Morgunblaðið - 18.04.2001, Blaðsíða 30
LISTIR
30 MIÐVIKUDAGUR 18. APRÍL 2001 MORGUNBLAÐIÐ
HIN árlegu Pulitzer-verðlaun fyrir
bókmenntir og blaðamennsku voru
veitt í New York á mánudag. Með-
al verðlaunahafa árið 2001 var Dav-
id Auburn sem hlaut leikritaverð-
launin fyrir verkið „Proof“,
fjölskyldusögu um unga konu sem
lifir í skugga geðsjúkdóms föður
síns. „Proof“ birtist fyrst á leiksviði
í maí á síðasta ári og var verkið tal-
ið einkar sigurstranglegt.
Verðlaunin fyrir bestu ævisög-
una hlaut David Levering Lewis,
fyrir annan hluta ævisögu mann-
réttindafrömuðarins W.E.B. Du
Bois. Ævisagan nefnist „W.E.B.
Du Bois: The Fight for Equality
and the American Century, 1919–
1963“. „Guði sé lof að ég sit,“ sagði
Lewis er hann fékk fréttirnar, en
þetta er í fyrsta skipti sem fyrsti
og annar hluti sömu ævisögunnar
hlýtur Pulitzer-verðalaunin. „Þetta
kom mér gjörsamlega í opna
skjöldu. Ég er búinn að vera að
semja ræðu sem ég á að flytja í
Harvard, en ég hugsa að nú leggi
ég hana aðeins til hliðar og standi
úti á svölum um stund,“ sagði Lew-
is sem hlaut verðlaun fyrir fyrsta
hluta ævisögunnar árið 1994.
Verðlaun fyrir besta sagnfræði-
ritið hlaut Joseph J. Ellis fyrir
verkið „Founding Brothers: The
Revolutionary Generation“, þá féllu
verðlaunin fyrir bestu skáldsöguna
í hlut Michael Chabon fyrir „The
Amazing Adventures of Kavalier &
Clay“, skrautlega sögu um teikni-
myndasögur. „Different Hours“,
11. ljóðabók Stephen Dunn, var síð-
an verðlaunuð í flokki ljóðabóka,
sem og „Hirohito and the Making
of Modern Japan“ eftir Herbert P.
Bix í flokki almennra rita.
Tónlistarverðlaunin féllu þá í
hlut John Corigliano fyrir Sinfóníu
nr. 2 fyrir strengjasveit, en meðal
þeirra sem hlutu fréttaverðlaun
Pulitzer voru þeir Ian Johnson hjá
Wall Street Journal fyrir skrif sín
um viðbrögð kínverskra stjórn-
valda við Falun Gong og Paul
Salopek fyrir fréttaflutning af
stjórnmálaátökum og sjúkdómum í
Afríku.
Pulitzer-verðlaunin fyrir bókmenntir og blaðamennsku
Ævisaga W.E.B. Du
Bois tvíverðlaunuð
David Lever-
ing Lewis
David
Auburn
New York. AP.
Minningardagskrá
um Indriða G. Þor-
steinsson rithöfund
verður í Eden í Hvera-
gerði í kvöld, miðviku-
dagskvöld, kl. 20.30.
Inngangsorð flytur
Bragi Einarsson. Þá
flytur Ögmundur
Helgason, forstöðu-
maður handritadeild-
ar Landsbókasafns Ís-
lands, erindi um
skáldsögur Indriða og
leikararnir Gunnar
Eyjólfsson og Jón Sig-
urbjörnsson lesa úr
verkum Indriða. Þá
verður lagið Vegir
liggja til allra átta flutt.
Indriði Guðmundur Þorsteins-
son fæddist árið 1926 í Gilhaga í
Lýtingsstaðahreppi,
sonur hjónanna
Önnu Jósepsdóttur
og Þorsteins Magn-
ússonar. Hann
stundaði verslunar-
störf, bifreiðaakstur
og blaðamennsku á
yngri árum og var
síðar lengi ritstjóri
Tímans. Fyrstu bók-
ina sendi Indriði frá
sér árið 1951, smá-
sagnasafnið Sælu-
viku. Af öðrum verk-
um hans má nefna
Sjötíu og níu af stöð-
inni, Land og syni,
Þjóf í Paradís, Norðan
við stríð og Átján sögur úr álf-
heimum.
Indriði lést á síðasta ári.
Indriða G.
Þorsteinssonar
minnst í Eden
Indriði G.
Þorsteinsson
ALLS seldust fjörutíu málverk á
sýningu Jónasar Viðars og Kristins
G. Jóhannssonar sem lauk í Lista-
safninu á Akureyri um páskana.
Jónas Viðar seldi 21 mynd og Krist-
inn 19.
Eins og Morgunblaðið greindi frá
á dögunum seldust 24 verk fyrstu
sýningardagana en vel bættist við
söluna er á leið. „Það mátti ekki á
milli sjá hvor hafði betur í sölu
verka,“ segir Hannes Sigurðsson,
forstöðumaður Listasafnsins á
Akureyri. „Safnið var opið alla
páskana og á síðasta sýningardegi
kl. 18 var staðan hnífjöfn: Kristinn
hafði selt 19 verk og Jónas Viðar
19. Á lokasprettinum „skoraði“ svo
Jónas tvö „mörk“ í viðbót og urðu
því úrslitin 21:19 Jónasi í vil. Óhætt
er að fullyrða að annað eins „mark-
aregn“ í málverkasölu hafi ekki
sést á Akureyri í háa herrans tíð og
þótt víðar væri leitað.“
Morgunblaðið/Kristján
Jónas Viðar við verk sín í Listasafninu á Akureyri.
Fjörutíu málverk seld á
sýningu á Akureyri