Morgunblaðið - 12.05.2001, Blaðsíða 4
FRÉTTIR
4 LAUGARDAGUR 12. MAÍ 2001 MORGUNBLAÐIÐ
REYÐARÁL hf. skilaði í gær Skipu-
lagsstofnun skýrslu um mat á um-
hverfisáhrifum álvers í Reyðarfirði,
en Skipulagsstofnun féllst á tillögu
framkvæmdaaðila að matsáætlun í
ágúst sl. Skipulagsstofnun mun í
framhaldinu fara yfir skýrsluna og
meta hvort hún verði tekin gild og
hún þá auglýst til skoðunar og at-
hugasemda óskað.
Geir A. Gunnlaugsson, stjórnar-
formaður Reyðaráls hf., segir það
vera mat þeirra sem að framkvæmd-
um við álverið standa, að fram-
kvæmdir eigi að geta hafist með
hliðsjón af umhverfisþáttum.
Kostar yfir 100 milljónir
Umhverfismatið gangi út á að
meta hvort umhverfisáhrif fram-
kvæmdanna séu með þeim hætti að
þau samræmist þeim lögum og kröf-
um sem gerðar eru til slíkra verk-
smiðja.
„Og álverið á að geta lifað í sátt við
umhverfi sitt þarna, að okkar mati.
Það er síðan annarra að leggja end-
anlega dóm á það hvort þessi nið-
urstaða okkar er rétt,“ segir Geir.
Fjölmargar stofnanir komu að
gerð skýrslunnar um mat á um-
hverfisáhrifum og segir Geir að
kostnaður við gerð skýrslunnar hafi
numið á annað hundrað milljónum
króna.
Lítill áhugi í Noregi á fram-
kvæmdum við álverið
Reyðarál hf., Hydro Aluminium
og Landsvirkjum héldu í gær kynn-
ingarfund í Ósló til að kynna norsk-
um fjölmiðlum virkjunar- og álvers-
áform á Austurlandi, en fjölmiðlar
sýndu málinu lítinn áhuga og virðist
lítill áhugi á málinu í Noregi um
þessar mundir. Að sögn Geirs voru
einnig á fundinum fulltrúar norskra
náttúruverndarsamtaka ásamt Árna
Finnssyni, formanni Náttúruvernd-
arsamtaka Íslands, og á fundinum
voru málin rædd og skipst á skoð-
unum.
„Það er nú ljóst að norskir fjöl-
miðlar höfðu ekki mikinn áhuga á
þessu. Það kom einn fréttamaður
sem tók viðtöl við menn á undan, síð-
an var enginn fréttamaður á fund-
inum sjálfum. Eins og staðan er í
dag er þetta mál ekki mjög umdeilt í
Noregi,“ segir Geir.
Reyðarál skilar skýrslu um mat á umhverfisáhrifum
Getur verið í sátt
við umhverfið
SUMARBÚSTAÐUR við Brúnaveg
í sumarbústaðalandi Úthlíðar í Bisk-
upstungum eyðilagðist í bruna síð-
degis í gær. Eldurinn kviknaði út frá
gashitaofni eftir að eigandi skipti um
gaskút, samkvæmt upplýsingum
lögreglunnar á Selfossi. Engin slys
urðu á fólki. Sumarbústaðurinn var
alelda þegar slökkvilið Biskups-
tungna kom á staðinn um kl. 17 en
slökkvistarfi var lokið rúmri klukku-
stund síðar.
Sumarbú-
staður brann
í Úthlíð
SÁÁ hóf í gær árlega sölu samtak-
anna á SÁÁ-álfinum til fjáröflunar
fyrir samtökin. Einn af þeim fyrstu
til að kaupa álfinn var Jón Krist-
jánsson heilbrigðis- og trygginga-
málaráðherra. Díana Íris Guð-
björnsdóttir mætti í ráðuneytið í
gærmorgun og seldi ráðherranum
álfinn í tilefni þess að álfasalan var
að hefjast.
Heilbrigðisráðherra
kaupir álf af SÁÁ
Morgunblaðið/Jón Svavarsson
FLUGFÉLAG Íslands hækkar
verð á hærri fargjöldum félagsins í
innanlandsflugi um 5–6% frá og
með 15. maí en félagið hefur jafn-
framt ákveðið að lækka verð á
lægstu fargjöldunum sem í boði
eru um miðjan mánuðinn eða um
3%.
„Við erum með nokkrar tegund-
ir fargjalda. Lægstu fargjöldin
munu lækka við þessar breytingar
um nálægt 3%. Við gerum einnig
breytingar á skilmálum og minnk-
um bókunarfyrirvara á lægstu far-
gjöldunum úr 7 dögum í 3 daga.
Einnig munum við fella niður bók-
unarfyrirvara á fjölskyldufargjöld-
um, sem var fimm dagar.
Á móti þessum breytingum
munu önnur fargjöld hækka um
5-6%. Hins vegar mun verð til
námsmanna, elli- og örorkulífeyr-
isþega lækka töluvert mikið. Sem
dæmi má nefna að fargjald fyrir
þessa hópa aðra leiðina til Egils-
staða mun lækka um 800 krónur
frá því sem áður var,“ segir Árni
Gunnarsson, markaðsstjóri Flug-
félags Íslands.
Aðspurður segir Árni að ástæð-
ur fargjaldahækkana megi rekja
til hækkunar á eldsneytisverði og
gengislækkunar krónunnar, þar
sem félagið er með allan sinn
kostnað bundinn í dollurum.
Hækkar
sum far-
gjöld um
5–6%
Flugfélag Íslands
breytir fargjöldum
15. maí
JÓN Ásgeir Jóhannesson, forstjóri
Baugs, ætlar ekki að svara efnislega
athugasemdum Samkeppnisstofnun-
ar, sem birtust í Morgunblaðinu í gær
á gagnrýni Baugs og fleiri á skýrslu
stofnunarinnar um matvörumarkað-
inn. Að sögn Jóns Ásgeirs var í gær
óskað eftir fundi með forráðamönn-
um Samkeppnisstofnunar þar sem
Baugur ætlaði að leggja fram sín
gögn, gögnin sem ekki hefði verið
beðið um, eins og hann orðaði það. Að
loknum fundinum muni Baugur svara
athugasemdum stofnunarinnar.
Aðspurður um álit á þeirri aðferð
Samkeppnisstofnunar við mælingu á
hækkun smásöluverðs að notast við
neysluvísitölu sagði Jón Ásgeir að
heildarflokkur dagvöru væri undir
vísitölunni en ekki einstakar vöruteg-
undir. Af þeim sökum væri þessi að-
ferð hæpin. Hver tegund vigtaði mis-
mikið í heildarsölu matvöruversl-
unarinnar og skapaði mismikla fram-
legð.
„Við erum með gögn um bæði
heildsölu- og smásöluverð þannig að
myndin hlýtur að vera mjög skýr okk-
ar megin,“ sagði Jón Ásgeir.
Brýn þörf á vísitölu
heildsöluverðs
Þorsteinn Pálsson, forstjóri
Kaupáss, sagðist engar athugasemdir
gera við yfirlýsingu Samkeppnis-
stofnunar, enda hefði fyrirtækið ekki
haldið uppi gagnrýni á skýrsluna.
Varðandi aðferð Samkeppnisstofn-
unar við mælingu smásöluverðs sagði
Þorsteinn stofnunina varla hafa aðra
leið færa. Hann sagði brýnt mál að
koma á heildsöluvísitölu til að gera
markaðinn gagnsærri, líkt og smásal-
ar hefðu bent á, en þar sem hún væri
ekki til gæti Samkeppnisstofnun ekki
beitt annarri aðferð. Skýrslan sýndi
að slík vísitala væri nauðsynleg.
Talsmenn annarra verslanakeðja í
matvörunni, sem Morgunblaðið
ræddi við, vildu ekki tjá sig um at-
hugasemdir Samkeppnisstofnunar
þegar eftir því var leitað.
Baugur óskar eftir fundi
með Samkeppnisstofnun
ÍSJAÐARINN milli Íslands og
Grænlands var næst landi 45 sjómíl-
ur norður af Kögri en ísjaðarinn er
ívið nær landinu en í meðalári, sam-
kvæmt upplýsingum Þórs Jakobs-
sonar, verkefnisstjóra hafísrann-
sókna á Veðurstofu Íslands.
Landhelgisgæslan fór í ískönn-
unarflug á fimmtudaginn var og
samkvæmt því er ísjaðarinn vestur
og norður af landinu rétt fyrir suð-
austan miðlínu milli Íslands og
Grænlands. Ísjaðarinn var nokkuð
þéttur og samfelldur, en þéttleiki
íssins var 7/10 til 9/10 og lítið um
íshrafl á reki.
Þór Jakobsson sagði að ísjaðar-
inn hefði færst dálítið austur á bóg-
inn að undanförnu vegna óhag-
stæðra vindátta. Ísinn væri í meira
lagi en þó væri hann ekki mikið
meiri en í meðalári. Hætt væri við
að hann nálgaðist enn frekar á
næstu dögum vegna vestlægra og
norðlægra vindátta á svæðinu sem
spáð væri um helgina og í byrjun
næstu viku, en þó ekki þannig að
siglingaleiðum væri hætta búin.
Þór sagði að ísjaðarinn væri næst
landi 45 sjómílur norður af Kögri.
Ísjaðarinn
45 sjómíl-
ur norður
af Kögri
Morgunblaðið/Jón Páll Ásgeirsson
Ísjaðarinn milli Íslands og Grænlands séður úr flugvél Landhelgisgæsl-
unnar í ískönnunarflugi á fimmtudag.
FRÁ og með 1. júní nk. fær-
ist aðalfréttatími Stöðvar 2
fram um klukkustund og
verður á dagskrá alla daga
vikunnar klukkan 18.30. Í
fréttatilkynningu frá Íslenska
útvarpsfélaginu segir að með
breytingunni ætli fréttastofa
Stöðvar 2 og Bylgjunnar að
vera áfram í fararbroddi í
frétta- og dægurmálaumfjöll-
un á Íslandi.
„Ísland í dag verður áfram
á dagskrá klukkan 19 en þar
er lögð áhersla á mannlífið
frá öllum hliðum. Nokkrar
breytingar voru gerðar á Ís-
landi í dag fyrr á árinu. Sam-
hliða tilfærslu frétta skapast
aukin tækifæri og frá 1. júní
verður nú boðið upp á vand-
aða þætti og myndaflokka frá
klukkan 19.30.
Lífsstíll Íslendinga hefur
tekið miklum breytingum á
síðustu árum og fjölmiðill í
nútíma samfélagi þarf sífellt
að vera tilbúinn að mæta nýj-
um kröfum. Af þeirri ástæðu
mun aðalfréttatími Stöðvar 2
framvegis birtast sjónvarps-
áhorfendum klukkan 18.30,“
segir í fréttatilkynningu frá
stöðinni.
Á fréttastofu Stöðvar 2 og
Bylgjunnar starfa um fjörutíu
manns.
Fréttir
Stöðvar
2 færast
til klukk-
an 18.30
♦ ♦ ♦