Morgunblaðið - 12.05.2001, Blaðsíða 21
VIÐSKIPTI
MORGUNBLAÐIÐ LAUGARDAGUR 12. MAÍ 2001 21
S
n
o
r
r
a
b
r
a
u
t Su›urlandsbraut
Miklabraut
K
r
in
g
lu
m
‡
r
a
r
b
r
a
u
t
L
a
n
g
a
h
lí
›
Heildsala: Bergís ehf.
KAUPÞING hf. skilaði 292 millj-
ónum króna í hagnað fyrir skatta
fyrstu þrjá mánuði ársins og 180
milljónum króna í hagnað eftir
skatta. Í tilkynningu frá Kaup-
þingi segir að þessi niðurstaða
verði að teljast vel viðunandi í ljósi
erfiðra aðstæðna á öllum helstu
fjármálamörkuðum á tímabilinu.
Einnig sé hún viðunandi í ljósi
þess að hlutabréf í veltubók Kaup-
þings hf. hafa lækkað verulega en
alls lækkaði Úrvalsvísitala VÞÍ um
10% á tímabilinu.
Erlendar starfsstöðvar skiluðu
í heild góðri afkomu
Undanfarin ár hefur Kaupþing
hf. lagt mikla áherslu á útrás, en
félagið rekur nú dótturfélög og
útibú í sex löndum utan Íslands,
þ.e. í Lúxemborg, New York,
Stokkhólmi, Kaupmannahöfn,
Lausanne og Þórshöfn í Færeyj-
um.
„Kaupþing hf. nýtur þess að er-
lendar starfstöðvar bankans skil-
uðu í heild góðri afkomu og kemur
verulegur hluti hagnaðar félagsins
nú frá erlendu starfsstöðvunum,“
segir í tilkynningunni.
Hreinar rekstrartekjur Kaup-
þings námu 1,1 milljarði króna
fyrstu þrjá mánuði ársins. Hagn-
aður fyrir skatta nam 292 millj-
ónum króna og 180 milljónum
króna eftir skatta. Eigið fé jókst
um 193 milljónir króna frá árs-
byrjun og nemur nú tæpum 5
milljörðum króna.
Eiginfjárhlutfall 11%
Eiginfjárhlutfall samstæðu
Kaupþings samkvæmt CAD-
reglum er nú 11,0%, en það má
lægst vera 8,0%. Niðurstaða efna-
hagsreiknings 31. mars 2001 var
86 milljarðar króna en í upphafi
árs var hún 63 milljarðar króna.
Fastráðnir starfsmenn samstæð-
unnar voru 254 í byrjun árs en
hafði fjölgað í 309 í lok mars. Af
þessum 309 starfsmönnum voru
215 á Íslandi.
Verulegur hluti
hagnaðarins frá
starfsemi erlendis
Hagnaður Kaupþings hf. 180 milljónir króna á fyrsta ársfjórðungiOpera-
vafrinn
þýddur á
íslensku
BÚIÐ er að þýða 5.11 útgáfu af
Opera-vafranum frá hugbúnaðarfyr-
irtækinu Opera Software yfir á ís-
lensku og geta netnotendur nú hlaðið
honum í tölvur sínar endurgjalds-
laust. Slóðin er www.opera.com.
Jóna Björk Sigurjónsdóttir, yfir-
maður þjónustudeildar hjá Opera
Software, þýddi vafrann yfir á ís-
lensku. Hún segir að hugmyndin að
þýðingu vafrans sé frá sér komin, hún
hafi aðallega unnið að þýðingu hans
utan vinnutíma og bendir á að nokkr-
ir hafi reynt að þýða hann á íslenska
tungu en gefist upp á verkinu. „Yf-
irmönnum mínum leist hins vegar vel
á þá hugmynd að þýða vafrann enda
er Jón Stephenson von Tetzchner,
annar af stofnendum Opera Soft-
ware, af íslenskum ættum. Þá er búið
að þýða Opera yfir á 20 tungumál,
hvort sem það er gert af hálfu unn-
enda Opera-vafrans eða á vegum fyr-
irtækisins.“
Verkið tók þrjá mánuði
Jóna Björk, sem lauk námi frá
Kennaraháskóla Íslands árið 1997 og
flutti þá til Noregs, segir að það hafi
tekið sig þrjá mánuði að þýða vafrann
og þegar hann var settur á heimasíðu
fyrirtækisins á mánudag var búið að
þýða hann allan fyrir utan hjálpina,
sem er enn á ensku. Jóna Björk segir
að það standi til að þýða hjálpina og
það geti farið svo að hún vinni að því í
sumar. Hún kveðst ekki vita hve
margir hafa hlaðið íslensku útgáfunni
af heimasíðu fyrirtækisins en segir að
það komi í ljós eftir helgi. Þegar hún
er spurð um hvers vegna hún hafi
tekið þá ákvörðun að þýða Opera-
vafrann yfir á íslensku segist hún
stolt af því að vinna fyrir Opera
Software og eins sé hún stolt af ís-
lenskri tungu og því hafi það legið
beinast við að þýða vafrann sjálf.
„Það er mikil áskorun að þýða vafr-
ann yfir á íslensku. Mörg orð er ekki
hægt að þýða beint úr ensku enda
geta ensk orð haft mismunandi merk-
ingu á íslenskri tungu og beyging
orða vafðist stundum fyrir mér. Ég
þurfti að leggja höfuðið í bleyti í
mörgum tilvikum og leita að orðum
sem hægt var að nota. Ég leitaði
fanga í tölvuorðabókinni og kynnti
mér það sem íslensk orðnefnd hefur
sent frá sér og skoðaði önnur forrit
sem búið er að þýða. Ég reyndi því að
nota þau orð sem eru stöðluð á ís-
lensku þó að mörgum finnist þau
stinga í stúf við enska merkingu.“
Jóna Björk er búin að starfa hjá
Opera Software í þrjú ár en hún er
einn af fjórum íslenskum starfsmönn-
um fyrirtækisins. Um 100 manns
starfa nú hjá Opera. Fyrirtækið sendi
frá sér fystu útgáfuna af Opera-vafr-
anum fyrir fimm árum. Fyrstu árin
var hann seldur á heimasíðu fyrir-
tækisins, en síðan var tekin ákvörðun
um að gera notendum kleift að ná sér
í vafrann á heimasíðu þess án endur-
gjalds. Þó er ennþá hægt að kaupa
Opera-vafrann til þess að losna við
auglýsingarnar þótt flestir notendur
kjósi að fá hann ókeypis. Talið er að
notendur Opera-vafrans séu nú um
tvær milljónir en á hverjum degi er
hlaðið 20 þúsund eintökum af vafr-
anum af heimasíðu fyrirtækisins.