Morgunblaðið - 05.05.2001, Blaðsíða 57

KIRKJUSTARF
MORGUNBLAÐIÐ LAUGARDAGUR 5. MAÍ 2001 57
GÖNGUSTUND verður á þriðju-
dögum í maí og júní 2001 og verður
lagt af stað kl. 10:30 frá Fella- og
Hólakirkju. Göngustundin er í um-
sjón Lilju G. Hallgrímsdóttur
djákna. Fyrsta göngustundin er 8.
maí nk. Gangan er ætluð fólki á öll-
um aldri; ungum konum og körlum,
með eða án barna, ömmum og öfum
og aldurshópnum þar á milli. Gengið
verður hvern þriðjudag, nema ef af-
takaveður er, þá hreyfum við okkur
í safnaðarheimilinu. Áætlað er að
útiveran sé í einn tíma en safnaðar-
heimilið verður opið kl. 10–12 þessa
daga þar sem boðið verður upp á
kaffi og djús.
Í göngustundunum er ætlunin að
huga að líkama og sál, staldra við og
hugleiða og ræða um tilveruna og
lífið og eiga gott samfélag. Af og til
koma gestir og fræða göngumenn
um ýmislegt.
Þátttakendur eru beðnir að klæða
sig eftir veðri og ekki gleyma að
hafa góða skapið með. Nánari upp-
lýsingar eru veittar í síma 557 3280.
Fella- og Hólakirkja.
Uppskeruhátíð
barnastarfs
Dómkirkjunnar
UPPSKERUHÁTÍÐ Dómkirkjunn-
ar verður sunnudaginn 6. maí. Há-
tíðin hefst á fjölskylduguðsþjónustu
kl. 13:00. Miðborgarpresturinn Jóna
Hrönn segir sögu, fuglinn Konni
ætlar að þakka fyrir veturinn og
börnin úr barnastarfi Dómkirkjunn-
ar gegna ýmsum hlutverkum. Bolli
P. leiðir guðsþjónustuna.
Að lokinni athöfn er kirkjugestum
boðið að koma upp að Reynisvatni,
sem er kjörlendi fyrir fjölskylduna.
Þar verður hægt að veiða, fara á
hestbak og Bolli ætlar að sýna hvað
hann er flinkur að grilla og mun
vissulega njóta þar dyggrar aðstoð-
ar. Fólki er frjálst að fara á sínum
eigin farartækjum upp að vatninu,
en það verður líka rúta frá Dóm-
kirkjunni kl. 14:00 fyrir þá, sem
vilja það. Það er best fyrir alla að
taka með sér góðan klæðnað og
veiðigræjur til kirkju, því þá er
hægt að leggja beint af stað eftir at-
höfnina.
Dómkirkjan og Reynisvatn eru
hvor um sig fallegir staðir, sem geta
hæglega sameinað fólk á öllum
aldri. Megi góður Guð gefa okkur
sæluríkan fjölskyldudag hinn 6. maí.
Verið velkomin.
Samlestrar í
kennslustofu
Hafnarfjarðarkirkju
NÆSTKOMANDI laugardags-
morgna í maí frá kl. 10.30–11.30
fara fram samlestrar og samræður í
Odda, kennslustofu Hafnarfjarðar-
kirkju í Strandbergi, um bókina
„Segðu mér hvert“ eftir þýska
prestinn og heimspekinginn dr.
Jörg Zink. Þar er fjallað um spurn-
ingar og vandamál uppvaxandi fólks
og leitað svara við þeim út frá sí-
gildum boðskap kristni og nokkurra
þeirra manna á fyrri öld sem með
lífi sínu, vitnisburði og verkum
drógu fram þýðingarmikla þætti
þess boðskapar, er varða mannrétt-
indi, lífsvirðingu og lífsþjónustu,
eins og Martin Luther King, móðir
Theresa og þeir aðilar, sem sett
hafa upp samkirkjulega miðstöð og
athvarf í Taize í Frakklandi.
Jörg Zink er þekktur og og vin-
sæll rithöfundur og fjölmiðlamaður í
heimalandi sínu og víðar, m.a. sem
ötull talsmaður samkirkjulegs
starfs, friðarbaráttu og umhverfis-
verndar.
María Eiríksdóttir kennari hefur
þýtt þessa merku bók og leiðir
þessa samlestra og umræður, sem
eru öllum opnar sem áhuga kunna
að hafa fyrir þeim. Fyrsti samlest-
urinn fer fram í dag 5. maí.
Prestar Hafnarfjarðarkirkju.
Safnaðarferð
Neskirkju
SAFNAÐARFERÐ Neskirkju
verður sunnudaginn 6. maí og verð-
ur farið í Vatnaskóg. Að þessu sinni
verður lögð áhersla á að fá þátttak-
endur úr öllu starfi kirkjunnar, jafnt
unga sem aldna.
Byrjað verður með helgistund kl.
11:00 í Neskirkju og síðan haldið í
Vatnaskóg með rútum. Í Vatnaskógi
er mjög góð aðstaða jafnt úti sem
inni sem gefur möguleika á fjöl-
breyttri dagskrá. Meðal annars
verður boðið upp á gönguferð, rat-
leik, báta, kyrrðarstund í kapellu,
föndur, fræðslu, söngstund, leiki og
andlitsmálun.
Boðið verður upp á grillaðar pyls-
ur, gos og kaffi fyrir heimferð.
Heimkoma er áætluð kl. 16:00.
Allir velkomnir.
Vormessa Álftfirð-
ingafélagsins
Á MORGUN, sunnudag, kl. 14
messar sr. Jakob Agúst Hjálmars-
son í Dómkirkjunni í tilefni af vor-
samkomu átthagafélags Álftfirðinga
vestra. Á eftir verður samvera í
safnaðarheimilinu, Lækjargötu 14a.
Súðvíkingar og aðrir Álftfirðingar
sem búa eða eru staddir á suðvest-
urhorninu eru hvattir til að koma til
þessa fagnaðar og njóta samverunn-
ar og góðra veitinga.
Kaffisala
Kvenfélags
Háteigssóknar
KVENFÉLAG Háteigssóknar
verður með með kaffisölu í safn-
aðarheimili kirkjunnar á sunnudag
og hefst hún kl. 14:00. Gengið er inn
um aðaldyr safnaðarheimilisins að
norðan (Esjumegin).
Á umliðnum árum hafa kven-
félagskonurnar verið ötular og fórn-
fúsar við að afla fjár til að prýða
kirkju og safnaðarheimili og sér
þess víða merki. Á síðastliðnu ári
gáfu þær flygil til notkunar í að-
alsafnaðarsal.
Félagsstörfin einskorðast hins
vegar engan veginn við fjáraflanir,
fyrirferðarmeiri er ýmis menning-
ar-, félags- og líknarstarfsemi, sem
fram fer á fundum eða í kyrrþey,
sem ég vil þakka af heilum hug.
Ég hvet Háteigssöfnuð og hollvini
Háteigskirkju til að sýna samstöðu
með kvenfélaginu og styrkja það til
góðra verka með því að koma með
gesti sína á sunnudaginn.
Tómas Sveinsson,
sóknarprestur.
Hestamanna-
messa í
Seljakirkju
SUNNUDAGINN 6.maí verður
kallað til messað að vanda í Selja-
kirkju. Nokkuð verður brugðið út af
venju og segja má að helgihald
sunnudagsins hefjist við hesthúsin í
Víðidal klukkan 13.00. Þar verður
safnast saman og síðan riðið fylktu
liði að Seljakirkju til messu er hefst
kl. 14.00. Við kirkjuna verður reist
hestagirðing og þar hægt að geyma
hrossin meðan á messu stendur.
Sr. Valgeir Ástráðsson prédikar í
guðsþjónustunni, karlakvartett
syngur og leiðir söng, organisti er
Gróa Hreinsdóttir. Áður en haldið
verður heim á leið verður kirkju-
gestum boðið upp á kaffi, djús og
kleinur í kirkjumiðstöðinni.
Hestamenn, karlar og konur, eru
hvattir til að slást í hópinn. Sameina
þannig tómstundagaman og þátt-
töku í helgihaldi kirkjunnar.
Börnum í Mos-
fellsbæ boðið
á leiksýningu
AÐ ÞESSU sinni lýkur barnastarfi
kirkjunnar í Lágafellssókn með
leiksýningu. Stopp-leikhópurinn
kemur í heimsókn og sýnir okkur
leikritið um óskirnar tíu.
Leiksýningin er á morgun, sunnu-
dag og byrjar kl. 11:15 í safnaðar-
heimili Lágafellssóknar (beint á
móti Nóatúni), Þverholti 3, 3 hæð.
Aðgangur ókeypis og allir vel-
komnir.
Safnaðarstarf
Fella- og Hólakirkja. Opið hús fyrir
8., 9. og 10. bekk kl. 20–23.
Landakirkja í Vestmannaeyjum.
Kl. 10.30 opin æfing fyrir stráka f.
1994 og eldri sem vilja ganga í
barnakórinn Litla lærisveina. Kl. 11
opin æfing fyrir stelpur f. 1994 og
eldri sem vilja ganga í barnakórinn
Litla lærisveina.
Hvammstangakirkja. Sunnudaga-
skóli kl. 11.
Göngustund