Morgunblaðið - 14.12.2001, Blaðsíða 16

SUÐURNES
16 FÖSTUDAGUR 14. DESEMBER 2001 MORGUNBLAÐIÐ
ⓦ
vantar í Ytri-Njarðvík
í Hólagötuhverfi
Upplýsingar veitir
umboðsmaður,
Eva Gunnþórsdóttir,
í síma 421 3475 og
868 3281.
VÍÐA er erfitt að manna kirkju-
kórana, sérstaklega karlaradd-
irnar. Pálína Fanney Skúladóttir,
organisti í Útskálaprestakalli,
leggur áherslu á að fá fólk til að
prófa og með því sé oft sigur
unninn því þá átti söngvarinn sig
á því hvað það sé skemmtilegt og
gefandi að vera í kirkjukór.
Mikið er að gera hjá org-
anistum við kirkjur landsins í
jólamánuðinum, mikið er æft og
tíðir tónleikar. Við annir org-
anistans í Útskálaprestakalli bæt-
ast próf í Kennaraháskólanum
þar sem hún er í fjarnámi. Pálína
er í kennaranámi með tónlist sem
valfag. Hún viðurkennir að des-
embermánuður sé erfiður af þess-
um ástæðum.
Skemmtun og lífsfylling
Pálína Fanney tók við starfi
organista í Útskálaprestakalli í
haust. Hún býr í Garði en presta-
kallið nær yfir Garð og Sand-
gerði. Hún stjórnar því tveimur
kirkjukórum, við Útskálakirkju í
Garði og Hvalneskirkju í Sand-
gerðisbæ. Hún segir að starfið
gangi ágætlega. Þó sé alltaf erfitt
að fá fólk til að syngja í kirkju-
kór. „Það virðist alltaf loða við,
það álit, að skemmtilegra sé að
syngja í öðrum kórum og þeir
hafa greinilega meira aðdrátt-
arafl,“ segir Pálína. Verra er að
fá karlmenn í kirkjukórinn en
konur og segir Pálína að það sé
vegna öflugs starfs karlakóranna
sem hún segir að séu dragbítar á
kirkjukórana.
Organistinn liggur í símanum
til að reyna að fá fólk til að prófa
að koma á æfingar í kirkjukór-
unum. „Fólk heldur að það sé að
binda sig svo mikið með því að
vera í kirkjukórnum. Björninn er
unninn ef maður fær fólk til að
prófa, þá gerir það sér oftast
grein fyrir því að það fær heil-
mikla skemmtun og lífsfyllingu út
úr þessu starfi og heldur gjarnan
áfram. Það eru einhverjar ástæð-
ur fyrir því að fólk endist í þessu
í fjörutíu ár eða meira,“ segir
Pálína.
Í kirkjukór frá tólf ára aldri
Pálína býr í Garði enda telur
hún að það sé mikilvægt fyrir
organista að búa meðal fólksins
sem hann á að þjóna. Hún og
maður hennar, Einar Georg Ein-
arsson, fluttu úr Hrútafirði þar
sem þau kenndu í tvö ár en skól-
inn var þá sameinaður öðrum.
Þau vildu vera utan höfðuborg-
arsvæðisins, í ekki allt of stóru
samfélagi, og leist vel á Garð og
Sandgerði þegar upp kom að þar
vantaði organista.
Pálína hefur starfað sem org-
anisti víðs vegar um landið, með-
al annars á Húsavík, í Hrísey og
Skagafirði. Sjálf söng hún í
kirkjukór frá tólf ára aldri og
þar til hún fór sjálf að stjórna.
Það var í Skriðdal þar sem hún
er fædd og alin upp.
Hún lærði orgelleik og segist
ánægð með það val. Tónlistar-
starf sé fjölbreytt í kirkjunni og
organisti sem starfi með góðum
presti geti starfað mjög sjálf-
stætt. „Þetta er skemmtilegt
starf. Það er skylda manns að
koma til móts við allan söfnuðinn
og taka þátt í að fá sem flesta í
kirkju og í safnaðarstarf,“ segir
hún. Hún hefur stofnað barna-
kóra við báðar kirkjurnar og seg-
ir að það sé hluti af því að auka
kirkjusókn og safnaðarstarf.
Börnin áhugasöm
Pálína stjórnaði barnakór í
Hrútafirði og var ánægð með
hvernig til tókst þar. Því lá beint
við að fara einnig inn á þá braut
á Suðurnesjum. „Mér finnst það
skipta máli að barnakórinn starfi
í tengslum við kirkjuna,“ segir
hún og bætir því við að það auki
á fjölbreytni í kirkjustarfinu að
hafa barnakór. Bjartar barna-
raddir geti verið skemmtileg við-
bót við það sem fyrir er. Barna-
kórarnir sáu til dæmis alfarið um
sönginn við messur á fyrsta
sunnudegi í aðventu, til þess að
létta álagið á kirkjukórunum sem
hafa mikið að gera í desember.
Börnin eru áhugasöm um starf-
ið. Í Garði mæta 25 börn að stað-
aldri á æfingar, það eru mest
börn úr fjórða til sjötta bekk. Í
Sandgerði koma enn fleiri á æf-
ingar, eða allt upp undir 45. Þar
eru börnin enn að prófa og ekki
víst að svo margir komi að stað-
aldri þegar frá líður. Í Sandgerði
eru einnig eldri nemendurnir
með, allt upp í 10. bekk.
Sama vandamálið er með
barnakórana og kirkjukórana, að
erfiðara er að fá drengi en stúlk-
ur. Ástæðan er þó ekki sam-
keppni frá karlakórunum, heldur
telur Pálína að strákar séu við-
kvæmari fyrir umtali en stúlkur.
Ef einhver segi að það sé asna-
legt að vera í kór þurfi að hafa
mikið fyrir því að halda strákn-
um í kórnum. En hún tekur fram
að nokkrir strákar séu í báðum
kórunum og þeir hafi ánægju af
því.
Þarf sálfræðing
Eins og sést á þessu og stöð-
ugum tilraunum til að fá fólk til
liðs við kirkjukórana þarf org-
anistinn að kunna nokkuð fyrir
sér í mannlegum samskipum.
„Maður þarf að vera sálfræð-
ingur í sér en það er líka ágætt
að kunna svolítið að spila á org-
el,“ segir Pálína Fanney Skúla-
dóttir.
Organistinn stjórnar tveimur kirkjukórum og
stofnar barnakóra við báðar kirkjurnar
Morgunblaðið/Sverrir
Miklar annir eru í jólamánuðinum hjá Pálínu Fanneyju Skúladóttur,
organista í Útskálaprestakalli.
Björninn unninn ef fólk
fæst til að prófa
Útskálaprestakall
ÍSLENSKIR aðalverktakar hf.
(ÍAV) hafa fengið úthlutaðri lóð fyr-
ir þrjú tveggja hæða fjölbýlishús í
Vogum. Stefnt er að byggingu
fyrsta hússins á næsta ári.
Vatnsleysustrandarhreppur hefur
úthlutað ÍAV lóð þar sem bens-
ínstöð ESSO stóð áður. Verið er að
skipuleggja lóðina og hanna þrjú
lítil fjölbýlishús sem þar er hug-
myndin að byggja. Að sögn Gunn-
laugs Kristjánssonar, framkvæmda-
stjóra þróunarsviðs ÍAV, verður
byrjað á fyrsta húsinu næsta vor, ef
áætlanir ganga eftir, og íbúðirnar
afhentar einhver tímann næsta vet-
ur.
Tíu 2–3 herbergja íbúðir verða í
húsinu. Gunnlaugur telur að slíkar
íbúðir vanti á markaðinn. Ungt fólk
sem áhuga hefur á að setjast að í
Vogum eigi erfitt með að finna
íbúðir við sitt hæfi. Jóhanna Reyn-
isdóttir sveitarstjóri tekur undir orð
Gunnlaugs, segir að sárlega vanti
2–4 herbergja íbúðir á staðinn.
Jóhanna segir að ef áform um
byggingu þessara þriggja fjölbýlis-
húsa gangi eftir muni fjölga um 90
manns í þorpinu og það gæti orðið
til þess að íbúafjöldun yrði enn ör-
ari en gert hefur verið ráð fyrir.
ÍAV stefna að bygg-
ingu fjölbýlishúsa
Vogar
JÓLASÝNING Fimleikadeild-
ar Keflavíkur verður í íþrótta-
húsinu við Sunnubraut í Kefla-
vík á morgun, laugardag, og
hefst klukkan 17.
Jólasýningin er árlegur við-
burður í starfi fimleikafólksins.
Um 200 börn og unglingar æfa
hjá Fimleikadeildinni, mest
stúlkur, og koma þau flest fram
á sýningunni. Yngstu börnin
sem taka þátt í sýningunni eru
fjögurra ára og þau elstu sextán.
Jóla-
sýning fim-
leikafólks
Keflavík
DÓMNEFND um ljósahús Reykja-
nesbæjar 2001 óskar eftir tilnefning-
um íbúa um vel lýst hús í bæjarfélag-
inu.
Markaðs-, atvinnu- og menningar-
skrifstofa Reykjanesbæjar stendur
ásamt Hitaveitu Suðurnesja fyrir
samkeppni um ljósahús Reykjanes-
bæjar árið 2001. Hægt er að koma
tilnefningum til dómnefndar á
heimasíðu Reykjanesbæjar eða með
því að hringja á skrifstofuna. Frest-
ur til tilnefninga rennur út þriðju-
daginn 18. desember, að því er fram
kemur á síðunni.
Úrslit verða kynnt föstudaginn 21.
desember, kl. 16, í Kjarna, Hafnar-
götu 57, og verðlaun veitt.
Samkeppni um ljósahús
Reykjanesbær
SKÓLANEFND Gerðahrepps mæl-
ir einróma með ráðningu Ernu M.
Sveinbjarnardóttur í stöðu skóla-
stjóra Gerðaskóla í Garði.
Fjórir sóttu um stöðu skólastjóra
sem auglýst var eftir að skólastjóri
og aðstoðarskólastjóri sögðu upp
störfum vegna óánægju með launa-
kjör. Enginn sótti um stöðu aðstoð-
arskólastjóra en einn umsækjandinn
lét þess getið að hann sækti um þá
stöðu ef hann fengi ekki skólastjóra-
stöðuna. Skólanefnd frestaði af-
greiðslu þess máls.
Erna M. Sveinbjarnardóttir er
kennari og fyrrverandi skólastjóri
og starfar nú að sérverkefnum í
menntamálaráðuneytinu.
Aukafundur verður í hreppsnefnd
Gerðahrepps næstkomandi mánu-
dag vegna þessa máls. Þar verður til-
laga skólanefndar afgreidd.
Skólanefnd
mælir með Ernu
Garður
Er þetta tiltölulega ný hefð hjá
sumum starfsmanna en gömul hjá
öðrum. Misjafnlega mikið er lagt í
vinnuna við að skera út en öllum þykir
þó laufabrauðið jafn gott og best ef
það er borðað jafn harðan og steikt er.
STARFSMENN Grunnskóla
Grindavíkur og fjölskyldur þeirra
koma saman í desember til að skera
út laufabrauð og steikja.
Morgunblaðið/Garðar Páll Vignisson
Starfsfólk og börn hjálpast að við laufabrauðsskurðinn.
Engin jól án laufabrauðs
Grindavík