Morgunblaðið - 14.12.2001, Blaðsíða 13

FRÉTTIR
MORGUNBLAÐIÐ FÖSTUDAGUR 14. DESEMBER 2001 13
MIKIÐ reynir á skipaflota lands-
manna og því er stöðugt viðhald
eðlilegur hluti af rekstri skipanna.
Þessir menn unnu að viðhaldi niðri
við Reykjavíkurhöfn í vikunni og
eins og sjá má lenti talsvert af
málningunni, sem átti að fara á
skipið, á málaranum.
Morgunblaðið/RAX
Við Reykja-
víkurhöfn
EUROPOL og bandarísk lögreglu-
yfirvöld hafa skrifað undir samning
um samstarf í baráttunni gegn al-
þjóðlegum hryðjuverkum og skipu-
lagðri glæpastarfsemi.
Haft var eftir Jürgen Storbeck,
forstjóra Europol, að hryðjuverka-
árásirnar í Bandaríkjunum hinn 11.
september hefðu hraðað mjög samn-
ingaviðræðunum. „Í dag eru hryðju-
verk plága á alþjóðasamfélaginu og
stöðug ógn við gildi og lífsskoðanir í
lýðræðissamfélögum,“ sagði Stor-
beck. Til að baráttan skilaði auknum
árangri væri nauðsynlegt að styrkja
alþjóðlegt samstarf lögreglu.
Samningur Europol
og Interpol
Áður höfðu Europol og alþjóðalög-
reglan Interpol skrifað undir sam-
starfssamning sem var ætlað að
koma í veg fyrir tvíverknað við lög-
gæslustörf. Ronald K. Noble, fram-
kvæmdastjóri Interpol sagði við það
tækifæri að lögregluyfirvöld í öllum
heiminum yrðu að efla samvinnu
sína í baráttunni gegn hryðjuverk-
um, eiturlyfjasölu, ólöglegu smygli á
fólki og annarri skipulagðri glæpa-
starfsemi. Glæpamennirnir byndust
samtökum og það yrðu lögregluyfir-
völd líka að gera. Eitt af helstu við-
fangsefnum Europol og Interpol
þessa dagana er að koma í veg fyrir
falsanir á evru-seðlum en gjaldmið-
illinn verður tekinn í notkun í 12 af
15 aðildarríkjum Evrópusambands-
ins nú um áramótin.
Smári Sigurðsson, yfirmaður al-
þjóðadeildar ríkislögreglustjóra seg-
ir að þessi samningur Europol og
Interpol sé um margt sögulegur.
Lengi hafi verið litið á þessar tvær
löggæslustofnanir sem keppinauta.
„Þetta er fyrst og fremst þýðing-
armikið upp á það að menn eru þá
ekki að vinna hver í sínu horni,“ seg-
ir Smári. Samningaviðræður hafa
staðið um alllangt skeið en hryðju-
verkaárásirnar í Bandaríkjunum
flýttu mjög fyrir samningnum. Ís-
lendingar gerðust nýlega aukaaðilar
að Europol og telur Smári að þessi
samningur muni efla talsvert barátt-
una gegn alþjóðlegri glæpastarf-
semi.
Um 315 manns vinna í aðalstöðv-
um Interpol en auk þess eru skrif-
stofur starfræktar í 179 aðildarríkj-
um Interpol. Búist er við að
starfsmenn Europol verði ríflega 400
á næsta ári.
Aukið samstarf í
kjölfar hryðjuverka
Europol, Interpol og bandarísk lögregluyfirvöld
HÉRAÐSDÓMUR Reykjavíkur
svipti á miðvikudag rúmlega fimm-
tugan mann ökuréttindum í eitt ár
og dæmdi hann til að greiða 130
þúsund krónur í sekt í ríkissjóð
fyrir ölvunarakstur. Var það væg-
ari refsing en lögreglustjóri hafði
boðið sem sátt í stað þess að senda
málið fyrir dóm.
Maðurinn játaði skýlaust hjá
lögreglu og fyrir dómi að hafa ekið
bifreið um Reykjavík að kvöldi
dags í ágústlok undir áhrifum
áfengis en áfengismagn í blóði
hans mældist 2,24‰.
Af hálfu ákæruvalds var ákærða
gefinn kostur á að ljúka málinu
með viðurlagaákvörðun, í samræmi
við fyrirmæli ríkissaksóknara til
allra lögreglustjóra um sáttaboð
ákærenda við viðurlagaákvarðanir
í ölvunarakstursmálum frá 5. nóv-
ember sl., með því að greiða 130
þúsund króna sekt í ríkissjóð, og
sæta sviptingu ökuréttar í tvö ár.
Ákærði hafnaði þessu boði þar
sem hann taldi refsinguna of
þunga og að sakarferill sinn gæfi
ekki tilefni til hennar, en hann hef-
ur ekki sætt refsingu utan sektar
vegna umferðarlagabrots árið
1967. Þá hafnaði hann sáttarboði
þar sem boðin refsing væri í ósam-
ræmi við langa dómvenju um svipt-
ingu ökuréttar vegna sambæri-
legra brota. Loks vísaði hann til
þess að ákvörðunarvald um refs-
ingu lægi hjá dómstólum og ætti
ekki að lúta fyrirmælum ríkissak-
sóknara.
Héraðsdómur Reykjavíkur segir
að færa megi rök fyrir því að til-
laga ríkissaksóknara um að taka
mið af áfengismagni í blóði í aukn-
um mæli við ákvörðun refsingar sé
eðlileg og skynsamleg. Þrátt fyrir
það væri í ljósi mótmæla ákærða
og vegna langrar dómvenju ekki
rétt að þyngja svo mjög refsingar
fyrir þessi brot án fyrirmæla í lög-
um eða að undangengnum dómi
Hæstaréttar, enda væru hin refsi-
tengdu viðurlög, ökuleyfissvipting-
in, sá hluti refsingarinnar sem oft
reyndist dómþola erfiðastur.
Dóminn kvað upp Hjördís Há-
konardóttir héraðsdómari. Sturla
Þórðarson sótti málið fyrir ákæru-
valdið. Ákærði hélt uppi vörnum
án lögmanns.
Fékk vægari
refsingu en var
boðin sem sátt
TRYGGINGAFÉLAGIÐ Sjóvá-Al-
mennar telur að um 17.000 heimili í
landinu séu án innnbústryggingar
sem jafngildi því að allar fjölskyldur
í Kópavogi og Hafnarfirði séu án inn-
bústryggingar, eða um 40 þúsund
manns.
Hugi Hreiðarsson, kynningar-
fulltrúi Sjóvár-Almennra, segir að
ástæður fyrir því að fólk tryggi ekki
innbú sín séu aðallega þrenns konar:
Íbúaðareigendur haldi að þeir séu
tryggðir, þeir geti verið án innbús-
tryggingar eða fjárhagur heimilisins
sé þröngur.
Í lok október kom upp eldur í fjór-
býlishúsi við Klukkurima í Grafar-
vogi. Mikið eignatjón varð af þessum
völdum en í ljós kom að þrjár af fjór-
um íbúðum hússins voru án innbús-
tryggingar.
Í desember berast langflestar til-
kynningar um tjón vegna bruna út
frá kertum eða kertaskreytingum,
s.s. aðventukrönsum. Í desember í
fyrra tóku Sjóvá-Almennar við 52
slíkum tilkynningum en miðað við
markaðshlutdeild fyrirtækisins má
ætla að fimm brunar út frá kertum
verði á degi hverjum í desember.
Talið er að tjón af þessum völdum
nemi um 40 milljónum.
17.000 heimili
án innbús-
tryggingar
Fimm brunar af
völdum kerta-
ljósa á hverjum
degi í desember

   

   




 
   

  


   



 


 
SAMKEPPNISRÁÐ hefur bannað
Bræðrunum Ormsson ehf. að birta
auglýsingar fyrir Bridgestone Blizz-
ak-loftbóludekk en í auglýsingunum
eru settar fram fullyrðingar um að
loftbóludekk séu betri en nagladekk
og að þau henti ABM-hemlum betur.
Telur samkeppnisráð að auglýs-
ingarnar gefi neytendum rangar og
villandi upplýsingar og brjóti þannig
í bága við ákvæði 21. gr. samkeppn-
islaga, enda sé skýrt tekið fram í nið-
urstöðum íslenskrar rannsóknar,
sem vitnað er til í auglýsingunum, að
ekki sé marktækur munur hvað
varðar þau atriði sem tilgreind eru
sérstaklega í auglýsingunum.
Í auglýsingum Bræðranna Orms-
son sagði að Bridgestone Blizzak-
dekk, sk. loftbóludekk, væru bestu
dekkin í snjó og hálku. Var til stað-
festingar þessum fullyrðingum vísað
til niðurstöðu tilraunar með hemlun-
arvegalengdir mismunandi vetrar-
dekkja sem unnin var af Rannsókna-
stofnun byggingariðnaðarins.
Tilraunin mun hins vegar ekki
hafa sýnt marktækan mun á heml-
unarvegalengd loftbóludekkja og
nagladekkja á þurrum ís og aðstæð-
ur í snjó voru ekki kannaðar. Þykja
því ekki hafa verið færðar sönnur á
fullyrðingar þar sem efsta stig lýs-
ingarorðs, best, er notað.
Í úrskurði samkeppnisráðs, sem
kveðinn var upp 4. des. sl., kemur
fram að Samkeppnisstofnun gerði
ítrekaðar athugasemdir við auglýs-
ingarnar sem Bræðurnir Ormsson
virtu að vettugi. Í ljósi ítrekaðra
birtinga auglýsinganna telur ráðið
nauðsynlegt að banna frekari birt-
ingu þeirra. Segir ennfremur í úr-
skurðinum að fari fyrirtækið ekki að
banninu verði það beitt viðurlögum,
þ.e. stjórnvaldssektum.
Bannar birtingu
auglýsinga um
loftbóludekk