Morgunblaðið - 05.05.2001, Blaðsíða 68
FÓLK Í FRÉTTUM
68 LAUGARDAGUR 5. MAÍ 2001 MORGUNBLAÐIÐ
Þ EIR eru líklegast fáir semfá söngvarann ArtGarfunkel upp í hugann
þegar þeir heyra Stefán Hilmars-
son syngja af öllum lífs og Sál-
arkröftum. Þeir félagar eiga þó ef
til vill meira sameiginlegt en
marga grunar. Báðir eru þeir
söngvarar af guðs náð sem hafa
tekið að sér það hlutverk að syngja
lög Paul Simons. Eyjólfur Krist-
jánsson og Stefán hafa lengi verið
með lög þeirra Simon & Garfunkel
á tónleikadagskrá sinni og í kvöld
ætla þeir ásamt 12 manna hljóm-
sveit að vera með tvenna stórtón-
leika í Borgarleikhúsinu.
Fær Stefán sér permanet?
En ef Stefán verður íslenskur
holdgervingur Garfunkels í kvöld,
verður þá Eyjólfur í hlutverki Paul
Simons?
„Ég er náttúrulega sjálfgefinn
Simon þar sem að ég er með kassa-
gítarinn eins og hann var,“ svarar
Eyjólfur. „Á meðan Simon og
Garfunkel unnu saman var Sim-
on aðallega í millirödd og svo-
leiðis. Garfunkel var náttúru-
lega með sína frábæru rödd og
því aðalsöngvari í því verkefni.“
Sem sagt, tvíeykið smell-
passar í hlutverkin, a.m.k. tón-
listarlega. Sjónrænt eru þeir
kannski ekki það langt frá því
heldur, nema hvað hárið á honum
Stefáni er nú eitthvað sléttara en á
honum Garfunkel.
„Aðeins, það er spurning hvort
hann setji í sig permanent fyrir
kvöldið. Þá kannski hljómar þetta
enn betur,“ segir Guðrún Gunn-
arsdóttir söngkona en hún sér um
bakraddir í kvöld ásamt Berglindi
Björk Jónasdóttur.
Morgunpopp
Þetta er ekki í fyrsta skiptið sem
Stefán og Eyjólfur safna saman
hljóðfæraleikurunum tólf fyrir tón-
leika að þessu tagi. Því fyrir tveim-
ur árum héldu þeir svipaða tón-
leika á Hótel Borg.
Eyjólfur: „Síðan þá hefur fólk
verið að spyrja hvenær við ætlum
að gera þetta aftur. Það verk að ná
þessum tólf manns saman, sem
flestir eru meira eða minna at-
vinnutónlistarmenn. Það er...“
Guðrún: „Það sem er búið að
vera standa þessu fyrir þrifum er
að það hefur ekki náðst að hóa öll-
um saman.“
Eyjólfur: „...andskotanum erfið-
ara. Þetta var eini dagurinn sem
...“
Guðrún: „Sem gekk upp fyrir
alla. Það þurfti að fara í gegnum
ótrúlega miklar dagsetningar þar
til að þessi varð fyrir valinu.“
Eyjólfur: „Við
erum búin að vera
að æfa á fullu í hálf-
an mánuð, næstum
því upp á hvern ein-
asta dag.“
Guðrún: „Alla
morgna, við vöknum
eldsnemma og byrj-
um æfingar kl. 9.“
Bíddu við? Æfið þið
á morgnana?
Guðrún: „Já.“
Það er nú lítið rokk í
því.
Eyj- ólfur: „Já, ég veit
(hlær). Það er ekkert rokk í því
(hlær) en það skilar sér.“
Hvernig er það þegar þið byrjið
morgnana á því að poppa, verður
dagurinn betri fyrir vikið?
Guðrún: „Miklu betri, maður er
syngjandi allan daginn. Komin í
gott stuð og gæti jafnvel haldið
tónleika á hverjum degi klukkan
hálftvö.“
Hér hringir síminn hans Eyjólfs,
og viti menn, hringitónninn hans
er upphafsstefið á Eurovision-lag-
inu „Nína“ sem hann og Stefán
sungu svo eftirminnilega hér um
árið. Þetta er eitt af þessum stefj-
um sem ómögulegt er að kippa út
úr hausnum það sem eftir er dags-
ins ef það nær að lauma sér inn um
eyrun. Eyjólfur lætur þann sem
hringdi kurteislega vita að hann sé
upptekinn og spjallið heldur
áfram.
Ekki bara Simon
og Garfunkel
Lög Simon & Garfunkel voru öll
eftir Paul Simon, ætlið þið einung-
is að taka lög sem þeir sungu sam-
an?
Eyjólfur: „Ég myndi segja að
hlutfallið væri jafnt á milli Simon
& Garfunkel-laga og nýrri laga
Simons.“
Guðrún: „Það er svo gaman að
þessari breidd, þetta eru líka nýrri
lög, eins og af Rythm of the Saints
plötunni og Graceland. Ég hef
meira gaman af þeim lögum en
lögum Simons & Garfunkel. Við er-
um að reyna að vera svolítið afrísk
(hlær).“
Eyjólfur: „Þetta er náttúrulega
mikil áskorun að taka þessi lög.
Þetta eru ótrúlegir hljómagangar
og taktar. Við gætum ekkert gert
þetta nema með allan þennan
mannskap. Við erum með þrjá
blástursleikara, slagverksleikara,
trommara og Gumma P. á raf-
magnsgítar. Þetta er topplið.“
Var erfitt að velja á milli laga?
Eyjólfur og Guðrún: „Jú, jú.“
Eyjólfur: „Og líka bara að kom-
ast að því hvað hentar okkur. Stef-
án er með svo háa rödd.“
Guðrún: „Við höfum þurft að
hækka öll lögin (hlær). Hann er
svo ofur góður.“
Eyjólfur: „Og svo er ég yfirleitt
með yfirröddina þannig að þetta
reynir á mig líka (hlær). Það er
ekki ónýtt að syngja efri rödd ofan
á Stefán Hilmarsson (hlær).“
Eins og áður sagði verða tón-
leikarnir í kvöld tvennir. Þeir fyrri
hefjast kl. 20 en þeir síðari tveimur
og hálfum tíma síðar.
Eyjólfur Sim-
on og Stefán
Garfunkel
Þetta er fyrir þig, frú Robinson.
Birgir Örn Steinarsson spjallaði við
Eyjólf Kristjánsson og Guðrúnu Gunn-
arsdóttur um tónleika kvöldsins.
Simon og Garfunkel.
Tónleikar til heiðurs Simon & Garfunkel í Borgarleikhúsinu í kvöld
Kristjánsson og Hilmarsson.
biggi@mbl.is
UNDARLEGUR titill...hmm....
Jæja! áfram með smjörið. Kalk,
rokksveitin sem sleppur undan
flestum skilgreiningum, er nú
komin með sinn fyrsta disk. Fyr-
irrennari bandsins, Klamedía X,
gaf reyndar út plötuna Pilsner
fyrir kónginn árið 1999 en hún
var skipuð nær sömu meðlimum.
Eina breytingin er sú að Örlygur
Benediktsson hljómborðleikari yf-
irgaf sveitina meðan á upptökum
á nýju plötunni stóð en í hans
stað er kominn Guðni Bragason,
hljómborðs- og trompetleikari.
Keflavík
„Þetta eru lög sem hafa orðið
til á síðustu tveimur árum,“ segir
Bragi. „Við erum bara að reyna
að koma þessu frá okkur. Það er
reyndar svolítið síðan að platan
var tilbúin.“
Bragi tjáir mér að platan hafi
verið tekin upp í Keflavík af Guð-
mundi Kristni Jónssyni, upptöku-
manni þar í bæ.
Hann komust þau í kynni við
eftir að hafa sigrað í Rokkstokk-
keppninni, sem þar er haldin, ár-
ið 1998.
Platan er og gefin út af Geim-
steini, útgáfufyrirtæki Rúnars
Júlíussonar.
„Það þýðir auðvitað klukku-
tíma ferðalag, fram og til baka,
næstum upp á hvern einasta dag
í nokkra mánuði. En ef maður
hefur gaman af Reykjanesbraut-
inni þá er þetta á sig leggjandi.“
Hann gerir lítið úr áðurnefndri
nafnbreytingu sveitarinnar.
„Ja...Klamedían náttúrulega..Við
vorum ungir pönkarar þegar
okkur datt þetta í hug og þetta
var kannski full lengi nafnið á
okkur. En þetta bara gerðist. Við
urðum sammála um það að ef við
ætluðum að reyna ná eitthvað
áfram þyrftum við að heita að-
gengilegra nafni.“ Hann bætir
svo við hlæjandi. „En ekki spyrja
mig af hverju við heitum Kalk.
Það veit ég ekki.“
Það kemur upp úr krafsinu að
viss þróun hafi átt sér stað á milli
platnanna tveggja.
„Fyrsta platan var uppsafnað
efni; lagabútar og lög sem höfðu
verið að safnast upp í mörg ár,
löngu áður en hljómsveitin varð
til. Sú plata (Pilsner fyrir kóng-
inn) er með sundurlausari plötum
sem heimurinn hefur eignast
(kímir). Það
er svona
ögn meiri
heild-
arsvipur á
nýju plöt-
unni. Við er-
um líka ekki eins ofhlaðin en of-
hlaðin engu að síður. Við erum
ekki mikið naumhyggjufólk.
Þetta er líka öllu fágaðra núna.“
Kalk spilar um margt und-
arlega tónlist. Einhvers konar
melódískt kabarettrokk með sí-
gildum þungarokksáhrifum!?
Bragi reynir að útskýra þetta
fyrir mér.
„Þarna innanborðs eru gamlir
rokkhundar. Þráinn (gítar) hlust-
ar t.d. ekki mikið á Dusty Spring-
field (brosir). Jón Geir trommari
var svo í rokksveitinni Urmli frá
Ísafirði í gamla daga. Svo eru
svona millistig eins og ég sem er
svona alæta og kannski svolítið
poppaðri. Svo eru það Áslaug
(söngvari) og Snorri (bassaleik-
ari) sem eru kannski meira svona
mild. Áslaug hefur t.d. mikla un-
un af íslenskri tónlist, fyrr og síð-
ar.“ Bragi segir þetta því vera
voðalegan hafragraut og bætir
við. „En þetta eru sterkir, góðir
og hollir hafrar.“
Stuðmenn
Greinarhöfundur þykist heyra
áhrif frá hinni mætu sveit Stuð-
mönnum.
„Stuðmenn eru náttúrulega
pabbar okkar allra,“ svarar
Bragi. „Þráinn kann öll Stuð-
mannalögin. Og úr því þú minnist
á það þá erum við líka að leggja
áherslu á texta; reynum að hafa
þá vandaða og leggja svolítið í
þá. Það er auðvitað ekkert of al-
gengt (glottir).“
Það vekur athygli að síðasta
lagið er tökulag með þýsku
þungarokkssveitinni Helloween,
„Futureworld“.
„Þetta er eiginlega gamall
brandari,“ útskýrir Bragi. „Við
Jón Geir bjuggum á Ísafirði er
við vorum litlir. Þar var hlustað
alveg merkilega mikið á Hello-
ween. Svo hitti maður Norðlend-
ingana (Þráin og félaga), þeir
voru í aðeins harðari tónefnum
en engu að síður könnuðust þeir
við þetta. Þetta varð svo einhvers
konar þemalag sem tengdi okkur
saman er við vorum að byrja. Af
hverju þetta lag er kannski ekki
gott að segja. En þetta er vinsælt
og það er beðið um þetta.“
Svo mörg voru nú þau orð.
Tónleikarnir hefjast annars. kl.
20.30 í kvöld og það kostar ekki
eyri inn.
Einhver herra Budweiser á svo
víst að hafa misst eitthvað ofan í
skjóðu Kalk-meðlima og hægt
verður að kaupa diskinn þar á
sérstöku tilboðsverði ásamt bol-
um merktum sveitinni.
„Sterkir, góðir og hollir hafrar“
Hljómsveitin Kalk, áður Klamedía X,
hefur gefið út hljómdiskinn Tímaspurs-
mál og ætlar að fagna því með tónleikum
á Gauknum í kvöld. Arnar Eggert
Thoroddsen ræddi við Braga Valdimar
Skúlason gítarleikara vegna þessa.
Morgunblaðið/Ásdís
Hljómsveitin Kalk: Frá vinstri Jón Geir Jóhannsson, Bragi Valdimar
Skúlason, Áslaug Helga Hálfdánardóttir, Guðni Bragason, Þráinn Árni
Baldvinsson. Á myndina vantar Snorra Hergil Kristjánsson.
Kalk gefur út Tímaspursmál
arnart@mbl.is
Stuðmenn eru
náttúrulega
pabbar okkar
allra