Morgunblaðið - 12.05.2001, Blaðsíða 69

FÓLK Í FRÉTTUM
MORGUNBLAÐIÐ LAUGARDAGUR 12. MAÍ 2001 69
„MÉR gæti ekki verið meira sama,“
sagði framleiðandi bjargálnaþáttar-
ins Survivor, Mark Burnett, er upp
komst að atriði í þættinum hefðu
verið sviðsett en þátturinn gerir út á
það að sýna raunverulegt fólk í raun-
verulegum aðstæðum, ekki leiknum.
„Ég er enda að búa til frábært sjón-
varpsefni,“ bætti hann við.
Svikin liggja í því að áhættuleik-
arar voru fengnir til að leika nokkur
atriði sem tekin voru upp fyrir fyrstu
þáttaröðina sem tekin var upp á eyju
í Malasíu. Þar með hafið þið það.
Óraunverulegt raunveruleikasjón-
varp! Sniðugt ekki satt?
CBS
Atriði úr Survivor.
Svik í
Survivor
GENGI
GJALDMIÐLA mbl.is
Í DAG verður Mosfellsbær und-
irlagður af mikilli hátíð sem ber
nafnið Fló og fjör. Er það foreldra-
félagið Þrumur og eldingar sem
stendur fyrir þessum fjölskyldu-
degi sem haldinn er til styrktar
ungum knattspyrnumönnum í Aft-
ureldingu. Hátíðin fer fram við
íþróttahúsið á Varmá og hefst kl.
12.
Er þetta í fjórða sinn sem þessi
bæjarhátíð fer fram en vinsældir
þessa fjölskyldudags Mosfellinga er
sífellt að færast í aukana, að sögn
Karls Tómassonar, trommuleikara
Gildrunnar, sem mun leika á hátíð-
inni, en Karl situr einnig í stjórn
Aftureldingar.
Dagurinn hefst á flómarkaði þar
sem margt sniðugt verður á boð-
stólum en jafnframt munu fara
fram skemmtiatriði; Valdi koppa-
sali verður með hjólkoppasýningu,
lúðrasveit bæjarins mun leika og
einnig mun fara fram uppboð á list-
munum ýmiss konar. Sérstakur
gestur hátíðarinnar verður göngu-
garpurinn eini og sanni, Reynir
Pétur, en hann verður með sýningu
og sölu á kertum sem vistmenn Sól-
heima í Grímsnesi framleiða.
Um kvöldið verður svo árlegur
risadansleikur Gildrunnar og rauð-
hærða rokkarans Eiríks Hauks-
sonar, og mun hann standa frá kl.
23 til 3. Heiðursgestur verður eng-
inn annar en sjálfur Billy Start,
söngvaskáld, hljóðfærasmiður og
sjóari.
Fló og fjör
Gildran ásamt Eiríki Haukssyni.
Hátíð
í bæ
í Mosfellsbæ
ATVINNA
mbl.is