan akstur.
Við viljum fá alla til að fylgja um-
ferðarreglum og merkjum. Ekki vera
hörð á okkar forgangi í umferðinni og
taka meira tillit til annarra í umferð-
inni. Við teljum að oft megi reka
óhöpp til misskilnings milli öku-
manna. Við lesum umferðina ekki
rétt.
Að lokum viljum við benda ykkur á,
kæru jafnaldrar, að með áhættu-
akstri erum við ekki bara að auka
áhættu okkar og þar með að draga úr
lífslíkum, heldur við erum að auka
áhættu þeirra sem á vegi okkar
verða.
F.h. ungra ökumanna í ökuskóla
Sjóvár-Almennra í Reykjavík í jan-
úar,
EINAR GUÐMUNDSSON,
forvarnafulltrúi Sjóvár-Almennra.
Ert þú áhættu-
ökumaður?
Frá Einari Guðmundssyni:
TÖLUVERÐAR umræður hafa
spunnist um bryggjuhverfi í Arnar-
nesvogi og sitt sýnist hverjum. Mik-
ilvægt er að Garðbæingar haldi ró
sinni og skoði
vandlega þennan
kost sem er á
borðinu. Málefna-
leg umræða, þar
sem öllum sjónar-
miðum er varpað
fram, er líklegust
til að skila árang-
ursríkri niður-
stöðu þar sem
heildarhagsmunir eru hafðir að leið-
arljósi.
Ljóst er að bryggjuhverfi í Garða-
bæ yrði mikil lyftistöng fyrir bæj-
arfélagið. Það hefur ótal kosti í för
með sér. Þá fengist tenging við hafið,
sem flestir Garðbæingar hafa ekki
haft fram að þessu. Eins og málum
er háttað þurfa Garðbæingar, ef þeir
ætla að komast í nálægð við hafið, að
ganga um niðurnítt iðnaðarsvæði
sem er mikið lýti á bæjarfélaginu.
Því fylgir takmörkuð ánægja. Ekki
gefst þeim kostur á að ganga um
Arnarnesið því komið var í veg fyrir
að þar yrði lagður göngustígur. Sá
göngustígur sem stóð til að leggja
staðnæmist því við Arnarnes.
Einnig er ljóst að það verður ærið
verk að hreinsa Stálvíkursvæðið og
hagur er af því fyrir bæjarbúa að
einkaframtakið sjái um það, bæj-
arbúum að kostnaðarlausu. Þar má
síðan skipuleggja og reisa spennandi
hverfi, sem reynslan sýnir, jafnt hér
á landi sem erlendis að eru vinsæl og
þróttmikil.
Garðabær þarf á því að halda!
Sýnt er að ungt fólk og eldri borg-
arar eiga í erfiðleikum með að finna
húsnæði við hæfi innan bæjarins. Við
erum að missa góða og gegna
Garðbæinga, sem sumir hverjir hafa
búið hér alla sína daga, til nágranna-
sveitarfélaga. Ekki nóg með það,
heldur eigum við í vandræðum með
að halda uppi verslun og þjónustu,
jafnvel á Garðatorgi, því byggðin er
ekki nógu þétt. Það má segja að nán-
ast allir Garðbæingar búi á jarðhæð.
Við þurfum fjölbreytilegri og líflegri
byggð. Það er enginn að tala um að
byggja skýjakljúfa við ströndina;
þær tillögur sem ég hef heyrt hljóða
ekki upp á það.
Og þá komum við að kjarna máls-
ins. Ekki hafa verið lagðar fram end-
anlegar tillögur. Bryggjuhverfið er
ennþá í umhverfismati. Er ekki
ástæða til að bíða eftir endanlegum
tillögum? Hvað er að óttast? Ber
nokkur hag af því að kæfa málið áður
en vitað er um hvað það raunveru-
lega snýst? Að mínum dómi er skyn-
samlegt í stöðunni að halda jafnaðar-
geði og skoða þá tillögu sem lögð
verður fram með opnum huga. Er
þetta ekki bara hið besta mál?
HANS KRISTJÁNSSON,
Álftanesvegi, Garðabæ.
Garðabær
í góðum málum
Frá Hans Kristjánssyni:
Hans
Kristjánsson