Morgunblaðið - 18.05.2001, Blaðsíða 9

FRÉTTIR
MORGUNBLAÐIÐ FÖSTUDAGUR 18. MAÍ 2001 9
20% afsláttur
af gallabuxum, stretsbuxum,
kvartbuxum, síðbuxum
og pilsum
Engjateigi 5, sími 581 2141.
Opið virka daga frá kl. 10.00—18.00, laugardaga frá kl. 10.00—15.00.
Opið
laugardag
kl. 10-14
Lagersala á Bíldshöfða 14
Opið alla föstudaga milli kl. 16 og 19,
laugardaga milli kl. 12 og 16.
www.sokkar.is oroblu@.sokkar.is
Skór frá kr. 750
TEENO
LAUGAVEGI 56, SÍMI 552 2201
www.teeno.net
I , Í I
.t . t
Eiðistorgi 13,
2. hæð yfir torginu,
sími 552 3970.
Útsala útsala
40 % afsláttur
Opið alla daga 12–18,
opið 11–16 á laugardaginn
MUXART
- ný sending
Litir: Svartur og hvítur
Taska kr. 12.290.
Kringlunni, sími 553 2888
Litir: Svartur og hvítur
Skór kr. 11.590.
Litur: Svartur
Skór kr. 13.150.
VERKEFNINU Heilsuefling á
vinnustað var hrundið af stað í fyrra
hjá Leikskólum Reykjavíkur í sam-
vinnu við Vinnueftirlit ríkisins en því
var ætlað að finna leiðir til að bæta
vinnuumhverfi og líðan starfsfólks
leikskólanna. Verkefnið var að vissu
leyti frumkvöðulsstarf þar sem
Vinnueftirlitið var í fyrsta sinn fengið
til samvinnu við fyrirtæki á þessum
vettvangi.
Verkefnið náði til 16 leikskóla af 76
þar sem gerð var viðhorfskönnun
meðal starfsmanna varðandi heilsu,
líðan og vinnuumhverfi. Úttekt var
gerð á vinnuaðstöðu starfsmanna og
unnið að úrbótum sem meðal annars
felast í fræðslu um líkamsbeitingu og
endurnýjun húsbúnaðar sem auð-
velda starfsfólki vinnu sína.
Ágústa Guðmarsdóttir, verkefnis-
stjóri heilsuátaksins, sagði fyrstu nið-
urstöður liggja fyrir en í þeim kemur
m.a. fram að starfsandinn á leikskól-
unum er mjög góður þar sem 89%
starfsmanna sögðu hann vera bæði
afslappaðan og þægilegan.
„Það vill gleymast, þegar rætt er
um örar mannabreytingar hjá starfs-
fólki leikskólanna, að 41% starfs-
manna þeirra hefur unnið í sex ár eða
lengur á leikskólunum og þetta fólk
vinnur við líkamlegt álag á vinnustað
um árabil,“ sagði Ágústa en 68% að-
spurðra sögðu vinnu sína líkamlega
erfiða. Ágústa minnti einnig á að
starfsumhverfi leikskóla hefði ávallt
verið lagað að þörfum barnanna en
fullorðna fólkið hefði setið á hakan-
um. Lítil vinnuhæð og langvinnur há-
vaði hefðu um árabil sett svip sinn á
starf leikskólakennarans. Hávaði var
t.d. sérstaklega mældur á þremur
leikskólum og reyndist hann um eða
yfir hættumörkum á öllum þeirra.
Þörfin á að draga úr ýmsum líkamleg-
um álagseinkennum er því fyrir hendi
og má nefna að 78% starfsmanna
sögðust aðspurð hafa fundið fyrir
óþægindum í herðum og öxlum vik-
una sem könnunin var gerð. Um 94%
reyndust hafa fundið fyrir einkennum
frá hreyfi- og stoðkerfi undanfarna 12
mánuði. Meðal aðgerða sem stefnt er
að er að lækka á hávaða, hver starfs-
maður fær eigin vinnustól, vinnuhæð
verður breytt en ekki síst verða
starfsmenn þjálfaðir í líkamsbeitingu
og líkamsvitund þeirra bætt með
fræðslu.
Bergur Felixson, framkvæmda-
stjóri Leikskóla Reykjavíkur, sagði
mikla fjármuni geta sparast ef hægt
yrði að minnka fjarvistir frá vinnu
með bættu starfsumhverfi sem stuðl-
ar að minna starfsálagi.
Árið 2000 starfrækti Reykjavíkur-
borg 74 leikskóla og 20 gæsluvelli.
Alls dvelja rúmlega 5.600 börn í þess-
um leikskólum og eru starfsmenn
þeirra 1.750 talsins í 1.250 stöðugild-
um.
Morgunblaðið/Sigurður Jökull
Ágústa Guðmarsdóttir kynnti verkefnið Heilsuefling á vinnustað.
Mikill hávaði
við leikskóla
SLÖKKVILIÐ höfuðborgar-
svæðisins var kallað út vegna
bruna í leikskólanum Fálka-
borg í Breiðholti í Reykjavík á
miðvikudagsmorgun. Þegar
slökkvilið og lögregla komu á
staðinn var starfsfólk skólans
búið að slökkva eldinn sem
hafði kviknaði í leikfangahesti
sem lá utan í perustæði. Engin
slys urðu á fólki en slökkviliðið
segir að starfsfólk hafi brugðist
hárrétt við.
Eldur í leik-
fangahesti
TALIÐ er að verkfall verkamanna
í Færeyjum geti aukið líkur á að
ISA-veiran svokallaða, sem leggst
á laxastofna, breiðist út. Forsvars-
menn laxeldisfyrirtækja í Færeyj-
um hafa lýst yfir áhyggjum vegna
þessa en þeir telja sig ekki geta
sinnt eftirliti með laxakvíum nægi-
lega vel, að sögn Orra Vigfússonar,
formanns Verndarsjóðs villtra
laxastofna. „Vegna verkfallsins er
eftirlit með laxakvíum minna en
ella. Því teljum við aukna hættu á
að veiran geti borist hingað til
lands.“
Hann segir að veiran hafi verið
að breiðast út á Færeyjum frá því
hún barst þangað fyrst frá Skot-
landi. „Í mars síðastliðnum kom
upp tilfelli í Oyndarfirði og nú er
talið að hún hafi borist til Austur-
eyjar en menn óttast að hún berist
auðveldlega á milli eldisstöðva
þar.“
ISA-veiran leggst á blóð og nýru
laxfiska og getur verið banvæn, að
sögn Orra. Hann segist óttast af-
leiðingarnar ef veiran kemur hing-
að til lands. „Allur fiskur sem smit-
ast drepst eða það þarf að slátra
honum. Í apríl í fyrra létu færeysk
yfirvöld slátra milljón eldislöxum
til að reyna að útrýma veirunni.“
Hann segir vísindalega sannað að
veiran geti borist úr eldislaxi yfir í
villta laxastofna og aðrar fiskiteg-
undir.
Ekki er fullkomlega vitað hvern-
ig veiran berst á milli laxeldis-
stöðva en grunaðir smitberar eru
síld og fiskifóður. Þá segir Orri að
mikil hætta sé á að hún berist með
sjókjölfestu skipa. „Síðastliðið vor
sendum við sjúkdómsviðvörun til
skipstjórnenda ásamt korti þar
sem sýnt er hvar ISA-veiran hefur
greinst síðastliðin tvö ár. Þar bend-
um við þeim á að rétt sé að varast
að dæla inn sjó í námunda við fisk-
eldisstöðvar á þessum svæðum.“
Óttast að veirusýking
í laxi berist hingað
frá Færeyjum
Telja verk-
fall auka
hættu á út-
breiðslu