Morgunblaðið - 18.05.2001, Qupperneq 15
HÖFUÐBORGARSVÆÐIÐ
MORGUNBLAÐIÐ FÖSTUDAGUR 18. MAÍ 2001 15
Heildsala: Bergís ehf.
SANDUR er til margra hluta nyt-
samur. Björgun ehf. á og rekur
tvö sanddæluskip, þ.e. D/S Sóley
og D/S Perlu. Sóley og Perla eru
m.a. notuð til að afla hráefnis til
vinnslu í landi, sem og til dýpk-
unar og landgerðar. Myndin var
tekin á dögunum af Sóleyju á leið
út Sundin til að sækja efni til
frekari vinnslu, en hún hefur
undanfarið verið að dæla í Kolla-
firði og Faxaflóanum. Sóley getur
borið 1.450 rúmmetra af efni, og
náð í það á allt að 40 metra dýpi.Morgunblaðið/Sigurður Ægisson
Sóley á
sundunum
Sundin
DREGIÐ hefur úr hraðakstri á Háa-
leitisbraut eftir að vegþrengingu var
komið fyrir í götunni við Fellsmúla en
áður var töluvert um hraðakstur í göt-
unni að sögn varðstjóra hjá umferð-
ardeild lögreglunnar í Reykjavík.
Eins og komið hefur fram í fréttum
var ekið á níu ára dreng á gönguljós-
um á Háaleitisbraut á miðvikudags-
kvöld og slasaðist hann alvarlega. Að
sögn Ragnars Árnasonar, varðstjóra
hjá umferðardeild lögreglunnar í
Reykjavík, hefur gatan svolitla sér-
stöðu að því leyti að hún sker í sundur
þétta íbúðabyggð. „Annars vegar eru
blokkir og einbýlishús norðan megin
við hana og hins vegar blokkarrað-
irnar sem eru sunnan megin. Hins
vegar virðist Háaleitisbrautin vera
notuð töluvert af ökumönnum sem
eru í rauninni að fara í Ármúla, Síðu-
múla og jafnvel ætla að skella sér í
norðvesturhluta bæjarins. Þannig er
hún notuð svolítið eins og ferjuleið
þarna á milli, enda tengir hún nokkr-
ar stórar umferðaræðar eins og Bú-
staðaveg, Miklubraut og Kringlumýr-
arbraut.“ Ragnar segir því varla hægt
að tala um Háaleitisbraut sem íbúa-
götu þar sem hún sé notuð af miklu
fleirum en þeim sem búa við hana.
Hins vegar segir Ragnar að um-
ferðarhraðinn hafi minnkað töluvert
eftir að gatan var gerð torfærari.
Leyfilegur hámarkshraði á götunni er
50 kílómetrar á klukkustund og segir
Ragnar vissulega alltaf einhverja sem
keyri langt umfram það sem eðlilegt
gæti talist. „En við höfum verið að
mæla þarna stundum og í heildina lit-
ið segja mínir menn að það sé ekki
áberandi mikill hraði þarna miðað við
aðrar götur.“
Veg-
þrenging
skilar
árangri
Háaleitishverfi
GATNAMÁLASTJÓRI hefur
ákveðið að bregðast við kvörtunum
íbúa við Ásgarð 24 í Reykjavík vegna
hraðaksturs í götunni með því að
setja upp merkingar sem vara við
umferð barna.
Gatan sem um ræðir liggur neðan
við verslana- og fyrirtækjahús en
nokkrar íbúðir snúa út í götuna auk
þess sem leikvöllur er neðan við
hana. „Reyndar kom þetta mér mjög
á óvart því þetta er þröng gata og
það er gjarnan lagt í hana bifreið-
um,“ segir Sigurður I. Skarphéðins-
son, gatnamálastjóri í Reykjavík.
„Auk þess er hún stutt þannig að ég
sé ekki alveg hvernig hægt er að aka
hratt þarna. Engu að síður verða við-
brögðin þau að setja upp skilti í báð-
um endum götunnar,“ Hann segir
embættið ekki hafa heimild til þess
að fara inn í götuna þar sem hún sé
innan lóðarmarka hússins. „Aftur á
móti getum við á borgarlandi varað
fólk við að þarna sé umferð barna og
það munum við gera.“
Óttast slysa-
hættu við
Ásgarð
Smáíbúðahverfi
♦ ♦ ♦