Morgunblaðið - 05.05.2001, Blaðsíða 18

HÖFUÐBORGARSVÆÐIÐ
18 LAUGARDAGUR 5. MAÍ 2001 MORGUNBLAÐIÐ

 



   
    
  




 
 ÞETTA kom fram hjá Magnúsi
Gunnarssyni, bæjarstjóra í Hafnar-
firði, á kynningarfundi í Hafnarborg
í Hafnarfirði í fyrrakvöld, þar sem
kynnt var tillaga að deiliskipulagi
Hörðuvalla og Reykdalsreits og gerð
grein fyrir fyrirhuguðum skólabygg-
ingum á svæðinu. Fljótlega verður
byrjað á vegabótum á Tjarnarbraut
með tilheyrandi göngustígum og
sagðist Magnús vona að sátt ríkti um
málið, þótt hann hefði meðtekið und-
irskriftalista með nöfnum meira en
3.000 Hafnfirðinga, sem mótmæltu
ákvörðunum um byggingar á svæð-
inu.
Framkvæmdum
lokið 1. ágúst 2004
Eftir að arkitektarnir Ingibjörg
Kristjánsdóttir, Sigríður Ólafsdóttir
og Margrét Sigurðardóttir höfðu
kynnt deiliskipulagið og hönnun
bygginga og lóðar gerði Magnús
Gunnarsson bæjarstjóri grein fyrir
framkvæmdaáætluninni. Hann gat
þess að nýr leikskóli yrði um 650 fer-
metrar að grunnfleti, nýr grunnskóli
um 6.000 fermetrar að grunnfleti á
allt að þremur hæðum og nýtt
íþróttahús og kennslusundlaug um
1.500 fermetrar að grunnfleti.
Í máli bæjarstjóra kom fram að
byggingu leikskólans á að vera lokið
að fullu 5. apríl 2002. Verklok 1.
áfanga grunnskólans eru 1. ágúst
2002, 2. áfanga á að vera lokið 1.
ágúst 2003 og 3. áfanga á að vera lok-
ið 1. ágúst 2004, en þar er um að
ræða fullnaðarfrágang við lóð, leik-
fimishús og kennslusundlaug.
Ótti við ónæði á Sólvangi
Fjölmennt var á fundinum og voru
nokkrar fyrirspurnir vegna fyrir-
hugaðra framkvæmda, en nokkuð
bar á gagnrýni á þær, þótt ekki væri
sett út á byggingarnar sem slíkar.
Sveinn Guðbjartsson, forstjóri á
Sólvangi, gerði athugasemdir við
það að fyrra skipulagi skyldi hafa
verið kastað fyrir róða. Um það hefði
verið sátt en þar hefði verið lagt út af
uppbyggingu öldrunarþjónustu í
Hafnarfirði. Ótti væri við mikið
ónæði á Sólvangi vegna nálægðar við
leiksvæði, of mikil innrás væri á
svæðið og hann sagðist áhyggjufull-
ur vegna mikillar umferðar.
Magnús Gunnarsson bæjarstjóri
sagðist vera sammála Sveini varð-
andi uppbyggingu Sólvangs, en
skipulagsnefndin hefði tekið þá
ákvörðun að færa fyrirhugaða
stækkun aftar en arkitektar hefðu
gert ráð fyrir. Athugasemd hefði
borist og fullur skilningur væri á að
taka á því máli.
Eyjólfur Sæmundsson sagði mik-
ilvægt að skoða alla möguleika sem
gætu sætt mismunandi sjónarmið,
en umræddar byggingar hefðu áhrif
á uppbyggingu öldrunarþjónustu í
bænum. Hann spurði hvort aðrir
kostir hefðu verið kannaðir, hvort
tillit hefði verið tekið til aldraðra í
markmiðum skipulagsins, hvaða af-
leiðingu það hefði að hafa skólalóðina
gegnt Sólvangi og hvað Tjarnargat-
an ætti að breikka mikið.
Í svari Sigurðar Einarssonar, for-
manns skipulagsnefndar, kom m.a.
fram að 1998 hefðu öll spjót beinst að
því að byggja við Lækjarskóla. Það
hefði verið skoðað en niðurstaðan
orðið sú að þar sem um svo litla
skólalóð væri að ræða hefði það ekki
verið boðlegt.
Varðandi breikkunina sagði Ingi-
björg Kristjánsdóttir að göngustíg-
urinn við Tjarnarbraut yrði um
þriggja metra breiður. Bakkinn
myndi færast um hálfan metra út en
taka þyrfti upp hleðslur og lagfæra
þær og stígurinn kæmi þar fyrir
framan.
Magnús Gunnarsson sagði að tölu-
verð uppbygging fyrir aldraða hefði
átt sér stað og stækkun Sólvangs
væri á teikniborðinu. Svæðið hefði
því þjónað öldruðum allvel og myndi
gera í framtíðinni. Hann benti á að
þjónusta við aldraða væri víðar í
bænum og m.a. stæði til að byggja
rúmlega 60 íbúðir fyrir aldraða á
Hrafnistusvæðinu, en bæjaryfirvöld
reyndu að fullnægja þörfum allra
aldurshópa á hverjum tíma.
Skipulagi Reykdalsreits frestað
Guðmundur Óskarsson spurði um
deiliskipulag fyrir Reykdalsreit og
hvað yrði um núverandi bensínstöð.
Sigurður sagði að hluta skipulags
Reykdalsreits væri frestað en um
væri að ræða svæðið þar sem bens-
ínstöðin væri. Ástæðan væri sú að
gert væri ráð fyrir að Lækjargatan
yrði færð örlítið til suðurs til að bæta
aðkomu að skólasvæðinu. Því þyrfti
bensínstöðin að víkja og samninga-
viðræður væru í gangi um það en
ekki hefði verið talin ástæða til að
láta þær tefja vinnu á Hörðuvalla-
svæðinu.
Reynir Gunnarsson, skólastjóri
Lækjarskóla, lýsti ánægju sinni með
það að loks sæi fyrir endann á um-
ræddu máli. Nemendur skólans
vildu fá að njóta svipaðra aðstæðna
og nemendur annarra skóla en hann
sagðist eigi að síður skilja vel
áhyggjur allra á Sólvangi. Hins veg-
ar vildi hann fá að vita hvort ekki
væri alveg ljóst að af framkvæmdum
yrði.
Sigrún Einarsdóttir lýsti líka
ánægju sinni með framgang mála og
hlakkaði til þess að börnin í Lækjar-
skóla fengju loks boðlega aðstöðu.
Afstaða leikskólans
Tryggvi Harðarson sagðist ekki
efast um vinnu viðkomandi arkitekta
en sagði að leikskólalóðin gengi inn á
opið útivistarsvæði og það bryti í
bága við aðalskipulag. Sama ætti við
varðandi landnotkun á svæðinu.
Þetta væri ekki bara stofnanasvæði
heldur skilgreint stofnanasvæði fyr-
ir öldrunarþjónustu. Hann sagði að
norðaustanáttin væri versta áttin á
svæðinu en leiksvæði barnanna virt-
ist galopið fyrir þeirri átt. Byggingin
sneri skakkt við sólu því sólin næði
ekki að skína á leiksvæðið nema á
sumrin, skólinn væri nánast út úr
hverfinu en ekki miðsvæðis eins og
tíðkaðist, og erfitt yrði að leysa um-
ferðarmálin, því þetta kallaði á flókn-
ar gönguleiðir, slysahættu og ónæði
fyrir marga.
Í svari sínu sagði Margrét Sigurð-
ardóttir að forgarðar nemenda nytu
morgunsólar og sparigarðarnir síð-
degissólar. Sigurður Einarsson
bætti við að lóðin væri aðgengileg
öllum utan hefðbundins vinnutíma
barnanna. Á svæðinu væri leikskóli
og litið væri svo á að með fram-
kvæmdunum væri verið að viðhalda
því sem fyrir væri.
Mótmæli Hafnfirðinga
hundsuð?
Hjörtur Howser sagði að sér virt-
ist sem framkvæmdir yrðu þvingað-
ar fram gegn vilja þúsunda Hafnfirð-
inga sem hefðu mótmælt þeim. Hann
spurði um stærð skólalóðarinnar,
hvort hún uppfyllti skilyrði um fer-
metrafjölda á hvern nemenda, hvort
framkvæmdin yrði boðin út, hvort
skólinn yrði í eigu Hafnarfjarðar og
hvort kennarar Lækjarskóla yrðu
við nýja skólann.
Bæjarstjóri svaraði og sagði að
horft væri til margra þátta varðandi
uppbygginguna, en þess væri gætt
að fara mjúkum höndum um svæðið.
Í yfirliti sem tengdist ákveðnu for-
vali væri leitað eftir einkaaðila til að
fjármagna, hanna, byggja og reka að
hluta nýjan leikskóla, grunnskóla,
íþróttahús og kennslusundlaug. Að-
alatriðið væri hvað væri hagkvæmt
fyrir bæjarfélagið en ekki hvert
eignarhaldið væri. Spurningin væri
að gera samning og að eftir honum
yrði farið. Margrét Sigurðardóttir
bætti við að rýmisþörf nemenda væri
fullnægt, en lóðin væri rúmlega
18.000 fermetrar.
Haukur Helgason kom inn á
einkavæðinguna og spurði hvernig
samningar væru með tilliti til þess að
bæjarfélaginu væri skylt að sjá um
grunnskólakennslu. Hann spurði
líka hvort sú hætta væri fyrir hendi
að eigendur notuðu mannvirkin síðar
meir til annarra hluta, hvort bærinn
eignaðist byggingarnar að ákveðn-
um tíma liðnum og hvernig viðhalds-
mál væru tryggð.
Magnús Gunnarsson sagði að
gerður yrði langtímaleigusamningur
með möguleika á framhaldsleigu,
fyrirkomulag sem væri að ryðja sér
til rúms hér á landi, m.a. varðandi
tónlistarhús í Reykjavík. Þetta
byggðist á því að gerður væri hag-
stæður samningur en skólinn í Ás-
landi hefði t.d. verið 12 til 15% ódýr-
ari en ef bæjarfélagið hefði staðið að
byggingunni.
Framtíð bensínstöðvarinnar
Gunnar Svavarsson hafði ákveðn-
ar efasemdir um göngubrautir við
bensínstöðina og framhald hennar.
Hann benti líka á að um 400 bílar
kæmu inn á skólasvæðið á svipuðum
tíma og spurði hvað það þýddi fyrir
svæðið auk þess sem hann óskaði
svara um lóðamál á svæðinu.
Sveinn Guðbjartsson spurði úr
hvaða hverfum nemendur skólans
yrðu og í hvaða hlutföllum auk þess
sem hann vildi fá að vita hvað yrði
um bensínstöðina.
Bæjarstjóri sagði að vilji Olíu-
félagsins og bæjarstjórnar væri sá
að ný bensínstöð yrði byggð á svæð-
inu. Varðandi lóðamál hefði bærinn
keypt flestar lóðir sem væru á um-
ræddu svæði og reynt væri að leysa
þau mál með sóma. Fyrst og fremst
væri verið að byggja nýjan Lækjar-
skóla á Hörðuvöllum sem ætti að
taka við af gamla skólanum og því
væri einkum verið að hugsa um börn
á Lækjarskólasvæðinu, en hins veg-
ar væri engum dyrum lokað.
Sigurður Einarsson sagði að ekki
þyrfti að hafa áhyggjur af umferð-
inni en auðvelt væri að grípa til við-
eigandi aðgerða ef þörf væri á því.
Fyrirætlanirnar
gagnrýndar
Morgunblaðið/Þorkell
Fundarmenn hlustuðu af athygli á kynningu á fyrirhuguðum framkvæmdum á Hörðuvöllum.
Magnús Gunnarsson, bæjarstjóri í Hafnarfirði, gerir grein fyrir tillögu
að deiliskipulagi Hörðuvalla og Reykdalsreits.
Hafnarfjörður
Ekki er gert ráð fyrir að
Hafnarfjarðarbær eigi
skólamannvirki, sem
fyrirhugað er að byggja
á Hörðuvöllum og ljúka
í ágúst 2004, heldur
verða þau í eigu
einkaaðila.
Íbúar bæjarins fjölmenntu á kynningarfund í Hafnarborg um Hörðuvelli á fimmtudag