Morgunblaðið - 05.05.2001, Blaðsíða 59

FRÉTTIR
MORGUNBLAÐIÐ LAUGARDAGUR 5. MAÍ 2001 59
FERÐAFÉLAGIÐ Útivist efnir
sunnudaginn 6. maí til gönguferðar
um Reykjaveginn og er það annar
áfangi af 10. Reykjavegurinn er
gönguleið sem liggur frá Reykja-
nesvita meðfram Reykjanesfjall-
garði og Hengli til Þingvalla.
Í fyrsta áfanga, sem farinn var
frá Reykjanesvita að Stóru-Sand-
vík, mættu 135 þátttakendur svo
þessi raðganga Útivistar hefur
fengið mikinn hljómgrunn, segir í
fréttatilkynningu. Sunnudagsgang-
an er aðeins um 3-4 klst. og liggur
frá Stóru-Sandvík við ströndina
norðan Reykjanestáar og þvert yf-
ir að Eldvörpum sem eru mesta
gígaröð Reykjanesskagans suð-
vestur af Bláa lóninu. Þarna eru
fallegir gígar sem gaman er að
skoða, en auk þess verður litið á
fornar rústir í Eldvarpahrauni sem
nefndar eru útilegumannakofarnir.
Brottför er frá BSÍ kl. 10.30, en
rútan stansar á leiðinni m.a. við
kirkjugarðinn Hafnarfirði og á
Fitjum, Njarðvíkum. Verð er 1.500
kr. fyrir félaga og 1.700 kr. fyrir
aðra, en frítt fyrir börn með for-
eldrum sínum.
Á heimasíðu Útivistar, www.uti-
vist.is, eru nánari upplýsingar um
Reykjaveginn og er kort birt í nýj-
um dálki er nefnist Útivistariðan.
Annar
áfangi
göngu um
Reykjaveg
FLUGKLÚBBURINN Þytur tók í
gær formlega í notkun eina af
fyrstu sjúkraflugvélum landsmanna
sem klúbburinn hefur keypt en var
lengst af í eigu Flugþjónustu
Björns Pálssonar. Verður vélinni
gefið nafn við athöfn við flugskýli
Þyts á Reykjavíkurflugvelli.
Vélin er af gerðinni Cessna 180
og keypti Björn Pálsson hana til
landsins ársgamla árið 1954. Skrá-
setningarstafir hennar eru TF-HIS,
hinir sömu og skammstöfun Hins
íslenska steinolíufélags, sem styrkti
Björn í kaupunum.
Félagar í Þyt eru nú 37, flug-
menn, flugvirkjar og aðrir sem hafa
eða hafa haft atvinnu sína af flugi.
Meðal markmiða félagsins er að
leggja sitt af mörkum til að varð-
veita flugsöguna. Tómas Dagur
Helgason, flugstjóri og formaður
félagsins, segir mikinn feng að því
að fá þessa merku vél í klúbbinn en
með því sé einnig haldið á lofti
minningu Björns Pálssonar sem
brautryðjanda í sjúkraflugi á Ís-
landi en talið er að hann hafi flutt
kringum 3.600 sjúklinga á ferli sín-
um.
Einni af
fyrstu sjúkra-
flugvélunum
gefið nafn
KÓPAVOGSDEILD Rauða kross Ís-
lands hefur veitt 20 milljónir króna
til framkvæmda við stækkun hjúkr-
unarheimilisins Sunnuhlíðar.
Framlagið var afhent í þremur
hlutum og innti deildin síðustu
greiðsluna, 6,6 milljónir króna, af
hendi mánudaginn 23. apríl síðast-
liðinn. Níu klúbbar og mann-
úðarfélög stóðu að stofnun sjálfs-
eignarstofnunar um byggingu
Sunnuhlíðar, hjúkrunarheimilis
fyrir aldraða í Kópavogi, árið 1979.
Drjúgum hluta byggingarkostn-
aðarins var safnað meðal Kópa-
vogsbúa og rekstur heimilisins
hófst 1982. Þar eru nú 50 rúm en
síðastliðið haust var hafist handa
við byggingu nýrrar álmu á tveim-
ur hæðum. Á efri hæð verða 20
hjúkrunarrými og á neðri hæð
verða sjö rými til skammtímainn-
lagna. Aðstaða fyrir sjúklinga og
starfsmenn verður með því besta
sem þekkist hérlendis. Kópavogs-
deild Rauða kross Íslands hefur átt
aðild að Sunnuhlíðarsamtökunum
frá upphafi og stutt dyggilega við
heimilið með fjárframlögum og
gjöfum. Auk þess starfar hópur
sjálfboðaliða deildarinnar við ýmiss
konar félagslega umönnun við
heimilisfólk. Sjálfboðaliðarnir
heimsækja heimilismenn, halda
þeim félagsskap, lesa fyrir þá og
fleira. Þeim sem hafa áhuga á að
taka þátt í sjálfboðnu starfi á veg-
um deildarinnar er bent á að hafa
samband við starfsmann deild-
arinnar.
Á myndinni sést Garðar Briem afhenda Guðjóni Magnússyni, formanni
stjórnar Sunnuhlíðar, 6,6 milljóna króna framlag Kópavogsdeildar. Með
þeim á myndinni eru stjórnarmenn í Kópavogsdeild, framkvæmdastjóri
Sunnuhlíðar og stjórn hjúkrunarheimilisins.
20 milljónir króna til fram-
kvæmda við Sunnuhlíð
TAFLFÉLAGIÐ Hellir heldur eitt
af sínum vinsælu atkvöldum mánu-
daginn 7. maí 2001 og hefst mótið kl.
20:00. Fyrst eru tefldar 3 hraðskákir
þar sem hvor keppandi hefur 5 mín-
útur til að ljúka skákinni og síðan
þrjár atskákir, með tuttugu mínútna
umhugsun.
Sigurvegarinn fær verðlaun, mat
fyrir tvo frá Dominos Pizza. Þá hefur
einnig verið tekinn upp sá siður að
draga út af handahófi annan kepp-
anda, sem einnig fær máltíð fyrir tvo
hjá Dominos Pizza. Þar eiga allir
jafna möguleika, án tillits til árang-
urs á mótinu.
Þátttökugjöld eru kr. 300 fyrir
félagsmenn (kr. 200 fyrir 15 ára og
yngri) og kr. 500 fyrir aðra (kr. 300
fyrir 15 ára og yngri). Allir eru vel-
komnir.
Atkvöld Tafl-
félagsins Hellis
♦ ♦ ♦
♦ ♦ ♦
FERÐAFÉLAG Íslands efnir til
gönguferðar á Reykjanesi sunnu-
daginn 6. maí.
Ekið verður sem leið liggur áleið-
is að Keili og stoppað við Höskuld-
arvelli, þar sem gangan hefst. Það-
an liggur leiðin að Spákonuvatni og
yfir Núpshlíðarháls eftir Reykja-
veginum með Trölladyngju og
Grænudyngju að austanverðu.
Komið er niður á Lækjarvelli og
gengið síðan yfir Sveifluháls og
komið niður við Kleifarvatn, þar
sem ættu að sjást hverir úti í vatn-
inu, en þeir hafa verið vel sýnilegir
að undanförnu.
Göngutími er áætlaður 5-6 klst.
og hæðaraukning gæti verið um 250
m. Fararstjóri í þessari ferð er Sig-
rún Huld Þorgrímsdóttir og þátt-
tökugjald er 1.700 kr. Brottför er
frá BSÍ kl. 10:30 á sunnudags-
morgni og komið við í Mörkinni 6
og hjá kirkjugarðinum í Hafnar-
firði.
FÍ með ferð
á Höskuldar-
velli og að
Kleifarvatni
TAL á þriggja ára afmæli í dag, 5.
maí. Af því tilefni býður Tal við-
skiptavinum að hringja sín á milli
fyrir aðeins 3 kr. á mínútu. Sömu-
leiðis kostar aðeins 3 kr. að senda
SMS-textaskilaboð.
Hleðslukort fyrir TALfrelsi
verða seld þrjú saman á verði
tveggja í öllum verslunum Tals og
hjá umboðsmönnum. Auk þess eru
sumartilboð Tals á GSM-símum í
fullum gangi.
Viðskiptavinum Tals fjölgar
stöðugt og eru nú 60 þúsund tals-
ins.
Þjónustu fyrirtækisins hefur
verið mjög vel tekið en með til-
komu Tals inn á íslenskan fjar-
skiptamarkað var áratuga einokun
rofin, segir í fréttatilkynningu.
Dreifikerfi TALs nær í dag til
98% landsmanna.
Tal GSM-símtöl
og SMS á
þrjár krónur
Tal þriggja ára
♦ ♦ ♦
HINN árlegi flórgoðadagur Fugla-
verndarfélagsins og umhverf-
isnefndar Hafnarfjarðar verður
við Ástjörn við Hafnarfjörð sunnu-
daginn 6. maí milli kl. 13:30 og
15:00. Haldið hefur verið upp á
dag flórgoðans við Ástjörn síðan
1993. Reyndir fuglaskoðarar
verða á staðnum og upplýsa gesti
um leyndardóma flórgoðans og
sýna þeim hið fjölbreytta lífríki
náttúruperlunnar Ástjarnar.
Gögnum verður dreift um tjörnina
og flórgoðann.
Flórgoðinn hefur undanfarið
verið í gjörgæslu vegna mikillar
fækkunar síðustu áratugi. Fram-
ræsla votlendis, landnám minks og
aðrar breytingar á lífsskilyrðum
þessa skrautlega og sérkennilega
fugls eru taldar vera orsakirnar
fyrir fækkuninni. Átak er nú í
gangi sem stefnir að því að snúa
þessari þróun við. Ástjörn og Urr-
iðakotsvatn eru einu varpstaðir
flórgoðans á Suðvesturlandi, á öllu
svæðinu milli Laugardals í Árnes-
sýslu og Skorradals í Borgarfirði.
Ástjörn er friðlýst og er friðlands-
ins gætt af íþróttafélaginu Hauk-
um. Umhverfi tjarnarinnar var
gert að fólkvangi fyrir fimm árum.
Bílastæði eru við íþróttasvæði
Hauka. Þaðan liggur göngustígur
með norðurbakka Ástjarnar, að
sefinu undir Ásfjalli, þar sem flór-
goðarnir halda til og vettvangs-
fræðslan verður.
Flórgoða-
dagur við
Ástjörn