Morgunblaðið - 18.04.2001, Blaðsíða 4

FRÉTTIR
4 MIÐVIKUDAGUR 18. APRÍL 2001 MORGUNBLAÐIÐ
BÆJARSTJÓRN Stykkis-
hólms ákvað á fundi sínum fyrir
páskana að auglýsa eyjar í eigu
Stykkishólmsbæjar á Breiða-
firði til sölu, ef viðunandi tilboð
fæst. Um er að ræða 7 eyjar eða
hólma sem eru nálægt Stykk-
ishólmi. Eyjarnar hafa fram að
þessu verið leigðar til fjögurra
ára í senn. Leigjendur hafa not-
að eyjurnar til eggja- og fugla-
tekju og til beitar.
Þær eyjar sem eru til sölu
eru m.a. Þórishólmi, Hvíta-
bjarnarey og Leiðólfsey. Að
sögn Óla Jóns Gunnarssonar
bæjarstjóra hefur bæjarfélagið
lítil not haft af eyjunum og vill
með þessu kanna hvort ekki sé
áhugi hjá einstaklingum að
kaupa og njóta náttúrunnar á
Breiðafirði. Óli Jón vildi ekki
gefa upp söluverðið, en sagði að
óskað yrði eftir tilboðum í þær.
Eyjar á
Breiða-
firði aug-
lýstar
FLUGMENNIRNIR Sigurð-
ur Runólfsson og Hergill Sig-
urðsson luku för sinni á eins
hreyfils flugvél til Eþíópíu á
skírdag.
Ætlunin er að nota vélina,
sem er af gerðinni Cessna 182,
til hjálparstarfs í Eþíópíu.
Flugmennirnir hafa ráðið sig í
vinnu hjá flugfélagi í Kenýa.
Ferðin til Eþíópíu tók fjórar
vikur.
Eþíópíu-
flugi lokið
ÁTTA orrustuvélar frá þýska og
bandaríska hernum munu stunda
lágflugsæfingar á afmörkuðu lág-
flugssvæði yfir miðhálendi Íslands
dagana 18. til 20. apríl og 23. apríl.
Gunnar Gunnarsson, skrifstofu-
stjóri varnarmálaskrifstofu utan-
ríkisráðuneytisins, segir að æfing-
arnar tengist ekki á neinn hátt
gerð nýs samkomulags um fram-
kvæmd varnarsamningsins, heldur
hefðu Þjóðverjarnir einfaldlega
óskað eftir því að fá að æfa hér á
landi.
Gunnar sagði að undanfarin ár
hefðu ýmis NATO-ríki óskað eftir
því að fá að æfa lágflug hérlendis
og t.d. hefðu breskar orrustuvélar
æft með bandarískum vélum á
miðhálendinu í tengslum við
varnaræfinguna Norður-Víking ár-
ið 1999.
Gunnar sagði að bandaríski her-
inn hefði heimild til þess að stunda
lágflugsæfingar átta sinnum í mán-
uði í tvo tíma í senn yfir vetrartím-
ann. Frá maí fram í september
væru lágflugsæfingar hins vegar
bannaðar, m.a. vegna aukinnar um-
ferðar um miðhálendið. Hann sagði
að æfingarnar núna yrðu viðameiri,
en þær munu standa í fjóra daga,
eins og áður sagði, og í fjóra tíma í
senn. Þýski herinn mun verða með
fjórar Tornado-orrustuvélar við
æfingarnar en bandaríski herinn
með fjórar F-15-orrustuvélar.
Æfingarnar munu fara fram 18.,
19., 20. og 23. apríl frá klukkan 9 til
11 og 13.30 til 15.30.
Samkvæmt upplýsingum frá ut-
anríkisráðuneytinu er lágflug ein-
ungis heimilað á þeim afskekktu
svæðum þar sem almenningi,
mannvirkjum og flugvélum stafar
ekki hætta af.
Að sögn Gunnars munu æfing-
arnar aðallega fara fram fyrir aust-
an og norðaustan Hofsjökul, en
þær hafa verið skipulagðar í náinni
samvinnu við Flugmálastjórn.
Æfingar flugvéla
á miðhálendinu
FIMM nýir stólar, sem eru gjöf frá
Bent Scheving Thorsteinssyni og
konu hans, frú Margréti Scheving
Thorsteinsson, voru vígðir í bisk-
upamessu í Dómkirkjunni á páska-
dagsmorgun. Stólarnir voru sér-
hannaðir fyrir Dómkirkjuna, en
um er að ræða fjóra kórstóla og
einn biskupsstól. Karl Sigur-
björnsson, biskup Íslands, vígði
biskupsstólinn við messuna, en
slíkir stólar eru ekki ætlaðir öðrum
en biskupi. Í kórstólana mega
setjast forseti Íslands við Al-
þingissetningu, brúðhjón og prest-
ar við prestvígslur svo eitthvað sé
nefnt.
Stefán Snæbjörnsson innanhúss-
arkitekt hannaði stólana, Kristján
A. Kristjánsson húsgagnasmiður
smíðaði stólgrindurnar og Egill Ás-
grímsson húsgagnabólstrari bólstr-
aði þá. Hver stóll ber silfurplötu
sem Ívar Björnsson, gullsmiður og
leturgrafari, smíðaði og letraði á
nöfn gefenda og tilefni gjafarinnar.
Stólana gáfu Bent og kona hans
vegna starfa Bents í sóknarnefnd
Dómkirkjunnar á árunum 1981 til
1989. Með stólagjöfinni, sem metin
er á 2 milljónir króna, vildi Bent
minnast starfa sinna í sóknarnefnd
Dómkirkjunnar.
Morgunblaðið/Árni Sæberg
Á myndinni er biskupsstóllinn til vinstri og tveir kórstólanna til hægri.
Nýir kór-
stólar vígðir
í Dóm-
kirkjunni
UNGUR piltur fórst í eldsvoða á
Dalvík sl. laugardagsmorgun. Hann
hét Einar Sæþór Jóhannesson og
var 18 ára.
Tilkynning um eld í litlu járn-
klæddu einbýlishúsi við Karlsbraut
barst lögreglu skömmu fyrir kl. sjö á
laugardagsmorgun. Þegar slökkvilið
kom á vettvang var mikill eldur og
reykur í húsinu og logaði eldur m.a.
út um dyr og glugga. Slökkvistarf
gekk vel en húsið er talið ónýtt. Pilt-
urinn sem lést bjó í húsinu ásamt
móður sinni, en hún var að heiman er
eldurinn kom upp.
Að sögn lögreglunnar í Dalvíkur-
byggð eru eldsupptök óljós en unnið
er að rannsókn málsins.
Lést í elds-
voða á Dalvík
ÞAÐ vantaði ekki snjóinn á Akur-
eyri um páskana og ekki ólíklegt að
margur sunnlenskur skíðaáhuga-
maðurinn hafi litið hýru auga norð-
ur yfir heiðar. Meðal þeirra sem
skemmtu sér í vetrarríkinu þar
nyrðra var þessi unga stúlka, Dag-
björt Ína Guðjónsdóttir, sem varð á
vegi ljósmyndarans í Hlíðarfjalli. Þá
er ekki myrkrinu fyrir að fara í snjó-
göngunum þeim arna, enda sólin
komin hátt á loft á þessum árstíma.
Morgunblaðið/Skapti Hallgrímsson
Notið snjávar og birtu
RÍKISSAKSÓKNARI hefur
gefið út ákæru á hendur tæp-
lega þrítugum karlmanni fyrir
líkamsárás og brot gegn vald-
stjórninni en manninum er gef-
ið að sök að hafa ráðist að lög-
reglumanni og slegið hann í
andlitið með krepptum hnefa.
Atvikið átti sér stað 2. septem-
ber 2000.
Við höggið nefbrotnaði lög-
reglumaðurinn. Árásin átti sér
stað á heimili mannsins á Pat-
reksfirði en lögreglumaðurinn
var þar við skyldustörf.
Ákærður
fyrir árás
á lögreglu-
mann
UNGUR Grindvíkingur vann
eina milljón króna í Happ-
drætti Háskóla Íslands í gær
eftir að hafa átt miðann í ein-
ungis þrjá daga.
Vinningshafinn, sem er karl-
maður rétt innan við þrítugt,
búsettur í Grindavík, festi kaup
á miðanum á heimasíðu Happ-
drættis Háskólans á laugar-
daginn var og hafði því einungis
átt miðann í þrjá daga þegar
miljón króna vinningurinn kom
á hann. Þetta er jafnframt eini
miðinn sem viðkomandi hefur
átt í Háskólahappdrættinu,
samkvæmt frétt frá HHÍ.
Tíu milljón króna
vinningar dregnir út
Tíu einnar milljónar króna
vinningar voru dregnir út í
happdrætti Háskólans í gær og
komu hinir vinningarnir á
miðaeigendur í Reykjavík,
Kópavogi, Hafnarfirði og
Breiðdalsvík.
Vann eina
milljón á
nýkeyptan
miða