Morgunblaðið - 14.12.2001, Blaðsíða 73
MORGUNBLAÐIÐ FÖSTUDAGUR 14. DESEMBER 2001 73
DAGBÓK
LJÓÐABROT
HAUSTVÍSA
Land kólnar. Lind fölnar.
Lund viknar. Grund bliknar.
Svell frjósa. Fjöll lýsast.
Fley brotna. Hey þrotna.
Dug hættir. Dag styttir.
Drótt svengist. Nótt lengist.
Sól þrýtur. Sál þreytist.
Sær rýkur. Snær fýkur.
Páll Ólafsson.
STJÖRNUSPÁ
eft ir Frances Drake
BOGMAÐUR
Afmælisbörn dagsins:
Þið eruð ósérhlífin, fylgist
vel með því sem fram fer í
kringum ykkur og takið full-
an þátt í því.
Hrútur
(21. mars - 19. apríl)
Það eru alltaf að bætast við
nýir hlutir, sem þið þurfið að
kunna skil á. Leggið ykkur
fram um það því annars eigið
þið á hættu að ykkur mistak-
ist.
Naut
(20. apríl - 20. maí)
Þið þurfið að vera á tánum ef
þið viljið að ykkar málefni nái
fram að ganga. Látið ekki
smámótbyr draga úr ykkur
kjarkinn, hann á að stæla og
herða.
Tvíburar
(21. maí - 20. júní)
Þið kynnist einhverjum í dag
sem kemur eins og storm-
sveipur með ýmsar nýjar hug-
myndir. Skellið ekki skolla-
eyrum við þeim heldur
gaumgæfið þær.
Krabbi
(21. júní - 22. júlí)
Það er aldrei að vita hvenær
upplýsingar koma að gagni
svo þið skuluð ekki fleygja
neinu heldur hafa við höndina
þegar stundin rennur upp.
Ljón
(23. júlí - 22. ágúst)
Þið ættuð ekki að láta setja
starfi ykkar skorður sem þið
eigið erfitt með að vinna við.
Sem mest athafnafrelsi
tryggir ykkur bestan árang-
ur.
Meyja
(23. ágúst - 22. sept.)
Verið ávallt viðbúin, því það
er aldrei að vita hvenær hlut-
irnir taka óvænta stefnu. Þeg-
ar það gerist er eins gott að
hafa ráð undir rifi hverju.
Vog
(23. sept. - 22. okt.)
Þið hafið í hendi ykkar að
breyta aðstæðum ykkur í hag.
Ef þið drífið ekki í því getið
þið ykkur sjálfum um kennt ef
hlutirnir ganga ekki upp.
Sporðdreki
(23. okt. - 21. nóv.)
Látið ekki eftirsókn eftir
vindi teyma ykkur af leið.
Veltið hlutunum vandlega
fyrir ykkur áður en þið gerið
upp ykkar hug og grípið til að-
gerða.
Bogmaður
(22. nóv. - 21. des.)
Þið eigið að leggja meira upp
úr sjálfstæði ykkar en svo að
álíta ykkur skyldug til að
hlaupa eftir væntingum hvers
sem er. Verið vandlát í vina-
vali.
Steingeit
(22. des. - 19. janúar)
Einhver skilaboð frá opinber-
um aðilum koma ykkur
skemmtilega á óvart. Þið eigið
auðvelt með að bregðast rétt
við þeim svo allt er í góðu lagi.
Vatnsberi
(20. jan. - 18. febr.)
Þið hafið alltaf heillast af
furðulegum fyrirbrigðum svo
dagurinn í dag ætti að færa
ykkur óvænt gaman og gleði í
einu slíku.
Fiskar
(19. feb. - 20. mars)
Þið eigið ekki að hika við að
skipta um skoðun, þegar nýj-
ar upplýsingar koma fram og
breyta viðteknum sannindum.
Maðurinn er alltaf að læra!
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
Árnað heilla
50 ÁRA afmæli. Fimm-tugur er í dag, 14.
desember, Hjörtur Gísla-
son, fréttastjóri sjávarút-
vegs- og atvinnulífsfrétta á
Morgunblaðinu. Hann og
kona hans, Helga Þórarins-
dóttir, eru að heiman.
70ÁRA afmæli. Á morg-un, laugardaginn 15.
desember, verður Pétur
Guðjón Jónsson, Holtagerði
13, Kópavogi, sjötugur.
Hann og eiginkona hans,
Margrét Veturliðadóttir,
taka á móti ættingjum og
vinum í Félagsmiðstöð eldri
borgara, Gullsmára 13, eftir
kl. 15 á afmælisdaginn og
vonast þau til að sem flestir
sjái sér fært að mæta og
samgleðjast afmælisbarninu
og fjölskyldu hans.
60 ÁRA afmæli. Sextugur varð miðvikudaginn 12. des-ember sl., Kristján Árni Ingólfsson. Dóttir hans,
Ingibjörg Halldóra, varð 40 ára 7. október sl. Fjölskyldan
tekur á móti ættingjum og vinum föstudaginn 14. desember í
Oddfellow-húsinu, Staðarbergi 2–4, Hafnarfirði, frá kl. 21.
50 ÁRA afmæli. Í dag,föstudaginn 14. des-
ember, er fimmtugur Már
Jóhannsson. Eiginkona hans
er Ragnheiður Kristjáns-
dóttir. Í tilefni dagsins taka
þau á móti vinum og ættingj-
um í sal Tannlæknafélagsins,
Síðumúla 35, kl. 18–20.
60 ÁRA afmæli. Mánu-daginn 17. desember
verður sextugur Gunnar Al-
exandersson, Grjótaseli 16,
Reykjavík. Af því tilefni tek-
ur hann og eiginkona hans,
Katrín Óskarsdóttir, á móti
ættingjum og vinum sunnu-
daginn 16. desember á milli
kl. 17–19 í sal Þjóðdansa-
félags Reykjavíkur, Álfa-
bakka 14a, í Mjódd, 2. hæð.
HVERNIG á að spila út frá
ÁK í trompsamningi? Á ár-
um áður var kóngurinn tal-
inn hið rétta útspil og makk-
er varð að ráða í það hvort
hann væri frá drottningu
eða ás. Síðan fóru menn að
spila út ásnum frá ÁK með
þeim rökum að sjaldnast
væri rétt að koma út ás
nema kóngurinn væri með í
för. Nú til dags nota margir
þá reglu að kóngurinn biðji
um talningu, en ásinn um
kall eða frávísun.
Austur gefur; AV á hættu.
Norður
♠ DG83
♥ G76
♦ Á105
♣DG8
Suður
♠ ÁK954
♥ Á82
♦ K4
♣763
Vestur Norður Austur Suður
-- -- 2 hjörtu * 2 spaðar
Pass 4 spaðar Pass Pass
Pass
* Veikir tveir.
Vestur er af nýja skólan-
um og leggur niður lauf-
kóng, sem biður um taln-
ingu. Austur sýnir þrílit og
þá skiptir vestur yfir í
hjarta. Fjórir tapslagir
blasa við, en samt er spilið
alls ekki vonlaust. Í hverju
liggur vinningsvonin?
Austur á væntanlega sex-
lit í hjarta og því er rétt að
taka strax á hjartaás og af-
trompa mótherjana. Síðan
er laufásinn sóttur.
Norður
♠ DG83
♥ G76
♦ Á105
♣DG8
Vestur Austur
♠ 1062 ♠ 7
♥ 4 ♥ KD10953
♦ DG873 ♦ 962
♣ÁK95 ♣1042
Suður
♠ ÁK954
♥ Á82
♦ K4
♣763
Vestur spilar laufi um hæl
og nú er komið að úrslita-
stundu. Sagnhafi tekur tvo
efstu í tígli, spilar svo tíunni
og hendir hjarta heima.
Vestur fær slaginn, en þarf
nú að spila út í tvöfalda eyðu
og þá hverfur hjartatapslag-
urinn heima.
BRIDS
Umsjón Guðmundur Páll
Arnarson
Staðan kom upp í heims-
meistarakeppni FIDE í
kvennaflokki. Pólsku skák-
meynni og fyrrverandi eig-
inkonu Alexeis Shirovs,
Mörthu Zielinzka (2.405),
svart, tókst að knésetja eig-
inkonu Joels Lautiers, Alm-
iru Skripchenko (2.497).
24... Hxd2! 25. Bxd2 Rxf2
26. Bh5+ Ke7 27. Bg5+?
hxg5 28. Dxf2 Dxh1! 29.
Dd2 Dxh5 30. Dd6+ Kf7 31.
Dc7+ Kf6 32. Dxb6 De2 og
hvítur gafst upp. Skákhátíð
mikil mun hefjast í kvöld kl.
18 í húsakynnum Skáksam-
bands Íslands og Taflfélags
Reykjavíkur Faxafeni 12.
Margir viðburðir verða og
má m.a. nefna kvennaskák-
mót á ICC, fortíð gegn
framtíð og fjöltefli jólasvein-
anna í TG.
SKÁK
Umsjón Helgi Áss
Grétarsson
Svartur á leik.
Klapparstíg 44, sími 562 3614
Cranberry sulta - Gumberland sósa
- Mintuhlaup
Ómissandi með hátíðarmatnum
Hverfisgötu 6, 101 Reykjavík
Ný sending
af leðurveskjum
Bólur á baki?
Claroderm
bakklúturinn hjálpar.
Hreinsar óhreinindi
og fitu, jafnvel úr
fínustu svitaholum.
Húðhreinsun án allra
kemískra hreinsiefna.
Jólafötin
fást hjá okkur
Og eitt enn.
Efnafræði-
kennarinn
hringdi og
sagði að þú
hefðir fallið á
prófinu.
Með morgunkaffinu