Morgunblaðið - 18.04.2001, Blaðsíða 1

87. TBL. 89. ÁRG. MIÐVIKUDAGUR 18. APRÍL 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 18. APRÍL 2001
ÍSRAELSHER lagði í gær undir sig hluta af Gaza-
svæðinu auk þess sem hann lét flugskeytum rigna
yfir öryggisstöðvar palestínsku heimastjórnarinn-
ar þar. Í árásinni, sem gerð var á landi, úr lofti og af
sjó, beið einn palestínskur lögreglumaður bana og
að minnsta kosti 35 manns særðust. Þá eru Ísrael-
ar sakaðir um að hafa skotið 10 ára gamlan dreng,
sem var á leið heim úr skóla. Colin Powell, utanrík-
isráðherra Bandaríkjanna, varaði Ísraela og Pal-
estínumenn við í gær og sagði, að hætta væri á, að
átökin mögnuðust upp í nýja styrjöld í Miðaust-
urlöndum. Kvað hann hefndaraðgerðir Ísraela „úr
hófi fram“ og hvatti þá til að kalla herinn heim.
Skömmu síðar hófu Ísraelar brottflutninginn.
Ísraelar kváðu árásina gerða til að hefna
sprengjuárásar á ísraelska bæinn Sderot en hann
er skammt frá búgarði Ariels Sharons, forsætis-
ráðherra Ísraels, í Negev-eyðimörkinni.
Ísraelar skiptu Gaza upp í þrjú hólf og bönnuðu
þeir íbúunum að fara á milli þeirra. Var allt daglegt
líf á svæðinu lamað en Ísraelar lokuðu einnig
landamærum Gaza og Egyptalands og komu þann-
ig í veg fyrir, að Palestínumenn gætu fengið nauð-
synjar þaðan.
„Hryllileg nótt“
„Þetta var hryllileg nótt. Himinninn logaði og
menn, konur og börn hlupu um í skelfingu með
kúlnahríðina yfir höfði sér,“ sagði ónefndur Gaza-
búi en fara varð með tugi manna á sjúkrahús vegna
taugaáfalls.
Ísraelski hershöfðinginn Yair Naveh sagði í gær,
að hernám Gaza-svæðisins myndi hugsanlega
standa mánuðum saman, en Sharon, forsætisráð-
herra Ísraels, tilkynnti Bandaríkjastjórn skömmu
síðar, að brottflutningur hersins væri hafinn.
Yasser Arafat, leiðtogi Palestínumanna, sagði í
gær, að árásir og ofbeldi Ísraela væru „ófyrirgef-
anlegur glæpur“ en þeir þyrftu þó ekki að hugsa til
þess, að Palestínumenn gæfust upp í baráttunni
fyrir landi sínu.
Powell, utanríkisráðherra Bandaríkjanna, kvað
hvoratveggju, Ísraela og Palestínumenn, bera
ábyrgð á ástandinu, sem leitt gæti til enn meiri
ófriðar í Miðausturlöndum.
„Ísraelar gripu til aðgerðanna til að hefna
sprengjuárásar á Ísrael en aðgerðir þeirra eru úr
öllu hófi fram og ekki í samræmi við tilefnið,“ sagði
í yfirlýsingu Powells.
Í yfirlýsingum Kofi Annans, framkvæmdastjóra
Sameinuðu þjóðanna, og talsmanna Evrópusam-
bandsins og Rússlandsstjórnar var lýst yfir mikl-
um áhyggjum og hvatt til stillingar.
Felldu þrjá sýrlenska hermenn
Þrír sýrlenskir hermenn féllu í árás Ísraela á
ratsjárstöð í Líbanon í fyrradag en hún var gerð til
að hefna þess, að ísraelskur hermaður féll um
helgina í árás Hizbollah-skæruliða. Farouk al-
Sharaa, utanríkisráðherra Sýrlands, sagði í gær,
að Ísraelar væru vísvitandi að kynda undir nýjum
átökum í Miðausturlöndum og skoraði á önnur
arabaríki að slíta öllu sambandi við Ísraelsstjórn.
Egyptaland og Jórdanía, einu arabaríkin, sem hafa
stjórnmálasamband við Ísrael, sýndu þess þó engin
merki, að þau hygðust draga frekar úr samskipt-
unum, en þau kölluðu heim sendiherra sína á síð-
asta ári.
Ísraelar draga herinn til baka frá Gaza eftir árásir úr lofti, á landi og af sjó
Bandaríkjastjórn sakar
Ísraela um að fara offari
Gaza, Brussel, Moskvu. AP, AFP, Reuters.
AP
Palestínsk fjölskylda á Gazaströnd. Hún var
eina færa leiðin eftir að Ísraelar höfðu rofið
helstu þjóðvegi um svæðið.
isins og Sameinuðu þjóðanna
komu þess. Örþreyttir og úttaug-
aðir farþegar sögðu í samtali við
blaðamenn að engir væntanlegir
þrælar væru um borð.
Hugsanlegt þykir, að ekki sé
um umrætt þrælaskip að ræða,
hið rétta skip sé því enn á sigl-
ingu um Gíneu-flóa. Einnig getur
verið að málið sé allt á misskiln-
ingi byggt.
FJÖRUTÍU og þrjú börn og ung-
lingar auk annarra farþega
reyndust vera um borð í „þræla-
skipinu“ svokallaða sem leitað
hefur verið að við vesturströnd
Afríku en talið var, að í því væri
á annað hundrað barna, sem
hneppa ætti í þrældóm.
Skipið kom til hafnar í Benin í
Vestur-Afríku í fyrrinótt og biðu
lögreglumenn, embættismenn rík-
Embættismenn í Benin sögðu að
málið myndi ekki skýrast fyrr en
farþegar og áhöfn hefðu verið yf-
irheyrð. Börnin sem voru um
borð hvíldu sig í Cotonou, höf-
uðborg Benin, í gær. Hér er Ram-
atou Baba Moussa, fjölskyldu-
málaráðherra landsins, á tali við
eitt þeirra.
AP
Þrælaskipið misskilningur?

Meint „þrælaskip“/26
SJÁLFSTÆÐ rannsóknar-
nefnd í Bretlandi hvetur til þess
að kaþólska kirkjan efli aðgerð-
ir til að hindra kynferðislega
misnotkun presta og annarra
starfsmanna á börnum og kynni
sér lögregluskýrslur um alla
sem hyggjast verða prestar. Ár-
in 1995–1999 var 21 af um 5.600
kaþólskum prestum í Englandi
og Wales dæmdur fyrir slík af-
brot.
Kirkjan beitti sér sjálf fyrir
því að nefndin kannaði málið.
Fjórir nefndarmenn af tíu eru
kaþólskir og formaður er Nolan
lávarður, sem lengi var einn af
þekktustu dómurum landsins.
Nefndin mælir með því að eng-
inn sem hlotið hefur dóm fyrir
misnotkun fái að gegna starfi
sem valdið geti hættu fyrir börn
og í þessu skyni verði búinn til
gagnabanki um afbrotamenn.
Kennir um gallaðri
stjórnsýslu
Æðsti maður kaþólsku kirkj-
unnar í Bretlandi, Cormac
Murphy-O’Connor kardínáli,
sagði í fyrra að gölluð stjórn-
sýsla kirkjunnar hefði valdið því
að gerð hefðu verið mistök í
þessum málum. Sjálfur var
kardínálinn í fyrra sakaður um
að hafa ekki gripið til aðgerða
gegn Michael Hill, presti í hans
eigin umdæmi, er var fangels-
aður 1997 fyrir níu kynferðisaf-
brot gegn börnum.
„Við erum staðráðnir í að
tryggja að kaþólska kirkjan
verði öruggasti staður sem
hugsast getur fyrir börn,“ sagði
kardínálinn í gær.
Kaþólsk-
ir prest-
ar sæti
rannsókn
Misnotkun á börnum
London. AFP.
JENS Stoltenberg, forsætisráð-
herra Noregs, hefur ákveðið að
fresta því starfi, sem unnið hefur
verið í því skyni, að Norðmenn geti
uppfyllt ákvæði Kyoto-bókunarinn-
ar. Segir hann það vera marklaust
nema Bandaríkjamenn verði með.
Í viðtali við norska ríkisútvarpið
sagði Stoltenberg, að hann vildi bíða
eftir endanlegri afstöðu Bandaríkj-
anna áður en lengra yrði haldið.
Sagði hann mikið hafa verið unnið að
þessu máli í Noregi en framhaldið
réðist einfaldlega af því hvort
Bandaríkjastjórn yrði samferða öðr-
um ríkjum. Ef hún gerði það ekki
myndi það gera tilraunir eða aðgerð-
ir annarra ríkja að engu.
Talsmenn miðflokkanna og ým-
issa umhverfissamtaka segja
ákvörðun Stoltenbergs bera vott um
„heigulshátt“ og jafngilda yfirlýs-
ingu um, að Noregur sé svo lítið
land, að það verði að láta stjórnast af
afstöðu Bandaríkjanna.
Noregur
Beðið með
Kyoto-starf
Ósló. Morgunblaðið.
GEORGE W. Bush, forseti Banda-
ríkjanna, sagðist í gær vonast eftir ár-
angursríkum viðræðum við kínversk
stjórnvöld um bandarísku njósnavél-
ina, sem Kínverjar halda enn. Munu
fulltrúar ríkjanna setjast að samn-
ingaborði um málið í Peking í dag.
Talsmaður Hvíta hússins, Ari
Fleischer, sagði í gær, að Bush gerði
sér vonir um uppbyggilegar viðræður
en hefði skipað bandarísku sendi-
nefndinni að spyrja „óvæginna spurn-
inga“ um áreitni Kínverja við banda-
rísku eftirlitsflugvélarnar.
Yfirlýsingar kínverskra ráða-
manna benda til, að viðræðurnar
verði erfiðar. Sem dæmi um það má
nefna, að talsmaður kínverska utan-
ríkisráðuneytisins sagði í gær, að
óvíst væri, að flugvélinni yrði skilað.
Þótt viðræðurnar eigi aðeins að
snúast um njósnaflugvélina eru ýmis
önnur „erfið“ mál í bakgrunninum. Af
þeim má nefna sölu bandarískra
vopna til Taívans; viðskiptakjör Kín-
verja í Bandaríkjunum og jafnvel þá
ósk Kínverja, að Ólympíuleikarnir
2008 fari fram í Peking.
Deila Kína og
Bandaríkjanna
Búist við
erfiðum
viðræðum

Ringulreið/26
Washington. AFP, Reuters.