Morgunblaðið - 18.04.2001, Síða 69

FRÉTTIR
MORGUNBLAÐIÐ MIÐVIKUDAGUR 18. APRÍL 2001 69
SAMIÐN, samband iðnfélaga, heldur
sitt þriðja þing fimmtudaginn 19. apr-
íl, á Grand hóteli í Reykjavík.
„Þingið hefst með opnu málþingi
um lýðræði til framtíðar. Framsögu-
menn verða Páll Skúlason, rektor Há-
skóla Íslands, sem spyr hvaða máli
lýðræðið skipti; Salvör Nordal, for-
stöðumaður Siðfræðistofnunar Há-
skóla Íslands, ræðir konur og lýð-
ræði; Páll Þórhallsson, lögfræðingur
hjá Evrópuráðinu, flytur erindi um
netlýðræði; og Viðar Þorsteinsson,
nemi í stjórnmálafræði og heimspeki,
fjallar um lýðræðið og vinnandi fólk.
Stjórnandi málþingsins er Ólafur
Stephensen, aðstoðarritstjóri Morg-
unblaðsins. Málþingið er öllum opið,
það hefst kl. 13 og því lýkur kl. 15.
Þing Samiðnar verður sett að loknu
málþinginu kl. 16. Meðal þeirra sem
flytja ávarp við þingsetninguna má
nefna Valgerði Sverrisdóttur iðnaðar-
ráðherra, Kjell Johanson, formann
sænska málarasambandsins, og Gör-
an Johnsson, formann sænska málm-
iðnaðarsambandsins.
Föstudaginn 20. apríl hefjast fram-
sögur og umræður um einstaka mála-
flokka þingsins og eru þær að mestu
með nýju sniði. Undir hverjum lið
munu utanaðkomandi aðilar fyrst
flytja fróðleg erindi og síðan kynna
þingfulltrúar drög að samþykkt um
viðkomandi málaflokk.
Vinnuumhverfismál eru fyrst á
dagskrá kl. 9. Undir þeim lið hafa
framsögur Göran Johnsson, sem
kynnir m.a. reynslu sænskra málm-
iðnaðarmanna af stefnu samtakanna í
vinnuumhverfismálum; Kolbeinn
Kolbeinsson, verkfræðingur hjá ÍS-
TAK, ræðir reynslu fyrirtækisins af
innra eftirliti; Þórunn Sveinsdóttir,
deildarstjóri þróunar- og eftirlits-
deildar Vinnueftirlits ríkisins, fjallar
um innra eftirlit fyrirtækja; og Krist-
inn Tómasson, yfirlæknir VER, skil-
greinir orsakir vinnuslysa.
Ungt fólk í verkalýðshreyfingunni
– Ímyndarkreppa verkalýðsfélaga og
úrlausnir nefnist dagskrárliðurinn
sem hefst kl. 11. Það eru þær Vigdís
Harpa Þormóðsdóttir og Harpa Rut
Hilmarsdóttir, stjórnendur sjón-
varpsþáttarins OK, sem flytja fram-
sögu og greina hreyfinguna frá sjón-
arhóli ungs fólks.
Atvinnumál eru svo til umræðu kl.
13 og framsögumaður er Örn Frið-
riksson, formaður Félags járniðn-
aðarmanna,“ segir í fréttatilkynn-
ingu.
Opið málþing um lýðræði
NEMENDUR Garðyrkjuskóla rík-
isins, Reykjum í Ölfusi, verða með
opið hús á sumardaginn fyrsta,
19. apríl frá kl. 10 til 18 og laug-
ardaginn 21. apríl á sama tíma.
Á þessum dögum gefst fólki
tækifæri á að kynna sér starfsemi
skólans og skoða sig um í gróður-
skálanum og gróðurhúsunum. Þá
verða nemendur með kaffisölu,
grænmetissölu, blómasýningu og
skrúðgarðyrkjusýningar. Steini
Spil mætir á svæðið með nikkuna
og yngstu kynslóðinni verður boð-
ið upp á skemmtilega dagskrá.
Sérstakt fræðsluhorn verður
báða dagana og á sumardaginn
fyrsta ætlar einn af kennurum
skólans, Kristinn H. Þorsteinsson,
að flytja 8 klukkustunda maraþon-
fyrirlestur um allt það helsta sem
viðkemur garðyrkju og ræktun.
Opið hús á
sumardaginn fyrsta
Kristinn H. Þorsteinsson, sem
mun tala stanslaust í 8 klukku-
tíma um garðyrkju og ræktun.
Garðyrkjuskóli ríkisins