Morgunblaðið - 05.05.2001, Blaðsíða 22
SUÐURNES
22 LAUGARDAGUR 5. MAÍ 2001 MORGUNBLAÐIÐ
REYKJANESBÆR hefur eignast
safn bátalíkana sem Grímur Karls-
son í Njarðvík, fyrrverandi skip-
stjóri, hefur gert. Safninu verður
komið upp í Duus-húsunum og opn-
að í haust.
Grímur Karlsson hefur lengi
smíðað bátalíkön og hefur sýnt
nokkrum sinnum við góðar und-
irtektir.
Alþingi veitti nokkrum fjár-
munum á síðasta ári til Áhuga-
mannafélags um safnið til að koma
safninu í sýningarhæft stand. Fól
félagið síðan Reykjanesbæ vörslu
þess.
„Mig langaði til að bátarnir kæm-
ust fyrir almenningssjónir og á var-
anlegan stað. Árni Johnsen alþing-
ismaður sýndi málinu mikinn áhuga
þegar ég ræddi málið við hann enda
hefur hann alltaf lagt mikla rækt
við menningarsögu þjóðarinnar.
Málið komst strax á hreyfingu þeg-
ar hann fór að vinna í því. Það kom
í ljós að margir höfðu áhuga á að
varðveita það hér í Reykjanesbæ og
það varð niðurstaðan. Ég er af-
skaplega ánægður með það og
hvernig hlutirnir hafa þróast,“ seg-
ir Grímur.
Umgjörð um bátalíkönin
Að sögn Valgerðar Guðmunds-
dóttur, menningarfulltrúa Reykja-
nesbæjar, verður bátasafnið deild
innan Byggðasafns Suðurnesja,
staðsett í fiskvinnsluhúsunum sem
eru hluti af Duus-húsunum í Kefla-
vík.
Safnið verður að hennar sögn
fyrst og fremst umgjörð um báta-
líkönin sextíu sem segja á sinn hátt
sögu sjómennsku á Íslandi. Líkönin
eru af bátum sem smíðaðir voru frá
1860 og yngstu bátarnir eru enn
gerðir út. Einnig verða þar til sýnis
þeir munir Byggðasafnsins sem
tengjast sögu sjávarútvegs.
Grímur segist ekki hafa smíðað
bátalíkönin með það fyrir augum að
þau yrðu sett upp á safn. „Ég hafði
alltaf mikinn áhuga á bátasmíðinni
og hef gripið í hana annað slagið í
þrjátíu ár. Það varð til einn og einn
bátur og þeim fjölgaði smám sam-
an. Svo fór ég að leita upplýsinga
um bátana og sögu þeirra og við
það hefur margt komið í ljós. Sumir
þessarra báta voru alveg gleymdir.
Ég er búinn að skrifa eitthvað um
helming bátanna,“ segir Grímur.
Hann segir að bátarnir séu snar
þáttur í menningu þjóðarinnar og
sagan verði lifandi í annað sinn
þegar fólk sjái þá og heyri sögu
þeirra.
Bátarnir í geymslu
Sigurjón Jóhannsson leikmynda-
smiður hannar safnið. Smíðaðir
hafa verið sýningarkassar úr gleri
og bátunum komið fyrir í þeim.
Þeir eru hins vegar í geymslu og
verða þar þangað til húsnæðið
verður tilbúið til sýningarhalds.
Stefnt var að því að safnið verði
opnað á Ljósanótt, menningarnótt
Reykjanesbæjar, 1. september
næstkomandi. „Ég veit að safnið
verður til ánægju fyrir íbúa byggð-
arlagsins og þá sem eiga hér leið
um,“ segir Grímur.
Bátasafn Gríms Karlssonar verður sett upp í Duus-húsunum
Það varð til einn
og einn bátur
Morgunblaðið/Helgi Bjarnason
Grímur Karlsson, ánægður með að bátasafn hans fær fastan samastað.
Morgunblaðið/Jim Smart
Bátalíkönin eru í geymslu.
Reykjanesbær
UMFERÐARÓHÖPPUM sem hafa
haft í för með sér mikil meiðsli hefur
fjölgað verulega á Reykjanesbraut
eftir að hún var lýst upp. Slík slys
eru nú þrefalt fleiri en fyrr en önnur
óhöpp eru svipuð.
Reykjanesbraut milli Hafnar-
fjarðar og Keflavíkur var lýst árið
1996. Auður Þóra Árnadóttir, starfs-
maður Vegagerðarinnar, hefur borið
saman fjölda umferðaróhappa fyrir
og eftir þessa aðgerð og birtir í
Framkvæmdafréttum. Eins og sést
á niðurstöðunum sem hér eru birtar
í töflu, urðu samtals 123 umferð-
aróhöpp á árunum 1993 til 1995 en
132 óhöpp á árunum 1997 til 1999.
Dauðaslys urðu engin á þessum
tímabilum. Óhöpp þar sem eingöngu
var um að ræða munatjón eða lítil
meiðsli voru svipuð mörg á milli ára.
Hins vegar fjölgaði óhöppum þar
sem mikil meiðsli urðu úr 6 í 18.
Auður Þóra vekur á því athygli að
taka þurfi tillit til þess við þennan
samanburð að umferð um Reykja-
nesbraut hafi aukist á milli saman-
burðartímabilanna, það er að segja
úr 5.240 bílum á sólarhring að með-
altali í 6.360 bíla. Þá vekur hún at-
hygli á því að þjónusta á veginum,
einkum vetrarþjónusta eins og snjó-
mokstur, hafi verið stóraukin árið
1995 og ætti sú aðgerð ein og sér að
hafa talsverð áhrif á umferðarör-
yggi. „Sú niðurstaða athugunarinnar
sem kemur mest á óvart og vekur
ugg er þó tvímælalaust sú staðreynd
að óhöpp með miklum meiðslum á
fólki eru umtalsvert fleiri á síðara
athugunartímabili,“ segir í grein
hennar.
Nítján stauraóhöpp
Á árunum 1997 til 1999 urðu alls
nítján óhöpp þar sem ekið var á
ljósastaur á Reykjanesbrautinni.
Meiðsli urðu á fólki í tíu tilvika, þar
af mikil meiðsli í tveimur slysanna.
Auður Þóra segir að ómögulegt sé
að segja til um hvort óhöpp hefðu
orðið í þessum tilvikum ef lýsing
hefði ekki verið komin. Hugsanlegt
sé að einhver þeirra hefðu orðið
venjuleg útafakstursóhöpp.
Alvarlegum slysum hef-
ur fjölgað eftir lýsingu
Reykjanesbraut
&
' ))
)
!*
*
)
+
!
,
%
+
)
*
2335;2334
2338;2333
< -
'
. / 0
'/
'
1
UNNIÐ hefur verið að lagningu frá-
rennslis og hitaveitu að nýju bygg-
ingahverfi sem stendur sunnan
Nýjalands í Garði.
Byggingarframkvæmdir hófust á
svæðinu í vetur, nánar tiltekið við
götuna Kríuland, og eru tvö parhús
orðin fokheld en þau eiga að vera
tilbúin til íbúðar nú í ágústmánuði.
Þá er hafinn undirbúningur að bygg-
ingu þriggja parhúsa sem áætlað er
að skila fullfrágengnum á vordögum
á næsta ári en það er Húsnæðis-
félagið Búmenn hsf. sem standa fyrir
þessum byggingum.
Búmenn láta mikið að sér kveða á
Suðurnesjum nú um stundir. Þeir
eru að byggja 8 íbúðir í Sandgerði og
eru komnir í startholurnar í Vogun-
um og Grindavík og í Keflavík munu
þeirra mál vera í athugun hjá bæj-
aryfirvöldum.
Lokið við fjölbýlishús
Annars er það helzt að frétta af
byggingarmálum í Garðinum að
Hjalti Guðmundsson hefir hafið
byggingu á fjölbýlishúsi og nokkur
einbýlishús eru komin af teikniborð-
inu og verður hafin bygging á þeim í
sumar. Þar hefir mikil breyting orðið
á því stöðnun hefir verið í bygginga-
framkvæmdum í bænum undanfar-
inn áratug.
Búast má við því að íbúum í Garð-
inum fjölgi nokkuð í kjölfar þessara
miklu byggingaframkvæmda ekki
sízt fyrir það að þeir sem eru að
kaupa af Búmönnum eru flestir
Garðmenn sem í dag búa í stórum
einbýlishúsum sem nýtast munu
stórum fjölskyldum.
Morgunblaðið/Arnór
Starfsmenn hitaveitu leggja lagnir í nýtt hverfi við Nýjaland í Garði.
Nýtt hverfi tengt
veitukerfum
Garður
BÆJARYFIRVÖLD í Reykja-
nesbæ hafa ekki tekið afstöðu
til tilboðs starfsmanna SBK í
hlutabréf bæjarins í fyrirtæk-
inu. Bæjarstjóri hyggst greina
frá mati á tilboðinu á næsta
bæjarráðsfundi.
SBK hf. er fólksflutningafyr-
irtæki sem annast almennings-
samgöngur í bæjarfélaginu,
sérleyfisakstur til Reykjavíkur
og aðra almenna fólksflutninga.
Það er auk þess orðið hluthafi í
Hvalstöðinni sem rekur hvala-
skoðunarbát og í bílaleigu.
Reykjanesbær á 60% hlutafjár
og Kynnisferðir eiga einnig
stóran hlut í því.
Bæjarstjórn Reykjanesbæj-
ar ákvað á síðasta ári að selja
hlutabréf sín í fyrirtækinu. Ell-
ert Eiríksson bæjarstjóri segir
að það sé stefna bæjarfélagsins
að eiga ekki hlut í fyrirtækjum
sem eru á samkeppnismarkaði
og alls ekki meirihluta eins og í
SBK.
Áður en hlutabréfin voru
auglýst til sölu barst tilboð frá
starfsmönnum og hefur það
verið til umfjöllunar hjá bæjar-
yfirvöldum.
Tilboð frá
starfsfólki
SBK metið
Reykjanesbær
BYGGÐASAFN Suðurnesja fékk
nýlega gjöf frá Björgu H. Guð-
jónsdóttur Matthews til minning-
ar um foreldra hennar, M. Guðjón
Guðjónssonar rakara og konu
hans, K. Huldu Petersen, og
seinni mann hennar, Trygve For-
berg.
Björg gaf 3.000 Bandaríkjadali
og verða þeir notaðir til að greiða
fyrir endurbyggingu á bátaspili úr
harðviði en það stóð upp af
Stokkavör í Keflavík og er í safna-
húsinu við Duusgötu.
Á síðasta bæjarráðsfundi í
Reykjanesbæ var sérstaklega
þakkað fyrir þessa höfðinglegu
gjöf.
Gjöf notuð til að gera
upp gamalt bátaspil
Reykjanesbær
HREPPSNEFND Gerðahrepps
auglýsir um helgina útboð á stækkun
Gerðaskóla. Verkinu á að vera lokið í
júlí 2002.
Að sögn Sigurðar Jónssonar sveit-
arstjóra vantar fjórar skólastofur til
þess að hægt sé að uppfylla ákvæði
laga um einsetningu grunnskólans.
Þessar fjórar stofur verða steyptar
upp í sumar auk samkomusalar
þannig að hægt verði að halda áfram
vinnu næsta vetur og ljúka skólastof-
unum í júlí 2002. Ekki hefur verið
ákveðið hvenær samkomusalnum
verður lokið.
Áætlað er að heildarkostnaður við
framkvæmdirnar verði yfir 100
milljónir kr.
Liðlega 220 nemendur eru í
Gerðaskóla.
Stækkun
Gerðaskóla
boðin út
Garður
MYND mánaðarins í Reykjanesbæ
hefur verið afhjúpuð í Kjarna,
Hafnargötu 57 í Keflavík. Lista-
verkið heitir Vatnsnes og er eftir
Ástu Árnadóttur.
Mynd maímánaðar er sjöunda
verkið í kynningarátaki Markaðs-
og atvinnumálaskrifstofu Reykja-
nesbæjar á myndlistarmönnum
bæjarins.
Ásta Árnadóttir stundaði nám við
Handíða- og myndlistarskólann
1942-43 og sótti námskeið Baðstof-
unnar í Keflavík í mörg ár. Fyrstu
einkasýningu sína hélt Ásta árið
1987 og hefur síðan þá sýnt víða,
bæði ein og með öðrum, m.a. á Akv-
arell 2000 í Hafnarborg.
Verk eftir Ástu má sjá víða m.a. á
Listasafni Reykjanesbæjar, Heil-
brigðisstofnun Suðurnesja og
Bókasafni Grindavíkur.
Morgunblaðið/Hilmar B. Bárðarson
Ásta Árnadóttir við verk sitt, Vatnsnes.
Listaverk maímánaðar
Reykjanesbær