Morgunblaðið - 05.05.2001, Blaðsíða 23

LANDIÐ
MORGUNBLAÐIÐ LAUGARDAGUR 5. MAÍ 2001 23
Blönduósi - Bjarni Helgason hef-
ur opnað sýningu á ljósmynda-
samsetningum, undir heitinu
Ljósmyndlist, á kaffihúsinu Við
árbakkann á Blönduósi. Er þetta
fyrsta sýning hans.
Bjarni er að útskrifast sem
grafískur hönnuður frá Listahá-
skóla Íslands. Ljósmyndirnar tek-
ur hann á einfalda rússneska
Lomo-myndavél og setur saman á
margbreytilegan hátt en hver
myndasamsetning er af sömu fyr-
irmyndinni. Bjarni sagði í samtali
við Morgunblaðið að hann hefði
kynnst þessari tækni hjá deild-
arstjóra sínum í Listaháskóla Ís-
lands, Guðmundi Oddi myndlist-
armanni.
Nokkrar myndasamsetning-
anna eru frá Blönduósi en annars
kemur Bjarni víða við í verkum
sínum.
Sýning Bjarna Helgasonar
stendur til 26. maí og er opin á
opnunartíma kaffihússins.
Sýnir ljósmyndasamsetningar
Morgunblaðið/Jón Sigurðsson
Bjarni Helgason við eitt verka sinna á kaffihúsinu Við árbakkann.
Við árbakkann á Blönduósi
PÁLL Bergþórsson, fyrrverandi
veðurstofustjóri, gerir jafnan
sprettuspá á vorin. Hér fer á eftir
sprettuspá Páls fyrir sumarið
2001:
„Nú er komin hundrað ára
reynsla af því að vetrarhitinn á
landinu ræður mjög miklu um
grassprettu á sumrinu sem á eftir
fer. Oftast gefur hitinn í Stykk-
ishólmi góða hugmynd um hita-
farið á landinu öllu. Að þessu sinni
var meðalhitinn þar 0,6 stig í októ-
ber–apríl, en var 0,7 stig að jafnaði
árin 1996–2000, svo að þess vegna
má búast við að spretta verði mjög
áþekk og síðustu fimm árin. Þess
vegna mætti telja eðlilegt að nota
nú álíka mikinn áburð á túnin og
að undanförnu, en þá verður líka
að taka tillit til ýmissa annarra
þátta, svo sem heyfyrninga og fyr-
irhugaðs ásetnings.
Ástæða er til að geta þess að á
síðustu tuttugu árum hafa bændur
sífellt orðið óháðari veðráttu við
heyskapinn, hvort sem litið er til
grassprettu eða óþurrka. Þetta má
kallast bylting. Sauðfé hefur fækk-
að svo að í meðalári þarf ekki að
nota eins mikinn áburð og áður
var. Þegar útlit er fyrir grasbrest
má þá bæta við áburðinn og jafna
þannig heyfenginn milli ára. Til
þess má nota sprettuspána sem
byggist á vetrarhitanum. Nú eru
um 85% af heyjunum sett í vothey,
aðallega rúllubagga, en fyrir tutt-
ugu árum var votheyið aðeins 10%
af heyfengnum. Þetta auðveldar
heyskap í votviðrum og dregur
þannig úr áraskiptum uppskerunn-
ar og heygæðanna. Auk þess hefur
votheyið mun meira fóðurgildi en
þurrheyið, svo að hægt er að spara
fóðurbætiskaup. Þetta eru miklar
framfarir.
Síðari hluti apríl hefur verið
mildur, einkum á Suðvesturlandi,
en næstu daga eru einnig góðar
veðurhorfur austanlands. Frost er
að fara úr jörðu í Reykjavík, svo
að vorgróður er að byrja. Eftir
snjóléttan vetur er mikilsvert að
draga ekki lengur að bera á túnin
en nauðsynlegt er, svo að jörðin
ofþorni ekki áður en gróðurinn
kemst vel af stað. Norðanlands
kemur vorið seinna eins og venju-
lega, en þó er farið að slá grænum
lit á að minnsta kosti eitt tún í
Hörgárdal.“
Sprettuspá svip-
uð og síðustu ár
Ólafsvík - Samræmdu prófunum
lauk í síðustu viku, sem kunnugt er,
og fóru þá margir 10. bekkingar í
ferðalag af því tilefni. Nemendur
Sandvíkurskóla á Selfossi brugðu
sér, ásamt kennurum, á Snæfells-
nesið.
Farið var í Stykkishólm og í sigl-
ingu þaðan um Breiðafjörð en síðan
haldið til Ólafsvíkur og fyrrverandi
umsjónarkennari sóttur heim. Þaðan
var ferðinni haldið að Arnarstapa
þar sem beið þeirra ævintýraferð á
Snæfellsjökul, veislumáltíð og gist-
ing. Frá Arnarstapa var stefnan tek-
in heim á Selfoss og framundan að
ljúka síðustu prófatörninni fyrir
sumarfríið.
Ekki var annað að heyra á krökk-
unum en þau væru ánægð með þessa
ævintýraferð á Snæfellsnesið og
voru þau sammála um að þetta væri
kærkomin afslöppun eftir sam-
ræmdu prófin.
Morgunblaðið/Elín Una Jónsdóttir
Nemendur 10. bekkjar í Sandvíkurskóla virtust alsælir með skólaferðalagið þegar blaðamaður hitti þá.
Ævintýraferð á Snæfellsnes
Húsavík - Handknattleiksmót fyrir 5.
flokk stúlkna og drengja fór fram í
Íþróttahöllinni á Húsavík nýlega. Þar
kepptu um 430 börn víðs vegar af landinu.
Að þessu sinni nefndist mótið Matbæj-
armótið en aðalstyrktaraðili þess var
Matbær ehf. Þetta mun vera í 11. sinn
sem handknattleiksmót fyrir þennan ald-
ursflokk er haldið á vegum Völsungs. Mót
sem þetta er einn af stærstu íþróttavið-
burðum bæjarins á hverju ári og setur
sinn svip á bæjarlífið meðan á því stend-
ur. Krakkarnir voru dugleg að sækja
sundlaugina og eitthvað komu þau við í
sjoppunum og haldið var ball fyrir þau
eitt kvöldið.
Handknattleiksdeild Völsungs bar hit-
ann og þungann af mótinu ásamt fjölda af
sjálfboðaliðum og hafði undirbúningur
staðið yfir frá því í lok janúar. Kristinn
Wium í handknattleiksdeildinni sagði að
mótið hefði gengið mjög vel fyrir sig allt
gengið hnökralaust og góð stemmning í
höllinni.
Ágúst Jóhannsson, landsliðsþjálfari
kvenna, afhenti verðlaun í mótslok og
voru þrjú efstu lið í hverjum flokki eft-
irfarandi:
A-lið stúlkna Fram í fyrsta sæti, ÍR í
öðru og FH í þriðja sæti,
A-lið drengja Fram í fyrsta, Þór Ak. í
öðru og KR í þriðja sæti,
B-lið stúlkna Gróttu 1 í fyrsta, Grótta 2
í öðru og Haukar í þriðja sæti,
B-lið drengja Vals í fyrsta, ÍR í öðru og
Völsungur í þriðja sæti,
C-lið stúlkna Fram 1 í fyrsta, KA í öðru
og Fram 2 í þriðja sæti,
C-lið drengja KA 1 í fyrsta, Grótta í
öðru og ÍR í þriðja sæti.
Auk þess voru afhent verðlaun fyrir að
vera prúðasta liðið, skemmtilegasta liðið
og fyrir bestu umgengnina á mótinu.
Prúðasta liðið reyndist vera stúlkurnar
úr FH. Nafnbótina skemmtilegasta liðið
hrepptu drengirnir úr Fylki og fyrir
bestu umgengnina fengu verðlaun stúlk-
urnar úr KA.
430 börn kepptu
í handbolta á Húsavík
Morgunblaðið/Hafþór Hreiðarsson
B-lið Völsungs karla náði bestum árangri heimamanna á Matbæjarmótinu í handknattleik á Húsavík.
Hér eru leikmenn liðsins ásamt þjálfurum sínum, þeim Jóhanni Kr. og Hilmari Val Gunnarssonum.
SKÓLARÁÐ Skálholtsskóla
ákvað á fundi í fyrradag að
mæla með því að Guðmundur
Einarsson kennari verði ráðinn
næsti rektor skólans. Sex sóttu
um stöðuna.
Umsækjendur voru auk Guð-
mundar Árni Svanur Daníels-
son guðfræðingur, séra Baldur
Gautur Baldursson, séra Bern-
harður Guðmundsson verkefn-
isstjóri, Smári Ólason tónlistar-
maður og séra Torfi H.
Stefánsson.
Tillaga skólaráðs verður tek-
in til afgreiðslu á fundi kirkju-
ráðs 10. maí næstkomandi en
kirkjuráð skipar í stöðuna. Gert
er ráð fyrir ráðningu síðsum-
ars. Pétur Pétursson prófessor
hefur gegnt stöðu rektors í
Skálholti undanfarið.
Mælt með
Guðmundi
Einars-
syni
Rektor
Skálholtsskóla
Borgarfirði - Það má orða það
þannig að Freyjukórinn syngi án
afláts og geti ekki hætt. Eftir tón-
leika í Reykholtskirkju á laugar-
dag tók kórinn lagið á tröppum
kirkjunnar undir glampandi vorsól
og streymdu þá að ferðamenn úr
rútum sem áttu leið um.
Stjórnandi kórsins er Zsuzanna
Budai, en hún kemur frá Ung-
verjalandi og hefur búið í 10 ár á
Íslandi og kennt við Tónlistarskóla
Borgarfjarðar síðan 1997.
Freyjukórinn var stofnaður 1990
og stjórnaði Bjarni Guðráðsson
honum fram til 1997 en það ár stóð
kórinn fyrir þriðja Landsmóti ís-
lenskra kvennakóra sem var haldið
í Reykholti. Á næsta ári hyggur
kórinn á sína fyrstu utanlandsferð
og ætlar Zsuzanna þá m.a. að
fylgja þeim á sínar heimaslóðir.
Undirleikari kórsins á píanó var
Steinunn Árnadóttir og Haukur
Gíslason á kontrabassa og var dag-
skráin fjölbreytt með íslenskum og
útlendum lögum. Auk kórsins
komu fram sópranarnir Dagný
Sigurðardóttir, Halldóra Friðjóns-
dóttir og Kristín M. Ágústsdóttir.
Eitt verk fluttu saman þau Ella
Björt Daníelsdóttir á klarinett og
Þorsteinn Gauti Sigurðsson á pí-
anó.
Vortónleikar Freyjukórsins
Morgunblaðið/Sigríður Kr.