Morgunblaðið - 05.05.2001, Blaðsíða 20

AKUREYRI
20 LAUGARDAGUR 5. MAÍ 2001 MORGUNBLAÐIÐ
Til sölu er Fatahreinsunin ehf. á Akureyri. Fyrirtækið er staðsett
í mjög góðu nýlegu eigin húsnæði á götuhæð í hjarta bæjarins í
Hofsbót 4. Næg bílastæði. Fyrirtækið er mjög vel búið tækjum
og áhöldum og hefur mikla viðskiptavild enda hefur það þjónað
Akureyringum og nærsveitum undanfarin 53 ár. Fyrirtækið verð-
ur selt með eða án eigin húsnæðis sem er 293,8 m² að grunn-
fleti. Leiga á húsnæðinu kemur einnig til greina. Ennfremur er
hugsanlegt að taka inn meðeiganda sem myndi starfa við fyrir-
tækið.
Fyrirtæki á Akureyri
Sími 461 1500, fax 461 2844,
netfang petur@fast.is
Allar nánari upplýsingar hjá undirrituðum.
EININGAR-IÐJUFÉLAGAR!
Aðalfundur Einingar-Iðju verður haldinn
þriðjudaginn 15. maí 2001 kl. 20.00.
á 4. hæð í Alþýðuhúsinu Akureyri
Dagskrá:
1. Venjuleg aðalfundarstörf.
2. Lagabreytingar
3. Önnur mál.
Ársreikningar liggja frammi á skrifstofum félagsins.
Félagar fjölmennið - Kaffiveitingar.
Stjórnin
FJÖGUR fyrirtæki óskuðu eftir
þátttöku í forvali um hönnun og
byggingu fjölnota íþróttahúss á
félagssvæði Þórs við Skarðshlíð á
Akureyri, sem boðið verður út í alút-
boði. Ekkert þessara fyrirtækja er
frá Akureyri en þau eru Íslenskir
aðalverktakar hf. á Keflavíkurflug-
velli, Ístak hf. í Reykjavík og Katla
ehf. og Tréverk ehf. í Dalvíkur-
byggð.
Að sögn Magnúsar Garðarssonar
byggingaeftirlitsmanns hjá Fast-
eignum Akureyrarbæjar voru öll
fyrirtækin fjögur samþykkt til þátt-
töku í alútboðinu. Hann sagði stefnt
að því að senda gögn málsins út 25.
þessa mánaðar og að tilboðin yrðu
opnuð í kringum 10. júlí nk. Vinna
við deiliskipulag Þórssvæðisins er í
gangi og sagði Magnús að menn
vildu sjá að búið yrði að kynna það
áður. Samkvæmt fyrirliggjandi hug-
myndum skal framkvæmdum að
fullu lokið í ágúst árið 2003.
„Auðvitað gæti það gerst að fram-
kvæmdum yrði lokið fyrr, t.d. á
næsta ári, ef stór verktaki vildi
vinna verkið á þeim nótum. Greiðsl-
urnar eru hins vegar miðaðar við
verklok árið 2003.“
Erum að byggja
fyrir framtíðina
Magnús sagði ekki liggja fyrir
endanlega hvernig fjölnota hús
verður byggt en unnið væri að því
að móta þær gæðakröfur sem gerð-
ar yrðu til byggingar í alútboði og í
því sambandi leituðu menn hug-
mynda hjá þeim sem væru í sömu
hugleiðingum.
Hann sagði að í húsinu yrði reynt
að hafa aðstöðu fyrir frjálsíþrótta-
fólk en að hins vegar lægi ekki end-
anlega fyrir hver stærðin yrði. „Við
erum að byggja fyrir framtíðina og
því mikilvægt að við reynum að láta
fara saman sem lægstan kostnað í
rekstri og stofnkostnaði en jafn-
framt að horfa til þess að við erum
byggja hús sem uppfyllir þær kröfur
sem gerðar eru til slíkra húsa,“
sagði Magnús.
Fjögur fyrirtæki
vilja byggja
fjölnota hús
KIRKJULISTAVIKA verður sett í
Akureyrarkirkju á morgun,
sunnudag. Þetta er í sjöunda sinn
sem Akureyrarkirkja og Listvina-
félag Akureyrar standa að og fá
til liðs við sig listafólk úr ýmsum
áttum. Helstu markmið Kirkju-
listaviku hafa frá upphafi verið að
efla samvinnu og tengsl listafólks
við kirkjuna og gefa Akureyr-
ingum kost á að njóta góðra lista í
kirkjunni.
Tvær myndlistarsýningar
opnaðar
Við setninguna á morgun verð-
ur frumfluttur messusöngleik-
urinn „Leiðin til lífsins“ eftir sr.
Svavar A. Jónsson og Daníel Þor-
steinsson. Valgeir Skagfjörð ann-
ast leikstjórn. Í söngleiknum er
sýnt fram á tengsl mannlegrar
hegðunar í hinu daglega lífi við
atferli prests og safnaðar í guðs-
þjónustunni. Þar er reynt að ljúka
upp merkingu hinna ýmsu liða í
messu kirkjunnar og skírskota til
atferlis mannsins, án þess að gera
lítið úr dýpri merkingu mess-
unnar.
Tvær myndlistarsýningar verða
opnaðar í Safnaðarheimili Ak-
ureyrarkirkju eftir messusöng-
leikinn. Leifur Breiðfjörð nefnir
sýningu sína „Opinberun“ en
hann sýnir glerlistaverk, past-
elmyndir og vinnuteikningar.
Átta leirlistakonur opna einnig
sýningu sem þær nefna „Kaleikar
og kirkjugólf“ í kapellunni en þær
hinar sömu gerðu kaleika fyrir
Kristnitökuhátíð á Þingvöllum
síðasta sumar. Við opnunina flytja
Leifur Breiðfjörð og Margrét
Jónsdóttir stutt ávörp.
Dagskráin verður fjölbreytt
alla vikuna, en Kirkjulistaviku
lýkur sunnudaginn 13. maí. Þá
verður hátíðarguðsþjónusta þar
sem herra Karl Sigurbjörnsson
biskup predikar og síðar þann
dag verða hátíðartónleikar með
Sinfóníuhljómsveit Norðurlands,
Kór Akureyrarkirkju, Kór Gler-
árkirkju, Samkór Svarfdæla og
Karlakór Akureyrar – Geysi.
Kirkjulistavika sett í Akureyrarkirkju í sjöunda sinn annað kvöld
Messu-
söngleikur
frumfluttur
og sýning-
ar opnaðar
Morgunblaðið/Kristján
Leikendur í Leiðin til lífsins skoða búninga. F.v. Vilhjálmur Bergmann Bragason, Þórný Linda Haraldsdóttir,
Bergþóra Benediktsdóttir, Eyrún Unnarsdóttir, Hólmfríður Helga Sigurðardóttir og Björg Baldvinsdóttir.
ÍSLENSKIR búningar í eigu Minja-
safnsins á Akureyri verða til sýnis
þar sunnudaginn 6. maí Sýndir verða
búningar úr eigu safnsins og bún-
ingahlutar.
Hagar konur sýna handverk svo
sem knipl, baldýringu og spjaldvefn-
að. Þar gefst því kostur á að sjá fal-
lega búninga og hvernig þeir verða
til.
Opið er milli kl. 14 og 16. Aðgangs-
eyrir er 300 kr. en ókeypis fyrir börn
og ellilífeyrisþega. Gestir sem mæta
klæddir þjóðbúningum, hverrar
þjóðar sem er, þurfa ekki að greiða
aðgangseyri.
Með búningadegi lýkur vetrar-
dagskrá Minjasafnsins en þar hefur
verið bryddað upp á tilbreytingu af
ýmsu tagi fyrsta sunnudag í hverjum
mánuði.
Safnið er opið á sunnudögum í maí
milli klukkan 14 og 16 og á öðrum
tímum eftir samkomulagi. Frá og
með fyrsta júní er safnið opið dag-
lega og sumardagskrá hefst að þessu
sinni með söngvöku í Minjasafns-
kirkjunni hinn 28. maí.
Minjasafnið á Akureyri
Búninga-
dagur
HIÐ árlega Hængsmót, opið íþrótta-
mót fyrir fatlaða hófst í Íþróttahöll-
inni á Akureyri í gær með einstak-
lingskeppni í boccia.
Mótinu verður fram haldið í dag
laugardag en þá verður keppt í ein-
staklings- og sveitakeppni í boccía,
borðtennis, bogfimi og lyftingum.
Það er Lionsklúbburinn Hængur
sem stendur að mótinu og er þetta
jafnframt stærsta og skemmtileg-
asta verkefni klúbbfélaga á hverju
starfsári. Mótið að þessu sinni er það
19. í röðinni og jafnframt það fjöl-
mennasta frá upphafi. Keppendur
eru um 250 talsins og koma frá 15
félögum víðs vegar af landinu.
Keppni hefst kl. 9 árdegis í dag og
stendur fram eftir degi. Verðlauna-
afhending fer fram á lokahófi móts-
ins í Íþróttahöllinni í kvöld.
Metþátttaka
í Hængsmóti
Fatlaðir íþrótta-
menn keppa
á Akureyri
Hljómsveitakeppni verður haldin í
Kompaníinu á morgun, laugardag-
inn 5. maí, og hefst hún kl. 20:00.
Húsið verður opnað kl. 19:00
Eftirtaldar hljómsveitir taka þátt:
Do What Thy Wilt Shall Be the
Whole Of the Law, Fay Slash
Bunny, Korridor Zion’s, Moðreykur
og Prozac.
Nánari upplýsingar eru á heima-
síðu keppninnar:
http://notendur.centrum.is/~rofi/
Hljómsveita-
keppni
í Kompaníinu
♦ ♦ ♦
♦ ♦ ♦
SÉRA Magnús G. Gunnarsson,
sóknarprestur í Dalvíkurbyggð,
grillaði ásamt tilvonandi ferming-
arbörnum þegar síðasti sunnudaga-
skóli vetrarins var en hann var sam-
eiginlegur með börnum frá
Ólafsfirði og Dalvíkurbyggð. Mikil
aðsókn var og fengu foreldrar sér
kaffi í safnaðarheimilinu á meðan
börnin gæddu sér á pylsum og djúsi.
Morgunblaðið/Helgi Jónsson
Séra Magnús Gunnarsson, sóknarprestur í Dalvíkurbyggð, við grillið
ásamt nokkrum væntanlegum fermingarbörnum.
Fermingarbörn grilla