Morgunblaðið - 12.05.2001, Blaðsíða 62

62 LAUGARDAGUR 12. MAÍ 2001 MORGUNBLAÐIÐ






 




  
 

   

 

 
BRÉF
TIL BLAÐSINS
Kringlunni 1 103 Reykjavík  Sími 569 1100  Símbréf 569 1329
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
EFTIR miðjan apríl og fram eftir
öllum maímánuði er uppskerutími
margra íslenskra kóra, þ.e.a.s.
fólki gefst kostur á að sækja tón-
leika og hlýða á söng kóranna og
komast að raun um hvort vetrar-
starfið hefur borið góðan ávöxt.
Einn þeirra kóra sem hér um
ræðir er Karlakór Rangæinga sem
brá undir sig betri fætinum og
sótti Reykjavík heim nýlega. Hélt
kórinn tónleika í Fella- og Hóla-
kirkju 5. maí sl. og þó kórinn hafi
víða komið fram bæði hérlendis og
erlendis á þeim 12 árum sem hann
hefur starfað, voru þetta fyrstu
sjálfstæðu tónleikar kórsins í höf-
uðborginni. Stjórnandi Karlakórs
Rangæinga er Guðjón Halldór
Óskarsson sem á að baki farsælt
starf bæði sem kórstjórnandi og
organisti.
Sennilega hafa því margir tón-
listargesta mætt með talsverðri
eftirvæntingu, en kórinn söng fyrir
fullri kirkju. Eftir að hafa hlýtt á
söng kórsins er ég þeirrar skoð-
unar að reynsla Halldórs sem kór-
stjóra hafi skilað sér vel. Þó vissu-
lega hafi verið sáð góðum fræ-
kornum innan starfsemi Karlakórs
Rangæinga af sumum forverum
hans er óhætt að segja að upp-
skeran hafi skilað sér ríkulega
undir handleiðslu Halldórs, því
varla var um neina hnökra að ræða
á þeim tónleikum sem hér verður
fjallað um. Hljómur kórsins var
mildur og fagur, hvort sem sungið
var veikt eða sterkt og fannst mér
áberandi hve stjórnandinn hafði
gott vald á flutningi kórsins. Þá var
eftirtektarvert að fylgjast með því
hversu kórfélagar voru öruggir
varðandi texta og framkomu.
Hvert einasta orð komst til skila og
dagskráin sem kórinn flutti var
greinilega þaulskipulög og vel æfð.
Svo vikið sé að efnisvalinu þá
hófust tónleikarnir á heimavelli,
þ.e.a.s. með laginu Rangárþingi
eftir Björgvin Þ. Valdimarsson við
ljóð Sigurjóns Guðjónssonar, en
efni ljóðsins sem höfðar til sveit-
arinnar átti einkar vel við og flutti
kórinn ljóð og lag af stakri alúð. Af
öðrum lögum má nefna Þórsmerk-
urþrá eftir Harald Konráðsson,
sem er einn kórfélaga. Textann
gerði Kristjana Unnur Valdimars-
dóttir og útsetningu Björgvin Þ.
Valdimarsson. Tvísöng í umræddu
lagi sungu þeir Hákon Mar Guð-
mundsson og Kjartan G. Magnús-
son og fórst þeim það vel úr hendi
enda þar á ferðinni mjög smekk-
legar og skólaðar raddir. Hraustir
menn voru á efnisskránni og í því
lagi söng Gísli Stefánsson einsöng
með sinni fallegu rödd. Veit ég að
Gísli er í námi við Söngskólann í
Reykjavík undir handleiðslu Eiðs
Gunnarssonar sem greinilega hef-
ur náð að láta rödd Gísla falla í
réttan farveg að mínum dómi.
Mátti ekki síður heyra það í túlkun
Gísla á laginu Bergljót sem hann
söng mjög músíkalskt og fallega en
lagið er úr lagaflokknum „Gunnar
á Hlíðarenda“ eftir Jón Laxdal.
Enn einn söngvarinn steig fram
og söng Fögur er hlíðin úr sama
lagaflokki og áður var nefndur. Þar
kom fram virkilegur víkingur hvað
útlit og atgervi snertir og átti það
sérlega vel við lagið sem flutt var
af Jóni Smára Lárussyni er hefur
glæsilega rödd og vel skólaða eins
og heyra mátti, en söngvarinn er
útskrifaður úr Tónlistarskóla
Hvolsvallar undir handleiðslu Jóns
Sigurbjörnssonar.
Af öðrum lögum sem flutt voru
vil ég nefna Þakkarbæn. Lag:
Addrian Valerius. Ljóð: Óskar
Ingimarsson. Þetta lag söng kórinn
af mikilli innlifun og tilfinningu.
Allir eins og einn maður. Svo silki-
mjúkt af stað og upp í svo fallegan
styrkleika að undir tók í allri kirkj-
unni. Þarna sýndi stjórnandinn
getu sína og stjórnaði kórnum eins
og hann væri að spila á orgel. Hver
tónn á sínum stað og blæbrigðin
eftir því hnitmiðuð. Ekki má
gleyma laginu Bræðralag, lag
Hlyns Snæs Theódórssonar og ljóð
Smára Lárussonar sem báðir eru í
kórnum, en útsetningar gerði
Hörður Bragason. Karlakór Rang-
æinga býr svo vel að eiga marga
hæfileikaríka listamenn innan
sinna vébanda eins og lagið
Bræðralag er glöggt dæmi þar um.
Á tónleikum Karlakórs Rang-
æinga kom einnig fram hornleik-
arinn László Czenek og aðstoðaði
undirleikari kórsins, Hédi Maróti,
hann. Þau munu bæði vera kenn-
arar við Tónlistarskóla Hvolsvallar
og undirstrika enn frekar hversu
blómlegt menningar- og tónlistarlíf
fer fram á Hvolsvelli og í sveit-
unum þar í kring. Eitt vil ég ítreka
í þessum skrifum mínum, en það er
hversu kórinn var vel undirbúinn.
Kórmeðlimir kunnu hvert einasta
lag og texta utanað. Ekki einn ein-
asti maður með nótur. Allir eins og
einn maður og horfðu á einn punkt
og það var söngstjórinn. Þá er
björninn unninn að mínu viti þegar
allir bregðast við eins og einn mað-
ur. Þó ég hafi hér tiltekið hluta
efnisvalsins og nokkuð dvaldið við
einsöngvarana þá vil ég taka fram
að öll efnisskráin var einstaklega
vel unnin og hvergi veikan blett að
finna. Gæti ég haft um það fleiri
orð hér en vil í stað þess hvetja þá
sem tök hafa á því að sækja næstu
tónleika Karlakórs Rangæinga, því
sjón er sögu ríkari.
Að lokum vil ég þakka söngstjór-
anum, undirleikara, einsöngvurum
og öðrum sem fram komu, ekki síst
kórnum sjálfum sem heild. Karla-
kór Rangæinga og aðstandendur
hans geta verið glaðir og stoltir
með glæsilegan árangur.
Þökk fyrir komuna, lifið heilir.
SIGURVEIG HJALTESTED,
óperusöngkona.
Söngfuglar úr
Rangárþingi
Frá Sigurveigu Hjaltested: