Morgunblaðið - 18.05.2001, Qupperneq 72

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 18. MAÍ 2001 VERÐ Í LAUSASÖLU 165 KR. MEÐ VSK.
Morgunblaðið/Jón Sigurðsson
Glaðir dýravinir
á Blönduósi
SYSTURNAR Silla Máney og
Hanna Lísa Hafliðadætur á
Blönduósi kunna lagið á ferfæt-
lingum, stórum sem smáum, enda
miklir dýravinir. Hvuttarnir una
sér greinilega vel í fangi þeirra
og folaldið litla, sem er í fóstri á
heimili þeirra, vill helst vera hjá
þeim líka. Hlýnað hefur í veðri
norðanlands eftir kuldakast fyrr í
vikunni. Framundan eru því góðir
dagar hjá þeim systrum.
KOSTNAÐUR ríkissjóðs við flutn-
ing ýmissa ríkisstofnana og fyrir-
tækja og aðlögun þeirra í nýbygg-
ingu einkaaðila í Borgartúni 21,
nam alls tæplega 313 milljónum
króna. Um er að ræða húsnæði sem
leigt hefur verið til 20 ára og munu
leigugreiðslur á samningstíma-
bilinu ekki verða undir 2,4 millj-
örðum kr., en leigufjárhæðin er
bundin vísitölu neysluverðs.
Þessar upplýsingar koma fram í
svari fjármálaráðherra við fyrir-
spurn Lúðvíks Bergvinssonar,
þingmanns Samfylkingarinnar.
Lúðvík lagði fram fyrirspurn til
ráðherra um kostnað við Borgar-
tún 21, þar sem sex stofnanir og
fyrirtæki ríkisins hafa tekið hús-
næði á leigu til tuttugu ára.
Húsnæðið, sem hefur verið tekið
á leigu, er að flatarmáli ríflega
9.000 fermetrar. Ríkið greiddi
verktaka hússins um 197 milljónir í
viðbótarkostnað vegna aðlögunar
að þörfum einstakra stofnana og
fyrirtækja. Aðlögunarkostnaður
sem greiddur var til verktaka nam
þannig tæpum 22 þúsund krónum á
hvern fermetra húsnæðisins.
Aukinheldur greiddi ríkissjóður
annan kostnað í tengslum við flutn-
ing stofnana, s.s sem vegna hús-
gagna, tölvu- og símalagna o.fl.,
alls um 115 milljónir kr.
Húsnæðið var afhent til notkun-
ar á tímabilinu febrúar til maí 2000.
Öllum leigusamningum lýkur hins
vegar 31. janúar 2020, eða tuttugu
árum eftir undirritun þeirra. Rík-
issjóður hefur auk þess forleigu- og
forkaupsrétt að húsnæðinu.
Samkvæmt upplýsingum frá
Fasteignum ríkissjóðs var húsa-
leiga fyrir febrúar 2001 kr. 9.975
þús. kr. og skiptist hún með þeim
hætti að leiga á mánuði fyrir hús-
næði embættis ríkissáttasemjara
er 1.216 þús. kr., fyrir Fasteigna-
mat ríkisins 1.500 þús. kr., Barna-
verndarstofu 570 þús. kr., Löggild-
ingarstofu 1.543 þús. kr.,
yfirskattanefnd 950 þús. kr.,
Íbúðalánasjóð 2.996 þús. kr og
Lánasjóð íslenskra námsmanna
1.200 þús. kr. Heildarleiga fyrir allt
húsnæði ríkisstofnana nemur því
tæplega tíu milljónum króna á
mánuði, eða 119,7 milljónum kr. á
ári.
Lúðvík Bergvinsson segist nán-
ast orðlaus yfir þessum upplýsing-
um. Hann segir að svo virðist sem
kostnaður vegna flutnings og vinnu
við aðlögun fyrsta árið sé nálægt
430 milljónum króna og heildar-
kostnaður fyrir afnot af húsnæðinu
í 20 ár sé um 2,7 milljarðar og geti
allt að því tvöfaldast á leigutíma-
bilinu vegna verðtryggingar.
„Að loknu samningstímabilinu
stendur ríkið eftir með að hafa
greitt þetta fé og á ekki neitt í hús-
næðinu,“ segir hann.
Alþingismaðurinn kveðst þeirrar
skoðunar að nú standi upp á fjár-
málaráðherra að gera frekari grein
fyrir þessu og í framhaldi af því
verði metið hvort ástæða sé til
frekari aðgerða.
Borgartún 21 er í eigu bygging-
arfyrirtækisins Eyktar ehf., sem
einnig reisti það.
Samningur ríkisins um leigu í Borgartúni 21
Leigusamningurinn
kostar 2,4 milljarða
 Flutningur/11
SAMNINGAFUNDUR
Þroskaþjálfafélags Íslands og
Reykjavíkurborgar stóð enn á
miðnætti í nótt, en þá hófst boð-
að verkfall þroskaþjálfa í
Reykjavík. Verkfall þroska-
þjálfa hjá ríkinu og öðrum
sveitarfélögum en Reykjavík
hefur verið boðað frá 1. júní nk.
hafi samningar ekki tekist.
Sólveig Steinsson, formaður
Þroskaþjálfafélagsins, sagði
um miðnættið að staðan í við-
ræðunum væri óljós og erfitt að
segja eitthvað ákveðið um
hana, en þau yrðu eitthvað
áfram fram eftir nóttu í viðræð-
um. Verkfall hefði hins vegar
hafist á miðnætti. Því miður
væru ekki önnur ráð fyrir hendi
en að grípa til verkfallsvopns-
ins. „Staðan er óljós en þó verið
að ræða saman,“ sagði Sólveig.
Fjörutíu og fjórir þroska-
þjálfar hjá Reykjavíkurborg
verða í verkfalli og starfa þeir
hjá Félagsþjónustunni,
Fræðslumiðstöð Reykjavíkur
og Leikskólum Reykjavíkur.
Verkfallið, sem boðað er um
mánaðamótin, nær til tæplega
200 þroskaþjálfa sem eru í
starfi hjá ríkinu og tæplega 50
sem eru í starfi hjá öðrum
sveitarfélögum en Reykjavík-
urborg.
Þroska-
þjálfar í
verkfalli
FORSETAR Alþýðusambands
Íslands ákváðu á fundi sínum í
gær að höfða mál á hendur ís-
lenskum stjórnvöldum fyrir inn-
lendum dómstólum til viður-
kenningar á því að nýsett lög
um kjaramál sjómanna og af-
nám samningsréttar þeirra
brjóti í bága við grundvallar-
réttindi launafólks og gangi þar
með gegn stjórnarskrá, vinnu-
löggjöfinni og mannréttindasátt-
mála Evrópu. Vinna við und-
irbúning málshöfðunarinnar er
að hefjast. Einnig ætlar ASÍ að
kæra íslensk stjórnvöld til
félagafrelsisnefndar Alþjóða
vinnumálastofnunarinnar, ILO.
Magnús Nordahl, lögfræðing-
ur ASÍ, segir að það sé þungt í
mönnum. Hann segir að auk
þess að höfða mál fyrir innlend-
um dómstólum verði einnig
kært fyrir Alþjóða vinnumála-
stofnuninni og það sé ekki í
fyrsta sinn sem sú leið sé farin
gegn íslenskum stjórnvöldum.
Magnús bendir á að öryrkja-
málið svokallaða hafi verið höfð-
að sem viðurkenningarmál. „Í
slíkum málum geta heildarsam-
tök ákveðinna hópa haft forsvar
eða aðild fyrir hönd sinna um-
bjóðenda. Þessi leið er hugs-
anlega fær einnig og við munum
taka ákvörðun um það hvernig
verði lagatæknilega farið í mál-
ið. En í öllu falli verður látið á
það reyna hvort þessi ákvörðun
Alþingis standist stjórnarskrá
og mannréttindasáttmálann.
Lögin fara klárlega, að okkar
mati, gegn félagafrelsisákvæði
stjórnarskrárinnar. Það er rétt-
urinn til þess að stofna sjálf-
stæð félög, verkalýðsfélög sem
njóta sérstakrar verndar til
þess að fara með sameiginlega
hagsmuni launafólks. Allar und-
antekningar og inngrip í frelsi
til þess að gera kjarasamninga
eru litin mjög alvarlegum aug-
um og túlkuð þröngt,“ segir
Magnús.
ASÍ ætlar að
höfða mál gegn
stjórnvöldum