Morgunblaðið - 12.05.2001, Blaðsíða 12

FRÉTTIR
12 LAUGARDAGUR 12. MAÍ 2001 MORGUNBLAÐIÐ
HREINN Loftsson, stjórnarfor-
maður Baugs, segir að sú fullyrðing
forráðamanna fyrirtækisins að
álagningin í verslunum Baugs hafi
ekki hækkað milli áranna 1998 og
1999 geti vel farið saman við það sem
fram kom í fréttatilkynningu fyrir-
tækisins fyrir nokkrum dögum að
álagning í verslunum Baugs hefði
hækkað milli áranna 1996 og 2000.
Í frétt í blaðinu sl. miðvikudag
voru rifjuð upp þau ummæli Hreins
og Jóns Ásgeirs Jóhannessonar, for-
stjóra Baugs, frá því í mars í fyrra,
að álagning matvörusviðs Baugs hafi
verið óbreytt á milli áranna 1998–
1999. Í yfirlýsingu stjórnar Baugs,
sem birtist í blaðinu sl. þriðjudag,
segir m.a. að „álagning í smásölu
kunni að hafa hækkað milli áranna
1996-2000“.
„Við höfum látið skoða þetta á nýj-
an leik. Niðurstaðan er sú að álagn-
ing í Hagkaup, Nýkaup og Bónus
stóð því sem næst í stað á milli ár-
anna 1998 og 1999. Verslanir 10-11
voru inni í rekstri Baugs árið 1999 en
ekki árið 1998 þar sem keðjan var þá
í eigu annarra aðila. Ef keðjan er
höfð með í útreikningum um meðal-
álagningu matvörusviðs hjá Baugi er
hún um 1% hærri 1999 en 1998. Þetta
er því óverulegur munur og þess
vegna stendur yfirlýsingin frá því
farið var af stað með „Viðnám gegn
verðbólgu“ óhögguð,“ segir Hreinn.
Hann bætir því við að ummæli sín
og Jóns Ásgeirs hafi í sjálfu sér ekk-
ert með átaksverkefnið að gera, það
lúti að því að matvöruverð í versl-
unum Baugs hækki ekki vegna auk-
innar álagningar Baugs þann tíma,
sem það stendur eða frá mars 2000
til mars 2002.
„Viðnámið nær til allrar matvöru
annarrar en afurða landbúnaðarins
þar sem verðlagning þeirra er með
öðrum hætti en almennt gerist og án
þess að Baugur geti haft áhrif þar á.
Sama gildir um gengisþróun. Sam-
kvæmt mælingum Hagstofunnar
hafa mjög litlar verðlagsbreytingar
átt sér stað í matvöru frá því í mars
2000, þegar átaksverkefnið var
kynnt, og fram í mars á þessu ári. Á
þessum tíma hækkaði mat- og
drykkjarvara um 1,1% á ársgrund-
velli á sama tíma og vísitala neyslu-
verðs hækkaði um 3,9%. Þrátt fyrir
verðhækkanir vegna óhagstæðrar
gengisþróunar, sem gert hafa smá-
sölunni erfitt fyrir, munu verslanir
Baugs að sjálfsögðu halda áfram
„Viðnámi gegn verðbólgu“ út þann
tíma, sem lofað hefur verið,“ segir
Hreinn ennfremur.
Áhrif af Viðnáminu
komu berlega í ljós
Þá segir Hreinn að starfsmenn
Samkeppnisstofnunar hljóti að geta
staðfest, að við vinnu skýrslunnar
um matvörumarkaðinn hafi áhrif af
Viðnáminu komið berlega í ljós, enda
séu þau greinileg í línuriti því frá
Hagstofunni sem birtist í skýrslu
stofnunarinnar.
„Framhjá þessu horfa á hinn bóg-
inn þeir sem af einhverjum ástæðum
vilja koma höggi á Baug enda henta
staðreyndir málsins engan veginn í
áróðursstríði þeirra. Staðreyndin er
sú að vegna „Viðnáms gegn verð-
bólgu“ er matarverð lægra en það
annars væri,“ segir Hreinn að end-
ingu.
Guðmundur Sigurðsson, forstöðu-
maður samkeppnissviðs Samkeppn-
isstofnunar, staðfesti það í samtali
við Morgunblaðið að hafa bent einum
starfsmanni Baugs á það í óformlegu
spjalli að vísitala dagvöru hefði náð
hámarki í maí 2000 og haldist lítt
breytt út árið.
„Það má eflaust vísa til viðnáms
Baugs gegn verðbólgu í þessu sam-
bandi þó að við höfum ekki gert það í
skýrslunni, enda töluverð óvissa um
orsakir í þessu sambandi,“ sagði
Guðmundur.
Stjórnarformaður Baugs segir ekki ósamræmi í yfirlýsingum fyrirtækisins
Álagning stóð því sem næst
í stað milli 1998 og 1999
JÓN Gestur Ófeigsson, næturvörður
á Hótel Sögu, tók á móti viðurkenn-
ingu frá hótelinu og VÍS í fyrradag
fyrir þá vasklegu framgöngu og
snarræði sem hann sýndi þegar hann
réð niðurlögum elds sem kviknaði á
hótelinu aðfaranótt 1. maí sl.
Afskipti hans af eldinum hófust er
brunaboð bárust frá Súlnasalnum og
varð hann fljótlega var við reyk sem
kom á móti honum. Hann lét kalla á
slökkvilið og fór síðan inn í salinn
þar sem eldurinn brann og með að-
stoð þjóna á vakt var eldurinn
slökktur. Að loknu slökkvistarfi Jóns
Gests og þjónanna komu lögregla og
slökkvilið á vettvang.
Ragnheiður Davíðsdóttir, for-
varnarfulltrúi VÍS, Pétur Már Jóns-
son, framkvæmdastjóri atvinnu-
trygginga VÍS, og Hrönn
Greipsdóttir, hótelstjóri Radisson
SAS Hótels Sögu, afhentu Jóni Gesti
viðurkenninguna, utanlandsferð að
eigin vali og hótelgistingu, auk eld-
varnarbúnaðar fyrir heimilið. Að-
spurður sagðist Jón Gestur afar
ánægður með viðurkenninguna og
það væri skemmtilegt að fá staðfest-
ingu á að hann hefði brugðist rétt
við.
Morgunblaðið/Jim Smart
Jón Gestur Ófeigsson var ánægður með viðurkenninguna.
Heiðraður
fyrir
afrek
HEILDARKOSTNAÐUR við
kristnihátíð á Þingvöllum 1. og 2. júlí í
fyrra nam rúmlega 341 milljón króna,
samkvæmt tilkynningu frá for-
sætisráðuneytinu. Stærsti kostnaðar-
liðurinn var tímbundnar framkvæmd-
ir, 170,7 milljónir króna, og rúm 41
milljón var greidd vegna listviðburða.
Þá kostaði löggæsla 21,5 milljónir og
31,9 milljónir fóru í kynningar og
auglýsingar, svo dæmi séu tekin.
Útgjöld vegna hátíðarinnar voru
innan heimilda fjárlaga. Af kostnaðin-
um greiddi Alþingi tæpar 24 milljónir
króna vegna kostnaðar við þingfund
og móttöku gesta, tæpar 35 milljónir
vegna varanlegra framkvæmda en
annar kostnaður, greiddur af fjár-
lagalið kristnihátíðarnefndar, nam
tæpum 283 milljónum.
Á hátíðinni komu fram eða störfuðu
við hana um 2.500 manns. Dagskrár-
atriði voru um 130 og var aðstaða til
dagskrárflutnings á sex stöðum á há-
tíðarsvæðinu.
Unnið er að lokaskýrslu kristni-
hátíðarnefndar og heildaruppgjöri á
kostnaði við starf á vegum nefndar-
innar, sem kynnt verður fjölmiðlum í
júní nk.
Kostnaður við kristnihátíð
nam um 341 milljón krónaHEILDARÚTGJÖLD Landspítala– háskólasjúkrahúss námu 19.909
milljónum kr. á síðasta ári en sér-
tekjur voru 1.076 millj. kr. Rekstr-
argjöld að frádregnum tekjum námu
því tæpum 19 milljörðum, að því er
fram kemur í ársskýrslu LSH fyrir
síðasta ár.
Höfuðstóll LSH, sem sýnir upp-
safnaðan rekstrarárangur gagnvart
fjárlögum og fjárheimildum var nei-
kvæður í lok síðasta árs um 393,7
milljónir kr. og hafði versnað um
53,4 millj. kr. frá árinu áður, sem er
rekstrarhalli ársins, skv. ársskýrsl-
unni.
Rekstrargjöld sjúkrahússins í
fyrra voru lítið eitt lægri en á árinu
þar á undan miðað við fast verðlag.
Laun ársins 2000 voru 2% lægri en
árið 1999 og námu um 13,5 milljörð-
um kr., en vörukaup, þjónusta og
annar kostnaður hækkuðu í heild um
3%. Kostnaður vegna eignakaupa,
viðhalds og stofnkostnaðar dróst
saman á seinasta ári samanborið við
árið á undan.
512 millj. kr. tekjur
vegna sérfræðiþjónustu
Tekjur spítalans vegna sérfræði-
þjónustu námu 512 milljónum kr. á
seinasta ári og er þar aðallega um að
ræða tekjur af seldum rannsóknum,
af komum á göngudeildir og slysa-
og bráðadeildir. Fram kemur í árs-
skýrslu LSH að önnur seld þjónusta,
sem inniheldur m.a. tekjur af sjúk-
lingum sem ekki eru sjúkratryggðir,
voru alls um 150 milljónir kr. á síð-
asta ári.
Heildarút-
gjöld 19,9
milljarðar
Landspítali –
háskólasjúkrahús
KIRKJURÁÐ ákvað á fundi sínum í
gær að fresta ráðningu rektors við
Skálholtsskóla og óska eftir nýrri og
jafnframt rökstuddri tillögu skóla-
ráðs um ráðstöfun starfs rektors við
skólann. Skólaráð hafði áður mælt
með ráðningu Guðmundar Einars-
sonar kennara í starf rektors en
kirkjuráði þykir sýnt að Guðmundur
uppfylli ekki öll skilyrði fyrir ráðn-
ingu. Þegar starfið var auglýst á sín-
um tíma var tekið fram að krafist
væri háskólaprófs og þekkingar og
reynslu í kirkjulegu starfi, en sam-
kvæmt gögnum þeim sem kirkjuráð
hefur í höndum uppfyllir Guðmundur
ekki það skilyrði að hafa háskólapróf.
Kirkjuráð hefur því sent skólaráði
Skálholtsskóla erindi og óskað eftir
nýrri og jafnframt rökstuddri tillögu
skólaráðs um ráðningu rektors og að
tillagan berist eigi síðar en 25. maí nk.
Biskup Íslands vék sæti í málinu og
tók vígslubiskupinn á Hólum, séra
Bolli Gústavsson, sæti forseta kirkju-
ráðs í hans stað.
Ráðningu
rektors
Skálholts-
skóla frestað
BRÖGÐ voru að því í nokkrum
hverfum Reykjavíkur í fyrrakvöld að
ungmenni gengu í hús og sögðust
vera að selja Álfinn fyrir foreldra-
samtökin Vímulausa æsku. Af þess-
um sökum hringdi síminn látlaust
hjá samtökunum í gær. Vímulaus
æska er hins vegar ekki að selja Álf-
inn heldur stendur SÁÁ eitt og sér
að sölu hans, sem hófst í gær og
stendur fram á sunnudag.
Álfurinn að þessu sinni er
skjannahvítur frá hvirfli til ilja með
rautt band um hattinn og heldur á
skilti sem á stendur „takk fyrir“.
Dæmi eru um að reynt hafi verið að
selja eldri gerðir af álfum en SÁÁ
hefur árlega selt Álfinn í mismun-
andi útgáfum síðastliðin tólf ár.
Vímulaus
æska ekki
að selja
SÁÁ-álfinn
RÉTT fyrir klukkan tvö í fyrrinótt
var brotist inn í veitingastaðinn
Nauthól í Nauthólsvík í Reykjavík.
Teknar voru 12–13 flöskur af áfengi,
viskíi og vodka, og 10 flöskur af bjór
en peningakassi látinn í friði.
Þyrstur
þjófur
♦ ♦ ♦
♦ ♦ ♦
♦ ♦ ♦
ÞRETTÁN fartölvum var stolið úr
verslun BT-tölva í Skeifunni
skömmu eftir miðnætti aðfaranótt
fimmtudags. Verðmæti þeirra er 3–4
milljónir króna.
Í tilkynningu frá lögreglunni í
Reykjavík kemur fram að vitað er
um tvær bifreiðir við verslunina á því
tímabili þegar brotist var inn í versl-
unina. Eigandi annarrar bifreiðar-
innar hefur gefið sig fram við lög-
reglu. Lögreglan vill einnig ræða við
eiganda hinnar bifreiðarinnar sem
þarna var á þessum tíma.
Þeir sem geta gefið upplýsingar
um mannaferðir og ferðir ökutækja
við verslunina eftir miðnætti sl.
fimmtudags eru einnig beðnir um að
hafa samband við lögregluna í
Reykjavík í síma 569 9020 eða 899
7819.
Lögreglan
leitar að eig-
anda bifreiðar
13 fartölvum
stolið frá BT
ELDUR kom upp í potti í íbúð á
fyrstu hæð í húsi við Brattholt í
Hafnarfirði á sjöunda tímanum í
gærkvöld. Slökkvilið höfuðborgar-
svæðisins var kallað út og náði fljót-
lega að slökkva eldinn sem var
minniháttar. Ekki urðu miklar
skemmdir á íbúðinni.
Talsvert af fólki dreif að til að
fylgjast með slökkviliðinu að störf-
um.
Eldur
í potti
Morgunblaðið/KristinnSlökkvilið náði fljótt að slökkva eldinn.