Morgunblaðið - 12.05.2001, Blaðsíða 20

VIÐSKIPTI
20 LAUGARDAGUR 12. MAÍ 2001 MORGUNBLAÐIÐ
HEILDARVELTA Baugs hf. fyrstu
fjóra mánuði ársins var 8,7 milljarð-
ar en veltan var 7,9 milljarðar sama
tímabil árið 2000. Veltuaukning er
því 10% milli ára og er hún svipuð
bæði í matvöru og á sérvörusviði. At-
hygli vekur hve velta í netverslun
eykst mikið á milli ára eða um 42%.
EBIDTA-afkoma félagsins er á
áætlun. Frá ársbyrjun hefur inn-
lendur rekstur félagsins verið fjár-
magnaður með íslenskum krónum
og gengistap því óverulegt. Þó
myndast eitthvert gengistap vegna
erlendra skulda við birgja.
Greitt með hlutabréfum
Baugur Holding, eignarhaldsfélag
Baugs, hefur eignast allt hlutafé í
Arcadia-Holding. Eins og greint hef-
ur verið frá keypti Baugur ásamt
Gaumi, Íslandsbanka-FBA, Kaup-
þingi og Gildingu í gegnum eignar-
haldsfélagið A-Holding, 20,1% hlut í
verslunarfyrirtækinu Arcadia. Að
sögn Jóns Ásgeirs Jóhannessonar,
forstjóra Baugs, kaupir Baugur nú
bréf annarra hluthafa A-Holding
miðað við gengisverð Arcadia, 1,91
pund og greiðir fyrir þann 87% hlut í
A-Holding með hlutabréfum í Baugi
að nafnverði 463 milljóna á genginu
12,6. „Bréf vegna þessara kaupa
verða með læsingartímabili til 15.
janúar 2002 og fram að þeim tíma
verður einungis heimilt að selja bréf-
in á erlendum mörkuðum, í innlendu
hlutafjárútboði og í magnsölu til eins
aðila.“
Jón segir að Baugur taki einnig yf-
ir lán A-holding upp á 3,3 milljarða
króna. Kaupverðið með eignarhlut
Baugs sé í kringum 10,3 milljarða ís-
lenskra króna en markaðsverðmæti
hlutarins sé um 14 milljarðar miðað
við gengi Arcadia á London Stock
Exchange á fimmtudag en það var
þá 2,69 pund á hlut.
Fjórir milljarðar í dulinni eign
Jón segir að Baugur Holding muni
færa bréf í bækur félagsins á kaup-
verði þannig að dulin eign félagsins
sé um fjórir milljarðar íslenskra
króna. „Baugur lítur á þessi kaup
sem lengri tíma fjárfestingu og mun
Arcadia verða hlutdeildarfélag
Baugs Holding. Við kaupin lækkar
viðskiptavild í Baugssamstæðunni
um 1,3 milljarða króna sem má rekja
til þess að hlutdeild Baugs Holding í
eigin fé Arcadia er hærra en kaup-
verð.“
Aðspurður segir Jón að afskriftir
Baugs vegna viðskiptavildar lækki
um 70 milljónir króna á ári. „Baugur
Holding er langstærsti einstaki hlut-
hafinn í Arcadia enArcadia er næst-
stærsti söluaðilinn á tískufatnaði í
Bretlandi. Félagið rekur 1.800 versl-
anir og 600 svokallaðar „store in
store“ verslanir og eru TopShop,
Burton, Evans, Miss Selfridge og
Dorothy Perkins á meðal þekktustu
vörumerkja félagsins.“
Jón segir að velta félagsins á síð-
asta ári hafi verið um 270 milljarðar
króna. Þá sé eiginfjárstaða félagsins
mjög sterk eða um 54 milljarðar
króna. „Markaðsaðilar í Bretlandi
gera ráð fyrir að félagið hagnist um
sex milljarða króna fyrir skatta á yf-
irstandandi rekstrarári sem lýkur
30. ágúst 2001. Með þessari fjárfest-
ingu skapast tækifæri á enn nánara
samstarfi við Arcadia en Baugur er
þegar sérleyfishafi fyrir Arcadia
vörumerkin á Norðurlöndum.
Stjórnendur Baugs og Arcadia hafa
þegar átt fundi og rætt frekara sam-
starf um opnun Arcadia-verslana á
nýjum markaðssvæðum fyrir utan
Bretlands.“
Sameining Bill’s og
Bonus Dollar Stores
Baugur hefur í samstarfi við
Kaupthing New York fest kaup á
eignum lágvöruverðskeðjunnar
Bill’s Dollar Stores í Bandaríkjun-
um. Jón segir að gert sé ráð fyrir að
velta fyrirtækisins verði tæpar 300
milljónir Bandaríkjadala, eða sem
nemur um 27 milljörðum króna á yf-
irstandandi rekstrarári. Keðjan rek-
ur 410 verslanir í 13 ríkjum í suð-
austurhluta Bandaríkjanna. Unnið
er að því að sameina Bill’s Dollars
Stores og Bonus Dollar Stores í eitt
félag en keðjurnar munu samt sem
áður vera reknar undir fyrri heitum.
Kaupverð keðjunnar var um 30 millj-
ónir dala en alls mun fjárfesting
Baugs og annarra fjárfesta nema um
60 milljónum dala. Þar er bæði um
íslenska og erlenda fjárfesta að ræða
en Baugur mun eiga meirihluta í
félaginu. Jón segir að sameinað fyr-
irtæki verði fimmta stærsta lágvöru-
verðskeðjan í Bandaríkjunum.
Skráningu á Nasdaq frestað
„Í áætlunum okkar er gert ráð
fyrir að árið 2002 verði sameiginleg
velta keðjanna tveggja um 360 millj-
ónir dollara og 420 milljónir dollara
árið 2003. Vegna kaupa á Bill’s Doll-
ar Stores hefur verið ákveðið að
fresta skráningu Bonus Dollar Stor-
es á Nasdaq Small Caps en fyrirhug-
að var að skrá fyrirtækið nú í apríl.
Var undirbúningur á lokastigi og út-
boðslýsing hafði hlotið samþykki
Verðbréfaeftirlits Bandaríkjanna.
Stefnt er að því að skrá hið samein-
aða fyrirtæki á bandarískum hluta-
bréfamarkaði á næstu 18–24 mánuð-
um.
Ljóst er að þessar fjárfestingar
munu hafa veruleg áhrif á rekstrar-
og efnahagsreikning Baugs. Rekstr-
arreikningur Bills Dollar Stores
verður hluti af samstæðuuppgjöri
Baugs frá miðju ári en þá er gert ráð
fyrir að sameiningarferli Bills Dollar
Stores og Bonus Dollar Stores verði
lokið. Arcadia mun koma inn í hlut-
deild og 20% af hagnaði frá 1. maí
færist inn í rekstrarreikning Baugs.
Efnahagsreikningur Bills Dollar
Stores mun færast inn í efnhags-
reikning samstæðu Baugs. 20% hlut-
ur í Arcadia mun færast sem eign í
bækur félagsins og félagið mun færa
inn 20% hlutdeild í eigin fé á móti.
Áætlanir gera ráð fyrir að hagnaður
á hlut eftir skatt aukist út 48 aurum
árið 2000 í 70 aura árið 2001 eða um
45%.“
Aðspurður segir Jón að áætluð
niðurstaða efnahagsreiknings Baugs
verði um 28 milljarðar króna í lok
þessa árs og áætlað eigið fé félagsins
verði yfir 13 milljarðar króna en þá
sé ekki tekið tillit til duldra eigna í
bréfum Arcadia miðað við markaðs-
verð Arcadia nú.
Baugur eignast
20% hlut í Arcadia
NETVERSLUNIN Plaza.is var opn-
uð formlega nú í vikunni.
Plaza er samstarfsverkefni Tölvu-
miðstöðvar Sparisjóðanna, SPH,
S24, Samskipa og Opinnar miðlunar.
Þórarinn Þórhallsson, fram-
kvæmdastjóri Opinnar miðlunar,
segir að vefur Plaza hafi verið hann-
aður með það að markmiði að auð-
velt og skemmtilegt væri að flakka
um vefinn, kíkja í búðir og tína
vörur í körfuna. „Sameiginleg karfa
fyrir allar búðirnar gerir það að
verkum að hægt er að versla í mörg-
um búðum í einu, fá einn pakka
sendan heim, sem aftur þýðir eitt
sendingargjald. Að lokum er greitt
fyrir allar vörurnar með einni
greiðslu á þægilegan og öruggan
hátt.“
Þórarinn segir að í fyrsta skipti
geti stór og smá fyrirtæki fengið að-
gang að heildarlausn í netsölu á ein-
um stað. „Rafrænt verslunarkerfið
getur hýst hundruð eða þúsundir
verslana sem auðvelt er að uppfæra
og starfsfólk eða búðareigendur
geta sjálfir stýrt og uppfært að vild.
Verslunarhúsnæði getur jafnvel
reynst óþarft, því aðilar geta hýst
vörur sína á vöruhóteli, þaðan sem
vörum verður miðlað til neytenda.
Plaza.is skapar því tækifæri fyrir
litlar sem stórar verslanir og þjón-
ustufyrirtæki til að selja beint á
vefnum án þess að þurfa að setja
upp eigin netverslun með tilheyr-
andi kostnaði og fyrirhöfn.“
Hægt að greiða með bæði
debet- og kreditkorti
Aðspurður segir Þórarinn að á
Plaza sé hægt að staðgreiða vörur,
óháð því í hvaða banka við-
skiptavinur er og að sjálfsögðu sé
hægt að greiða með kreditkorti.
„Það sem gerir verslun á Plaza með-
al þess öruggasta sem þekkist í net-
viðskiptum er samspil greiðslu og
vörumeðhöndlunar. Þegar kaupandi
hefur sett þær vörur sem á að kaupa
í körfuna er farið í greiðslumiðlun
þar sem gengið er frá greiðslunni
með öruggum hætti. Hægt er að
velja um staðgreiðslu í netbanka eða
skuldfærslu á kreditkort. Tölvu-
miðstöð Sparisjóðanna sér um
greiðslumiðlunina og allar peninga-
færslur og persónuupplýsingar eru
meðhöndlaðar með sama öryggi og
um hraðbanka eða netbanka væri að
ræða. Allar viðkvæmar upplýsingar
eru þannig geymdar hjá TS og hefur
söluaðili engan aðgang þar að. Þeg-
ar greiðslan hefur verið innt af
hendi og lögð inn á biðreikning hjá
S24 er pöntunin send til vöruhótels
Samskipa sem sér um að safna vör-
unum saman og pakka þeim. Ef ein-
hverjar vörur skila sér ekki í söfn-
uninni bakfærir TS inn á reikning
kaupanda en greiðir að öðrum kosti
út til viðkomandi verslunar. Að lok-
um sér Íslandspóstur um heimsend-
ingu á vörum en sama sendingar-
gjald er fyrir allt landið.“
Þórarinn segir að fjölmargar búð-
ir hafi þegar opnað vefverslun á
Plaza og á næstu vikum og mán-
uðum mun mikill fjöldi verslana og
fyrirtækja opna vefsíðu á Plaza.is.
Morgunblaðið/Árni Sæberg
Ragnheiður Clausen verslar á Plaza. Hana aðstoðar Þórarinn Þórhallsson, framkvæmdastjóri Opinnar miðlunar.
Aukið öryggi viðskipta
í nýrri netverslun
STJÓRN Verðbréfaþings Íslands
hefur samþykkt að skrá hlutabréf Ís-
landssíma hf á Aðallista Verðbréfa-
þings. Áður en af skráningu getur
orðið þarf félagið að ljúka gerð skrán-
ingarlýsingar í samræmi við ákvæði
reglugerðar og reglur þingsins og
einnig þarf fyrirhuguðu útboði á
hlutabréfum félagsins að vera lokið,
að því er segir í tilkynningu á Verð-
bréfaþingi. Stjórnin hefur veitt und-
anþágu frá skilyrðum skráningar-
reglna um þriggja ára rekstrarsögu
og hefur framkvæmdastjóri þingsins
heimild til að ákveða skráningardag.
Íslandsbanki-FBA hf hefur umsjón
með útboði félagsins og skráningu á
Verðbréfaþing Íslands og í fréttatil-
kynningu segir að stefnt sé
að skráningu í fyrri hluta júní og
verður Íslandssími fyrsta fjarskipta-
fyrirtækið sem skráð er á hlutabréfa-
markað hérlendis.
Í tengslum við skráninguna mun
Íslandssími bjóða út hlutafé sem
nemur 115,7 milljónum króna að
nafnverði. Nýju hlutirnir jafngilda
24,5% hlutafjáraukningu. Sölutímabil
verður tvískipt og hefst 21. maí.
Á fyrra sölutímabilinu, sem stend-
ur frá 21. til 25. maí, mun hluthöfum
Íslandssíma verða boðið nýtt hlutafé
að nafnverði 55,7 milljónir króna í
réttu hlutfalli við hlutafjáreign þeirra
eins og hún var skráð í hlutaskrá
félagsins 7. maí sl.
Síðara sölutímabil mun standa yfir
frá 28. til 31. maí og verður þá hlutafé
að nafnverði 60 milljónir króna boðið
nýjum hluthöfum. Stofnana- og fag-
fjárfestum verður boðið hlutafé að
nafnverði 40 milljónir króna en 20
milljónir króna að nafnverði verða
settar í almenna áskriftarsölu.
Hlutafé Íslandssíma hf nemur
472.295.000 kr. fyrir útboð og verður
587.995.000 kr. að loknu útboði. Í
fréttatilkynningunni kemur fram að
nýir hlutir að nafnverði 84.300.000 kr.
voru þann 30. apríl síðastliðinn seldir
Landsbanka Íslands hf en söluand-
virðið gekk til greiðslu á hluta af
skammtímaláni sem Landsbankinn
veitti Íslandssíma í október síðast-
liðnum. Eftirstöðvum lánsins hefur
verið skuldbreytt í langtímalán.
Íslandssími hf.
skráður á Verð-
bréfaþing í júní
ELLEFU íslensk hátæknifyrirtæki
kynntu starfsemi sína á Savoy hót-
elinu í London á föstudag fyrir bresk-
um fjárfestum. Fjárfestingarþingið
var haldið á vegum Útflutningsráðs
og Nýsköpunarsjóðs með tilstuðlan
íslenska sendiráðsins í London. Þor-
steinn Pálsson sendiherra bauð menn
velkomna í upphafi. Ólafur Ragnar
Grímsson forseti ávarpaði þingið og
sat fyrir svörum í lok þess.
Í ávarpi sínu minnti Þorsteinn
Pálsson á að þó Ísland væri ekki aðili
að Evrópusambandinu væri Ísland
aðili að Evrópumarkaðnum með aðild
sinni að evrópska efnahagssvæðinu. Í
samtali við Morgunblaðið sagði Ólaf-
ur Ragnar að áhugavert væri að sjá
hve mikil breidd væri í íslenskri há-
tækni og hve góður árangur hefði
náðst á mörgum sviðum. Kynningin
nú væri glögg vísbending um að Ís-
lendingar væru þegar með annan fót-
inn í nýja hagkerfinu.
Það kom glöggt fram að flest fyr-
irtækin hugsa sér að flytja starfsem-
ina til útlanda að einhverju eða öllu
leyti. Í máli erlendra fjárfesta kom
fram að það væri óaðlaðandi að fjár-
festa í fyrirtæki, sem væri eingöngu
með starfsemi á Íslandi. Einnig komu
fram áhyggjur yfir gengisþróun á Ís-
landi undanfarnar vikur.
Fyrirtækin sem kynntu starfsemi
sína voru Dímon, Gagarín, GoPro
Landsteinar Group, handPoint, ICE-
consult, InOrbit Entermainment,
Landmat International, Lux Inflecta,
Net-Album.net, PatternVision og
Zoom.
Kynntu fjárfestum
starfsemi sína
London. Morgunblaðið.